~~~~~~~~⊰❂ Unicode Version ❂⊱~~~~~~~~

"ဖမ်းမိတဲ့ ဆိုင်ကယ်တွေကို အရေးယူသွားမှာပါ။ လက်ရှိဖမ်းထားတာ (၁၁)စီး (၁၂)စီးလောက်ရှိပြီ"ဟု တာချီလိတ်မြို့နယ်ရဲတပ်ဖွဲ့မှူး ရဲမှူးလှဦးက တာချီလိတ်သတင်းအေဂျင်စီသို့ ဖေဖော်ဝါရီလ (၁၇)ရက်နေ့ ညပိုင်းတွင် ပြောသည်။

ဆေးခမ်းရပ်ကွက်အပိုင်း တာချီလိတ်မြို့အဝင် ဆိုင်းဘုတ်အနီးတွင် တာချီလိတ်မြို့နယ်ရဲတပ်ဖွဲ့မှူး ရဲမှူးလှဦး နှင့် သက်ဆိုင်ရာ တပ်ဖွဲ့ဝင်များ၊ ဟောင်လိတ်ရဲကင်းစခန်းမှူး နှင့် တပ်ဖွဲ့ဝင်များ၊ ပြည်နယ်(မှု/ကူ)၊ နယ်မြေခံတပ်နှင့် ပြည်သူ့စစ်အဖွဲ့ဝင်များ၊ ယာဉ်ထိန်းရဲတပ်ဖွဲ့နှင့် သက်ဆိုင်ရာ ပူးပေါင်းအဖွဲ့တို့မှ ရှောင်တခင်ပိတ်ဆို့စစ်ဆေးရာတွင် မယ်ယန်းဘက်မှ တာချီလိတ်မြို့တွင်းဘက်သို့ မောင်းနှင်လာသည့် ပါဝါအိတ်ဇောတပ်ဆင်ထားသည့် ဆိုင်ကယ်တစ်စီးနှင့် ဆေခမ်းရပ်ကွက်မှ တာချီလိတ်မြို့တွင်းသို့ မောင်းနှင်လာသည့် ပါဝါအိတ်ဇောတပ် ဆိုင်ကယ်တစ်စီးတို့ကို ဖမ်းဆီးရမိခဲ့ကြောင်းသိရသည်။

လက်ရှိအချိန်အထိ ဖမ်းဆီးအရေးယူထားသည့် ပါဝါအိတ်ဇောတပ်ဆိုင်ကယ်(၂၀၀) ကျော်မှ အိတ်ဇောများကို ဖြုတ်ယူ သိမ်းဆည်းထားရာတွင် အဆိုပါ အိတ်ဇောများကို ရှမ်းရိုးမကွင်းအတွင်း အများပြည်သူရှေ့တွင် လမ်းကြိတ်စက်ဖြင့် ဖျက်စီး သွားမည်ဖြစ်ကြောင်းနှင့် ပါဝါအိတ်ဇော တပ်ဆင်ကာ မောင်းနင်းမှုအတွက် ဒဏ်ကြေးငွေအမြင့်ဆုံး ကျပ်တစ်သိန်းနှင့် ထောင်ဒဏ်တစ်လချမှတ်နိုင်ကြောင်း သိရသည်။

သတင်း/ဓာတ်ပုံ - ဟန်စိုးထိုက်