~~~~~~~~⊰❂ unicode ❂⊱~~~~~~~~

ရှမ်းပြည်နယ်အရှေ့ပိုင်း တာချီလိတ်ခရိုင် မိုင်းဖြတ်မြို့နယ်စည်ပင်သာယာရေးကော်မတီက ကြမ်းခင်းဈေး ကျပ်(၅၈၀,ဝဝဝ)ဖြင့် ပထမဆုံး လေလံတင်လိုက်သည့် မိုင်းဖြတ်-မိုင်းယောင်း မြို့ဝင်ကြေးဘီးကောက်(၂)လေလံမှာ ကျပ်သိန်း (၈,ဝ၁၀,ဝဝဝ)ဖြင့် လေလံရရှိသွားကြောင်း သိရသည်။

ဖေဖော်ဝါရီလ (၃)ရက် နံက်(၉)နာရီတွင် မိုင်းဖြတ်မြို့နယ်စည်ပင်သာယာရေးကော်မတီ၏ ၂၀၁၇-၂၀၁၈ ဘဏ္ဍာနှစ် အရပ်ရပ်အခွင့်အရေးလိုင်စင် (၇)ခုအား လေလံရောင်းချရာတွင် ယခုဘဏ္ဍာနှစ်အတွင်း ပထမဆုံး စတင်လေလံဖွင့်လိုက်သည့် မိုင်းဖြတ်-မိုင်းယောင်း မြို့ဝင်ကြေးဘီးကောက်(၂)လေလံမှာ ကြမ်းခင်းဈေးထက် အဆမတန် မြင့်တက်သွားခြင်းဖြစ်သည်။

အဆိုပါ လမ်းမှာ မိုင်းဖြတ်မြို့နယ်အတွင်း(၄၉)မိုင်နှင့် မိုင်းယောင်းမြို့နယ်အတွင်း(၁၇)မိုင်ရှိသည့် လမ်းခွဲဖြစ်ပြီး ယင်းလမ်းပိုင်းသည် တာချီလိတ်မြို့နှင့် ကျိုင်းတုံမြို့ များ မိုင်းယောင်း၊ မိုင်းယု၊ အထူးဒေသနှင့် တရုတ် နိုင်ငံများသို့ သွားသည့်လမ်းကြောင်းတွင် ရှိနခြေင်းဖြစ်သည်။

မိုင်းဖြတ် - မိုင်းယောင်း မြို့ဝင်ကြေးဘီးကောက်(၂)လုပ်ငန်းသည် ၂၀၁၇ - ၂၀၁၈ ဘဏ္ဍာနှစ်တွင် အသစ်ပေါ်ပေါက်လာသော ဂိတ်တစ်ခုဖြစ်ကြောင်း နှင့် လေလံကြမ်းခင်းဈေးအား ကျပ်(၅)သိန်းကျော်ဖြင့် လေလံတင်ရာ ကျပ်သိန်း(၈၀)ကျော်အထိ မြင့်တက်ခဲ့ခြင်း ဖြစ်ကြောင်း သိရသည်။

သတင်း/ဓာတ်ပုံ - ကိုသာ