~~~~~~~~⊰❂ Unicode Version ❂⊱~~~~~~~~

ရှမ်းပြည်နယ်အရှေ့ပိုင်း၊ တာချီလိတ်မြို့နယ်အတွင်း ICE (၁၀)ကီလိုအား ဆိုင်ကယ်ဖြင့် သယ်ဆောင် လာသူတစ်ဦးကို ဖမ်းဆီးရမိပြီးနောက် ရောင်းချပေးသူကိုပါ ဆက်စပ် ဖမ်းဆီးနိုင်ခဲ့ကြောင်း သိရသည်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့စု(၃၀)တာချီလိတ်မှ တပ်ဖွဲ့ဝင်များသည် တာချီလိတ်ခရိုင် ရဲတပ်ဖွဲ့မှ တပ်ဖွဲ့ဝင်များ၊ စစ်ဘက်ရေးရာလုံခြုံရေးတပ်ဖွဲ့မှ တပ်ဖွဲ့ဝင်များနှင့် ပူးပေါင်း၍ ၂၀၁၉ ခုနှစ်၊ ဇန်နဝါရီလ (၉) ရက်နေ့ ည(၉)နာရီ (၅၀)မိနစ်အချိန်တွင် ဆန်ဆိုင်း(ခ)ရပ်ကွက်၊ ဝမ်မိုင်ရွာဈ ခရစ်ယာန်ဘုရားကျောင်း သွားလမ်းတွင် ဆိုင်ကယ် မောင်းနှင်လာသည့် စိုင်းရှဲန်လာ(ခ)စိုင်းရှဲန်လှအား စစ်ဆေးရာ ဆိုင်ကယ်ရှေ့ခွ ကြားတွင် တင်ဆောင်လာသည့် ကျောပိုးအိတ် အတွင်းမှ ရွှေရောင်တရုတ် လ္ဘက်ခြောက် အိတ်ဖြင့် ထည့်ထားသည့် ICE (၆) ကီလိုနှင့် ဆိုင်ကယ် တူးဘောက်အတွင်း ပလတ်စတစ် အိတ်ဖြင့် ထည့်ထားသည့် ICE (၄) ကီလို စုစုပေါင်း ICE (၁၀) ကီလိုကို သိမ်းဆည်းရမိကြောင်း သိရသည်။

ယင်းနောက် စစ်ဆေးဖော်ထုတ်ချက် အရ အဆိုပါ ICE များအား ရောင်းချပေးခဲ့သည့် တာချီလိတ်မြို့၊ ဆန်ဆိုင်း(ခ)ရပ်ကွက်၊ ဟံသာဝတီလမ်းရှိ ဒေါ်မွှေးလိန်ကိုလည်း ထပ်မံဖမ်းဆီးရမိခြင်းဖြစ်ကြောင်း သိရသည်။

မူးယစ်ဆေးများနှင့်အတူ ဖမ်းဆီးရမိသည့် စိုင်းရှဲန်လာ(ခ)စိုင်းရှဲန်လှနှင့် မွှေးလိန်တို့အား တာချီလိတ်မြို့မ ရဲစခန်းတွင် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများဆိုင်ရာဥပဒဖြေင့် အမှုဖွင့်စစ်ဆေးနေကြောင်း သိရသည်။

Tachileik News Agency
ဓာတ်ပုံ - ရဲတပ်ဖွဲ့