ရှမ်းပြည်နယ်(မြောက်ပိုင်း) ကျောက်မဲမြို့ပေါ် အမှတ်(၆)ရပ်ကွက်ရှိ လက်ဖက်ရည်ဆိုင်တစ်ဆိုင်နှင့် အမှိုက်ပုံတစ်ခုအနီးတွင် ၂၀၂၁ခုနှစ် မေလ (၃)ရက် ညနေပိုင်းကတွေ့ရှိရသော လက်ပစ်ဗုံးတစ်လုံးနှင့် မသင်္ကာဖွယ်အရာတစ်ခုကို အာဏာသိမ်းစစ်ကောင်စီ၏ စစ်တပ်က တပ်သို့ သယ်ဆောင်သွားခြင်းမရှိဘဲ တွေ့သည့်နေရာမှာပင် ဖောက်ခွဲမှု (၂)ကြိမ် ပြုလုပ်ပြီး ရှင်းလင်းလိုက်သည်။
ကျောက်မဲ - မိုးကုတ်သွားလမ်းနှင့် ချယ်ရီလမ်းဆုံရာနေရာရှိ ရွှေရည်ဖူး လက်ဖက်ရည်ဆိုင်နှင့် ၎င်းနေရာအနီး အမှိုက်ပုံတွင် ယနေ့ မေလ(၃)ရက် ညနေ (၄)နာရီခွဲဝန်းကျင်အချိန်က ဗုံးတစ်လုံးနှင့် ဗုံးဟုယူဆရသည့် နောက်ထပ် အရာတစ်ခုကို တွေ့ရှိသဖြင့် စစ်တပ်နှင့် ရဲတပ်ဖွဲ့က လမ်းများပိတ်ကာ စစ်ဆေးမှုပြုလုပ်ခဲ့သည်။
ညနေ ၅ နာရီ ၃၀ ခန့်တွင် ဖေါက်ခွဲဖျက်ဆီးမှု တစ်ကြိမ်ပြုလုပ်ခဲ့ပြီး အချိန်ခဏခြားကာ နောက်ထပ်တစ်ကြိမ် ထပ်မံဖေါက်ခွဲ ဖျက်ဆီး လိုက်ခြင်း ဖြစ်သည်ဟု ဖြစ်စဥ်ဖြစ်ပွားရာသို့ သွားရောက်ကြည့်ရှုခဲ့သူတို့ထံက သိရသည်။
Photo: တောင်ပေါ်သားလေး , CJ
ဆက်စပ်သတင်း
