ကျိုင်းတုံကြားဖြတ်ရွေးကောက်ပွဲ ကြိုတင်မဲပေးသူများ၍ မဲလာပေးသူနည်း
************
ရှမ်းပြည်နယ်အရှေ ့ပိုင်း ကျိုင်းတုံမြို့တွင် ဧပြီလ (၁) ရက်နေ့ကကျင်းပသည့် ကြားဖြတ်ရွေးကောက်ပွဲတွင်  ကြိုတင်မဲပေးသူများကြောင်း ကျိုင်းတုံမြို ့နယ်အမျိုးသားဒီမိုကရေစီအဖွဲ ့ချုပ် ရွေးကောက်ပွဲ စောင့်ကြည့်လေ့လာသူထံမှ သိရသည်။
“ဒီနေ ့မှာ မဲလာပေးတဲ့သူ နည်းနေရတာက ကြိုတင်မဲလာပေးထားတဲ့သူများနေတာနဲ ့ ဒီနေ ့မှာ ကျိုင်းတုံမြို ့ပေါ်မှာ ပွဲလမ်းသဘင်တွေ အရမ်းများနေတဲ့အတွက် နည်းနေတယ်လို ့ထင်ပါတယ်။ ကြိုတင်မဲ ပေးသွားတဲ့အထဲမှာ ဘောင်မဝင်ဘဲ ပေးသွားတာလည်းရှိတယ်။ ကော်မရှင် တော်တော်များများကလည်း လုပ်ထုံးလုပ်နည်းတွေ သိပ်နားမလည်ဘူးလို ့ မြင်ပါတယ်”ဟု အမျိုးသားဒီမိုကရေစီအဖွဲ ့ချုပ်မှ ရွေးကောက်ပွဲလေ့လာစောင့်ကြည့်သူ တစ်ဦးဖြစ်သူ ဦးခင်မောင်တင့်ကပြောသည်။
ကျိုင်းတုံမြို့နယ် ၂၀၁၇ ခုနှစ်ကြားဖြတ်ရွေးကောက်ပွဲ မဲစာရင်းမှာ ၂၀၁၅ ခုနှစ် မဲစာရင်းထက် မဲဆန္ဒရှင်ဦးရေ (၅၀၀၀)ခန် ့တိုးလာသော်လည်း အမှန်တကယ်မဲပေးပိုင်ခွင့်ရှိသူစာရင်းကျန်နေသည်များရှိကြောင်း ၎င်းကဆိုသည်။
“ဒီကြားဖြတ်ရွေးကောက်ပွဲမှာက လူသိပ်လာတာမတွေ ့ဘူး။ပြီးခဲ့တဲ့ (၂၀၁၅)တုန်းက မနက်ကတည်းက မဲလာပေးတာ အရမ်းများတယ်။အခုလို မဲပေးတဲ့လူသိပ်မလာတာက စိတ်ဝင်စားမှု အားနည်းလို ့ပေါ့။ကိုယ်စားလှယ်လောင်းတိုင်းကတော့ အရွေးခံရရင် သူ ့ပါတီနဲ ့သူ ပြည်သူတွေအတွက် ကြိုးစားပြီး လုပ်ကြမယ်လို ့ မျှော်လင့်ပါတယ်။”ဟု အမှတ်(၅)ရပ်ကွက် မဲရုံအမှတ်(၁)တွင် မဲလာရောက်ပေးသည့် ကိုရဲနိုင်ထွေးကပြောသည်။
ကြားဖြတ်ရွေးကောက်ပွဲ ကျင်းပသည့်နေ ့တွင် ကျိုင်းတုံမြို ့ှ၌ ရှင်ပြုပွဲများ၊ မင်္ဂလာဆောင်များ ရှိနေသည်ဆိုသော အကြောင်းပြချက်ဖြင့် ကြိုတင်မဲလာရောက်ပေးမှုများလည်းရှိပြီး တပ်မဲရုံ(၃)ရုံတွင် ကြိုတင်မဲလာရောက်ပေးထားမှုမှာ (၇၃၁)ဦးရှိနေကြောင်း သိရသည်။
ကြားဖြတ်ရွေးကောက်ပွဲတွင် ကျိုင်းတုံမြို ့ပေါ် ရပ်ကွက်(၂)ခုဖြစ်သည့် အမှတ်(၁)ရပ်ကွက်နှင့် အမှတ်(၅)ရပ်ကွက်တို ့တွင် မဲပေးပိုင်ခွင့်ရှိသူ(၁၉၃၇၁)ဦးအတွက် မဲရုံ(၈)ရုံထားရှိပြီး ကျေးရွာအုပ်စု (၁၆)အုုပ်စုတွင် မဲပေးပိုင်ခွင့်ရှိသူ (၃၆၇၆၃)ဦးအတွက် မဲရုံ (၄၉)ရုံရှိကြောင်း သိရသည်။

သတင်း၊ဓါတ်ပုံ #ဇွဲမြတ်