~~~~~~~~⊰❂ unicode ❂⊱~~~~~~~~

တာချီလိတ် မဟာသင်္ကြန်ကာလအတွင်း တိုင်းရင်းသား လုပ်သားပြည်သူအပေါင်းများအား
အသိပေး နှိုးဆော်ချက်
တာချီလိတ်ခရိုင်၊ တာချီလိတ်မြို့ပေါ်ရပ်ကွက်များနှင့် ကျေးရွာအုပ်စုများတွင် နေထိုင်ကြသော တိုင်းရင်းသား လုပ်သားပြည်သူအပေါင်းတို့ခင်ဗျာ……………………

မကြာမီကျရောက်တော့မည့် မဟာသင်္ကြန်ကာလအတွင်း ယာဉ်များ တိုက်/ခိုက်တိမ်းမှောက်မှု အန္တရာယ် မဖြစ်စေရေးအတွက် လည်းကောင်း၊ ယာဉ်ကြောပိတ်ဆို့ပြီး အများပြည်သူများသွားလာမှု အနှောက်အယှက် မဖြစ်စေရန်အတွက် လည်းကောင်း၊ တာချီလိတ်ခရိုင် ယာဉ်စည်းကမ်း၊ လမ်းစည်းကမ်း ထိန်းသိမ်းရေး ကြီးကြပ်မှု ကော်မတီမှ မော်တော်ယာဉ်၊ မော်တော်ဆိုင်ကယ် နှင့် စက်တပ်ယာဉ်များ အသုံးပြုရာတွင် အောက်ပါ စည်းကမ်းချက်များကို လေးစားလိုက်နာကြရန် အသိပေးနှိုးဆော်အပ်ပါသည်။

· (၁) မော်တော်ဆိုင်ကယ်များအား စီးနင်းရာတွင် ဆိုင်ကယ်စီး ဦးထုပ်ဆောင်း၍ မေးသိုင်းကြိုး တပ်ဆင် မောင်းနှင်ကြရန် နှင့် မော်တော်ယာဉ် ခါးပတ် တပ်ဆင်မောင်းနှင်ကြရန်။
· (၂) မော်တော်ဆိုင်ကယ်အား (၂)ဦးထက်ပို တင်ဆောင်မောင်းနှင်ခြင်းမပြုရန်။
· (၃) ယာဉ်အား အရှိန်ပြင်းစွာမောင်းနှင်ခြင်းမပြုရန်။
· (၄) ပါဝါအိတ်ဇောတပ်ဆင်ခြင်း၊ အိတ်ဇောဖြုတ်မောင်းနှင်ခြင်း၊ စက်သံ ဆူညံစွာမောင်းနှင်ခြင်း မပြုရန်။
· (၅) ယာဉ်များအား အရက်သေစာ သောက်စားမူးယစ်၍ မောင်းနှင်ခြင်း မပြုရန်။
· (၆) ယာဉ်များအတင်း လုယက်၊ ကျော်တက်မောင်းနှင်ခြင်းမပြုရန်။
· (၇) ကြံ့ခိုင်မှုမရှိသော ယာဉ်အို၊ ယာဉ်ဟောင်းများ၊ ထော်လာဂျီများနှင့်ရေပက်ခံထွက်ခြင်း မပြုလုပ်ကြရန်။
· (၈) မော်တော်ယာဉ်များပေါ်တွင်လူအများအပြားတင်ဆောင်မောင်းနှင်ခြင်း၊ယာဉ်အမိုးများ ပေါ်တွင် တင်ဆောင် မောင်းနှင်ခြင်း၊ တွယ်ခို စီးခြင်းမပြုလုပ်ရန်။

အထက်ပါ စည်းကမ်းချက်များအား တာချီလိတ်ခရိုင် ယာဉ်စည်းကမ်းထိန်းသိမ်းရေးကြီးကြပ်မှု ကော်မတီ မှ တာချီလိတ်မြို့တွင်း (၆.၄.၂၀၁၇) ရက်နေ့မှ စတင်၍ မော်တော်ယာဉ်/ ဆိုင်ကယ်များအား စစ်ဆေး ခြင်းများ ဆောင်ရွက်သွားမည်ဖြစ်ပြီး စည်းကမ်းချက်များ နှင့် မကိုက်ညီသော မော်တော်ယာဉ်၊ ဆိုင်ကယ်များအား စစ်ဆေးတွေ့ရှိရပါက ၂၀၁၅ ခုနှစ် မော်တော်ယာဉ် ဥပဒဖြေင့် အရေးယူ ဆောင်ရွက်သွားမည်ဖြစ်ကြောင်း ကြိုတင်အသိပေး နှိုးဆော်အပ်ပါသည်။

ခရိုင်ယာဉ်စည်းကမ်းထိန်းသိမ်းရေးကြီးကြပ်မှုကော်မတီ
တာချီလိတ်