မြန်မာ - ထိုင်းနယ်စပ် တာချီလိတ်မြို့ရဲ့ ဗိုလ်ချုပ်အောင်ဆန်းလမ်းမကြီးတစ်လျှောက်မှာရှိတဲ့ ရေမြောင်းအဖုံးတွေဖြစ်တဲ့ သံဖုံးတွေဟာ မကြာခဏ ခိုးယူခံနေရတာကြောင့် စည်ပင်သာယာရေးဌာနက ပြည်သူပိုင်ပစ္စည်းကာကွယ်စောင့်ရှောက်ရေးဥပဒေနဲ့ တာချီလိတ်မြို့မရဲစခန်းမှာ အမှုဖွင့်လိုက်ပါတယ်။
လတ်တလောမှာ ရေမြောင်း သံအဖုံးများအနက် ဆန်ဆိုင်းရပ်ကွက် (၅)လမ်းမှာ သံအဖုံး (၇)ခု၊ မယ်ခေါင်ရပ်ကွက်မှာ သံအဖုံး (၇)ခု စုစုပေါင်း (၁၄)ခု ခိုးယူခံနေရတာဖြစ်ပါတယ်။
အဲ့ဒီလို ခိုးယူခံနေရတာနဲ့ ပတ်သက်ပြီး တာချီလိတ်မြို့နယ်စည်ပင်သာယာရေးဌာနက တာချီလိတ်မြို့မရဲစခန်းမှာ (ပ) ၁၄/၂၀၁၉၊ ပြည်သူပိုင်ပစ္စည်းကာကွယ်စောင့်ရှောက်ရေးဥပဒေပုဒ်မ ၆(၁)ဖြင့် ၂၀၁၉ခုနှစ် ဇန်န၀ါရီလ(၉)ရက်နေ့က အမှုဖွင့်လိုက်တာပါ။
ဗိုလ်ချုပ်အောင်ဆန်းလမ်းမကြီးတစ်လျှောက်ရှိ ရေမြောင်းများအတွင်းမှာ အမှိုက်များ၊ သဲများ ပိတ်ဆို့ပါက အလွယ်တကူဆယ်ယူနိုင်ရန်အတွက် အပေါက်ဖောက်ပြီး သံအဖုံးတွေ ပြုလုပ်ထားရှိရာက အခုလို ခိုးယူခံနေရတာဖြစ်ပါတယ်။
တင်ဆက် - ကိုဇောင်း
ရိုက်ကူး - ကျော်ဇင်ဟိန်း
~~~~~~~~~~~~~~~~~~ ကြော်ငြာ ~~~~~~~~~~~~~~~~~~~~ 
