ရှမ်းပြည်နယ်မြောက်ပိုင်း လားရှိုးမြို့ရှိ ဒေသခံများကို စစ်မှုမထမ်းမနေရ၊ စားနပ်ရိက္ခာ ပေးဆောင်ခြင်းနှင့် လူငယ်စုဆောင်းခြင်းများ လုံးဝမရှိကြောင်း MNDAA ၏ လားရှိုးဧရိယာစစ်ရေးအုပ်ချုပ်မှုကော်မတီ လူထုလုပ်ငန်းအဖွဲ့ အကြီးအကဲ၊ ကွတ်ခိုင်ခရိုင်ပါတီ ကော်မတီဒုတိယအတွင်းရေးမှူး Mr. Li Xinhai ကပြောသည်။

MNDAA သည် လားရှိုးဧရိယာစစ်ရေးအုပ်ချုပ်မှုကော်မတီ၏အလုပ်အဖွဲ့သည် လားရှိုးမြို့နှင့်ပတ်သက်သည့် အထူးဒေသ(၁)၏ လက်ရှိမူဝါဒများကို လားရှိုးမြို့ လူထုနှင့် တွေ့ဆုံပွဲများကျင်းပကာ ရှင်းပြပေးနေခြင်းဖြစ်ကာ အဆိုပါကိစ္စကို ၂၀၂၄ခုနှစ် ဩဂုတ်လ (၁၈)ရက်နေ့ တွေ့ဆုံပွဲတွင် ပြောဆိုခြင်းဖြစ်သည်။ 

screenshot_2024-08-20_105106.png

MNDAA သည် ပြည်သူမှ ဆင်းသက်လာကာ ပြည်သူအတွက်တာဝန်ထမ်းဆောင်၍ ပြည်သူများ၏ အကျိုးစီးပွားကို ထိခိုက်စေသည့် မည်သည့်အရာကိုမျှ လုပ်မည်မဟုတ်ဟုလည်း ဆိုသည်။

ထို့အပြင် အချို့သောလူများက မလိုလားအပ်သော ကောလာဟလများကို ဖြန့်ဝေနေခြင်းအား လူထုကနားထောင်ရန်မလိုအပ်သည့်အပြင် MNDAA တပ်များကိုလည်း ကြောက်စရာမလိုကြောင်း ပြောဆိုသည်။ 

screenshot_2024-08-20_105118.png

လားရှိုးမြို့အတွင်း ခိုးမှု၊ မူးယစ်ဆေးဝါးသုံးစွဲမှု၊ မူးယစ်ဆေးဝါးရောင်းဝယ်ဖောက်ကားမှုစသည်တို့ကို အရှိန်မြှင့် နှိမ်နင်းနေပြီး လားရှိုးဒေသခံများအနေဖြင့်လည်း မှုခင်းများကိုတိုင်ကြားရန်နှင့် လားရှိုးမြို့လူထုလုံခြုံ ရေးလုပ်ငန်းများကို ပူးပေါင်းရန် MNDAA ကဆိုသည်။

လားရှိုးမြို့ပေါ်ရှိ ရပ်ကွက်တစ်ခုစီတွင် ကွန်ရက်ဆာဗာတစ်ခုတပ်ဆင်ရန်နှင့် ဒေသခံများအား အခမဲ့အသုံးပြုခွင့်ပေးရန် MNDAA က ညွှန်ကြားထားပြီး လက်ရှိ လားရှိုးမြို့ရှိ ရပ်ကွက်(၁၂)တွင်လည်း MYTEL ကွန်ရက် ပြန်လည်ရရှိနေပြီဖြစ်ကြောင်း သိရသည်။

#TachileikNewsAgency

Photo: 果敢资讯网