~~~~~~~~⊰❂ Unicode Version ❂⊱~~~~~~~~

ရှမ်းပြည်နယ်အရှေ့ပိုင်း၊ တာချီလိတ်ခရိုင်၊ မိုင်းဖြတ်မြို့ရှိ မိုင်းဖြတ် - တာချီလိတ်ကားလမ်းအကွေ့တွင် ကုန်တင်ယာဉ်တစ်စီးက တစ်ဖက်ယာဉ်ကြောမှ မောင်းနှင်လာသည့် ဆိုင်ကယ်ကို ဝင်တိုက်မိသဖြင့် ဆိုင်ကယ်မှ အမျိုးသား(၂)ဦးမှာ ဒဏ်ရာအပြင်းအထန်ရသွားပြီး တာချီလိတ်ပြည်သူ့ဆေးရုံကြီးသို့ ပို့ဆောင်ပေးထားရကြောင်း သိရသည်။

၂၀၁၉ ခုနှစ်၊ ဇန်နဝါရီလ (၂၈)ရက်နေ့က ဦးတင်စိန်နှင့် ဦးအားဟူတို့သည် ဆိုင်ကယ်တစ်စီးဖြင့် တာချီလိတ်ဘက်မှ မိုင်းဖြတ်ဘက်သို့ မောင်းနှင်လာစဉ် ယာဉ်မောင်း ခင်လှမောင်းနှင်လာသည့် (၁၄)ဘီးယာဉ်က မိုင်းဖြတ်ဘက်မှ တာချီလိတ်ဘက်သို့ အသွား မိုင်တိုင်အမှတ် (၇၂၀/၇၂၁)ကြား လမ်းအကွေ့တွင် တစ်ဖက်ယာဉ်ကြောသို့ ရောက်သွားကာ ဝင်တိုက်မိခြင်းဖြစ်ကြောင်း သိရသည်။

ယာဉ်တိုက်မှုဖြစ်ပွားကြောင်းကို မိုင်းဖြတ်မြို့မရဲတပ်ဖွဲ့က ညနေ (၄)နာရီခွဲအချိန်တွင် သတင်းရရှိသဖြင့် သက်သေများ ပါဝင်သည့်အဖွဲ့နှင့်အတူ သွားရောက်စစ်ဆေးကာ သင်္ဂဟလူမှုကူညီရေး အသင်းက ဒဏ်ရာရသူများအား ဆေးရုံသို့ ပို့ဆောင်ပေးခဲ့ခြင်းဖြစ်ကြောင်း သိရသည်။

အဆိုပါ ယာဉ်တိုက်မှုနှင့်ပတ်သက်၍ ယာဉ်မောင်း ခင်လှကို မိုင်းဖြတ်မြို့မရဲစခန်းတွင် ယာဉ်(ပ) ၁/၂၀၁၉၊ ရာဇသတ်ကြီးပုဒ်မ ၂၇၉/၃၃၇/၃၃၈ ဖြင့် အမှုဖွင့်ထားကြောင်း သိရသည်။

သတင်း -  ကိုသာ
ဓါတ်ပုံ -  သင်္ဂဟလူမှုကူညီရေး အသင်း