~~~~~~~~⊰❂ unicode ❂⊱~~~~~~~~

"ဒီမနက် (၆း၃၀)မှာ သူခိုးဝင်လာပြီး အိမ်ထဲမှာ ပုန်းနေတာ၊ ယောက်ျားကလည်း သူခိုးကို တွေ့သွားပြီး လုံးထွေးဖမ်းတော့ ဓားနဲ့ထိုးခံရတယ်၊ အခုလို ဖြစ်တာကို မိုးရွာသံကြောင့် ဘေးအိမ်တွေ ဘယ်သူမှ မသိလိုက်ဘူး၊ ဓားနဲ့ထိုးသွားသူက ညီမကို မအော်နဲ့ တိတ်တိတ်နေလို့ ရှမ်းလို ပြောပြီး ထွက်သွားတယ်၊ ဘာပစ္စည်းမှတော့ မရသွားဘူး"ဟု ဓားထိုးခံရသူ၏ ဇနီးဖြစ်သူက ရှင်းပြသည်။

နေအိမ်အတွင်း ပစ္စည်းများ ခိုးယူရန် အကြံဖြင့် ပုန်းလျှိုးဝင်ရောက်နပြေီး Mask တပ်ထားသည့် သူခိုးသည် နေအိမ်ပိုင်ရှင် စိုင်းဝန်းကျန်အား ဓားဖြင့် ထိုးလိုက်သဖြင့် စိုင်းဝန်းကျန်တွင် လက်မောင်းနှစ်ဖက်၌ ဓားဒဏ်ရာများ ရသွားသည့်အတွက် တာချီလိတ်နာရေးကူညီမှုအသင်းက ထိုင်းနိုင်ငံ ဆေးရုံသို့ ပို့ဆောင်ပေးထားကြောင်း သိရသည်။

အဆိုအပါ ဖြစ်စဉ်နှင့် ပတ်သက်၍ ပစ္စည်းများ ခိုးယူရန် အကြံဖြင့် ပုန်းလျှိုးဝင်ရောက်ပြီး အိမ်ရှင်အား ဓားဖြင့် ထိုးသွားသူ အမည်မသိ အမျိုးသားအား အမြန်ဆုံးဖမ်းမိရေးအတွက် ရဲတပ်ဖွဲ့မှ ရှာဖွေမှုများ ပြုလုပ်နေကြောင်းနှင့် တာချီလိတ်မြို့မရဲစခန်းတွင် (ပ) ၃၂၃/၂၀၁၈၊ ရာဇသတ်ကြီးပုဒ်မ ၄၅၅/၃၂၄ အရ အမှုဖွင့်ထားကြောင်း သိရှိရသည်။

Tachileik News Agency
ဓာတ်ပုံ - Zue၊ တာချီလိတ်နာရေးကူညီမှုအသင်း