ရှမ်းပြည်နယ်အရှေ့ပိုင်းဒေသအတွင်း ကျိုင်းတုံ - မိုင်းလားလမ်းပေါ် ယန်းကိန်ကျေးရွာအနီးတွင် ကားနှင့်ဆိုင်ကယ် တိုက်မိပြီး အမျိုးသားတစ်ဦး (၁)ဆုံးသွားကြောင်း သိရသည်။
ယန်းကိန်ကျေးရွာအနီး လမ်းပေါ်တွင် ယနေ့ ၂၀၂၅ခုနှစ် ဇန်နဝါရီလ(၃၀)ရက်နေ့ ညနေ(၃)နာရီ ဝန်းကျင်အချိန်က (၆)ဘီးကားနှင့် ဆိုင်ကယ် တိုက်မိကြခြင်း ဖြစ်ကြောင်း သိရသည်။
ဆိုင်ကယ်ပေါ်တွင်ပါသည့် (၂)ဦးအနက် အမျိုးသားတစ်ဦးမှာ နေရာတွင် သေဆုံးသွားပြီး ဆိုင်ကယ်ပေါ်မှ ကျန် ဒဏ်ရာရရှိသူကို ကျိုင်းတုံ တိုင်းနေနာရေးကူညီမှုအသင်းက ဆေးရုံသို့ ကူညီပို့ဆောင်ပေးထားကြောင်း သိရသည်။
ဇန်နဝါရီလ(၂၉)ရက်နေ့ ညပိုင်းကလည်း ကျိုင်းတုံ - တောင်ကြီးသွားလမ်း ကျိုင်းဖောင်းအနီးတွင် ယာဉ်မတော်တဆမှုဖြစ်ပြီး အမျိုးသားတစ်ဦး သေဆုံးသွားသည့် ဖြစ်စဉ်လည်း ဖြစ်ပွားခဲ့သေးသည်။
ပြီးခဲ့သည့် ဇန်နဝါရီလ(၂၇)ရက်နေ့ ညနေပိုင်းလည်း ကျိုင်းတုံ-တာချီလိတ်လမ်း နမ့်ချပ်ရွာအနီးတွင် ယာဉ်မတော်တဆမှုကြောင့် လူ(၃)ဦး ဒဏ်ရာရရှိသည့် ဖြစ်စဉ်လည်း ဖြစ်ပွားခဲ့သေးကြောင်း သိရသည်။
