စစ်ကိုင်းတိုင်း၊ တမူးမြို့၊ မြို့မ (၁၂) နန်းဖာလုံရပ်ကွက် ကားလေးဝန်းအကျော် ကံကြီးဝတံတားအနီးတွင် အာဏာသိမ်း စစ်ကောင်စီတပ်ကို ပြည်သူ့ကာကွယ်ရေးတပ်များက ယနေ့ ၂၀၂၂ ခုနှစ်၊ ဇန်နဝါရီလ(၁၆)ရက်နေ့ နံနက်ပိုင်းက မိုင်းဆွဲတိုက်ခိုက်ရာ စစ်ကောင်စီတပ်သား (၄)ဦးသေပြီး (၂) ဦး ဒဏ်ရာရသွားကြောင်း တမူး PDF က သတင်းထုတ်ပြန်သည်။

စစ်ကောင်စီတပ်ကို ပြည်သူ့ကာကွယ်ရေးတပ်(တမူး) တပ်ရင်း(၁)၊ တပ်ခွဲ(၃)၊ ကျောင်းသားတပ်(BSO)နှင့် TSG တပ်ရင်း(၄)တို့ ပူးပေါင်း တိုက်ခိုက်ခဲ့ခြင်းဖြစ်ကြောင်း သိရသည်။

အဆိုပါ တိုက်ခိုက်မှုတွင် ပြောက်ကျားစနစ်ဆင်နွှဲခဲ့သည့် ပြည်သူ့ကာကွယ်ရေးတပ်များက အထိအခိုက်မရှိ ဆုတ်ခွာနိုင်ခဲ့ကြောင်း သိရသည်။

ပြည်သူ့ကာကွယ်ရေးတပ်(တမူး) တပ်ရင်း(၁)၊ တပ်ခွဲ(၃)၊ ကျောင်းသားတပ်(BSO)နှင့် TSG တပ်ရင်း(၄)တို့သည် မြေပြင်စစ်ဆင်ရေးများကို ပူးပေါင်း၍ တိုက်ပွဲဝင်သွားမည်ဖြစ်ကြောင်း ထုတ်ပြန်သည်။