~~~~~~~~⊰❂ unicode ❂⊱~~~~~~~~

တာချီလိတ်မြို့နယ်၊ ဝိန်းကျောက်ရပ်ကွက်၊ ကားလေးကွင်းရှေ့မှ မြို့ရှောင်လမ်းဖြစ်သည့် တော်ဝင်လမ်းတွင် ကျောက်သယ်ယာဉ်နှင့် မြေသယ်ယာဉ်များအပြင် ယာဉ်ကြီးများ နေ့စဉ် ဖြတ်သန်းမှု များသဖြင့် လမ်းပျက်နပြေီး ဖုန်မှုန့်များကြောင့် ပတ်ဝန်းကျင်နေထိုင်သူများ ကျန်းမာရေး စိုးရိမ်နေရသည့်အတွက် သက်ဆိုင်ရာမှ ပြုပြင်ပေးရန် လိုအပ်နေကြောင်းဒေသခံများက ဆိုသည်။

 “ဖုန်မှုန့်တွေက လွင့်တာလေ။ မြေတင်ကားတွေ၊ ကျောက်တင်ကားတွေ အများကြီးသွားလာနေတာ။ တစ်နေ့ တစ်နေ့ကို အခေါက်ရေ(၁၀၀)ကျော် လောက်သွားနေတာ။ မနက် မနက် အိမ်တံခါးဖွင့်ရင် အိမ်ရှေ့မှာ ချွတ်ထားတဲ့ ဖိနပ်တောင် ဖုန်တွေဖုန်တွေ ဖုံးသွားတဲ့အထိပဲ။ ဖုန်မှုန့်တွေက နှစ်လက်မလောက် ရှိတယ်လေ။ ကလေးလေးတွေလည်းရှိတော့ ကျန်းမာရေးအတွက် မကောင်းဘူးပေါ့”ဟု ဝိန်းကျောက်ရပ်ကွက်မှ ကိုစိုင်းကျော်ဦးက ဆိုသည်။

အဆိုပါ လမ်းပိုင်း ပျက်နေသည်မှာ ကြာမြင့်နပြေီဖြစ်ပြီး လမ်းပိုင်းအနီးရှိ အိမ်ခြေ (၅၀)ကျော်မှ မိသားစုများမှာ ဖုန်မှုန့်များကြောင့် ကျန်းမာရေး ထိခိုက်နေသည်ဟု ဒေသခံများက ဆိုသည်။

"ဒီလမ်းကနေ ကျောက်ကားတွေ၊ မြေသယ်ကားတွေ ကားကြီးတွေ အသွားများတယ်။ လမ်းကတော့ ထုံးစံအတိုင်းပဲ နွေရာသီဆို ချိုင့်ခွက်တွေနဲ့ ဖုန်ထတာတွဖြေစ်သလို မိုးရာသီဆိုရင် သွားရလာရ တော်တော်ဆိုးတယ်။ ဒီလမ်းပျက်နေတာကြာပြီ။ တာဝန်ရှိသူတွေ မမြင်တာလားဆိုတာ မပြောတတ်ပါဘူးဗျာ၊ ပြုပြင်ပေးသင့်ပါတယ်ဗျာ၊ "ဟု အဆိုပါ လမ်းအနီးနေထိုင်သူ ကိုအောင်မင်းက ပြောသည်။

တော်ဝင်လမ်းပြုပြင်ရာတွင် ဗိုလ်ချုပ်လမ်းမကြီးနှင့်နီးသည့်အပိုင်းတွင်သာ ပြုပြင်လေ့ရှိပြီး အတွင်းပိုင်းလမ်းတွင် ပြုပြင်မှုမရှိသဖြင့် လက်ရှိတွင် ကားငယ်များသွား၍ မရတော့ကြောင်း သိရသည်။

ဓာတ်ပုံ - စိုင်းကျော်ဦး