မြန်မာနိုင်ငံလူမှုကယ်ဆယ်ရေးအဖွဲ့နှင့် တရုတ်နိုင်ငံ Blue Sky Rescue တို့ ပူးပေါင်းကာ Sky Villa အဆောက်အဦ၏ အပျက်အစီးများအကြား ရှာဖွေမှုများ ပြုလုပ်ချိန် ရွှေထည်ပစ္စည်းများနှင့် Ipad တစ်လုံးတို့ကို တွေ့ရှိရ၍ ပိုင်ရှင်ထံ ပြန်လည်ပေးအပ်နိုင်ရန်အတွက် သက်ဆိုင်ရာကို အပ်နှံပေးထားကြောင်း မြန်မာနိုင်ငံလူမှုကယ်ဆယ်ရေးအဖွဲ့(ဘားအံ)က အသိပေးထားသည်။
Sky Villa ၏ အပျက်အစီးများအကြား ၂၀၂၅ခုနှစ် ဧပြီလ(၇)ရက်နေ့က အဆိုပါ ရွှေထည်ပစ္စည်းများကိုတွေ့ရှိရခြင်းဖြစ်ပြီး ပိုင်ရှင်မှာ မည်သူဖြစ်သည်ကို မသိရသေး၍ သက်ဆိုင်ရာသို့ အပ်နှံပေးထားခြင်း ဖြစ်ကြောင်း သိရသည်။
ပြီးခဲ့သည့် ဧပြီလ(၁)ရက်နေ့ကလည်း မန္တလေးတွင် အပျက်အစီးများအကြား ရှာဖွေတွေ့ရှိရသည့် ရွှေထည်နှင့် ငွေသားများအား မြန်မာနိုင်ငံလူမှုကယ်ဆယ်ရေးအဖွဲ့ (မန္တလေးတိုင်းဒေသကြီး)က ပိုင်ရှင်လက်ထဲသို့ အပ်နှံပေးခဲ့သေးကြောင်းလည်း သိရသည်။
