အမျိုးသား ဒီမိုကရေစီအဖွဲ့ချုပ် (NLD) ပါတီ၏ ဥပဒေအကြံပေး တရားလွှတ်တော်ရှေ့နေ ဦးကိုနီ ရန်ကုန် အပြည်ပြည်ဆိုင်ရာလေဆိပ်၌ သေနတ်ဖြင့် အနီးကပ် ပစ်ခတ်လုပ်ကြံခံရပြီးနောက် နိုင်ငံသားများနှင့်အတူ လူ့အခွင့်အရေးကိစ္စ လုပ်ဆောင်နေသူများ၏ လုံခြုံရေးကိုပါ အစိုးရအနဖြေင့် စဉ်းစားသင့်ပြီဟု ထောက်ပြဝေဖန်လာကြသည်။

“နေ့ချင်းကြောင်တောင်မှာ လူတစ်ယောက်ကို သေနတ်နဲ့ရည်ရွယ်ပြီး ပစ်ခတ်မှုဖြစ်နေတာက ပထမဦးဆုံး ကျွန်တော်တို့ တိုင်းပြည်မှာ တရားဥပဒေစိုးမိုးမှုနဲ့ လုံခြုံမှုမရှိဘူးလို့ ပြောချင်တယ်။ နောက်တစ်ခုကတော့ ဦးကိုနီဆိုတာ သူ့ရဲ့ဥပဒေပညာနဲ့ လူ့အခွင့်အရေး တက်ကြွလှုပ်ရှားသူ၊ လူ့အခွင့်အရေး စောင့်ရှောက်သူ တစ်ဦး ဖြစ်ပါတယ်။ ဒီလိုလုပ်ငန်းတွေမှာ လုပ်ဆောင်နေတဲ့သူတစ်ဦးကို ပစ်ခတ်သတ်ဖြတ်တာကတော့ တကယ့်ကို ရှုံ့ချဖို့ကောင်းတဲ့အရာဖြစ်ပါတယ်”ဟု Equality Myanmar၏ Executive Director ဦးအောင်မျိုးမင်းက ပြောသည်။

ယခုဖြစ်ရပ်ကြောင့် လူ့အခွင့်အရေး ကိစ္စလုပ်ဆောင်သူများအတွက် အစိုးရအနဖြေင့် ကာကွယ် စောင့်ရှောက်မှု ပေးရန်ကိုလည်း ဦးအောင်မျိုးမင်းက တိုက်တွန်းလိုက်သည်။

“နောက်တစ်ခါ ကျွန်တော်တို့ဆီမှာ မုန်းတီးမှုတွေ၊ တစ်ယောက်နဲ့တစ်ယောက် မကျေနပ်မှုတွေကို လက်နက်နဲ့ဖြေရှင်းတဲ့၊ အကြမ်းဖက်ဖြေရှင်းတာတွေက လုံးဝကို မရှိသင့်တဲ့အရာတွဖြေစ်တယ်။ ဒါပေမဲ့ အခုလိုမျိုး ဖြစ်သွားခြင်းက ကျွန်တော်တို့ နောက်ထပ်ရှိနေတဲ့ အထူးသဖြင့် လူ့အခွင့်အရေးကာကွယ် စောင့်ရှောက်နေသူတွေရဲ့ လုံခြုံရေးကတော့ တကယ့်ကို စိုးရိမ်စရာဖြစ်ပါတယ်။ အကယ်၍သာ ကျွန်တော်တို့ တိုင်းပြည်မှာ တရားဥပဒေစိုးမိုးမှုမရှိရင် လူ့အခွင့်အရေးကိစ္စ လုပ်ဆောင်နေသူတွေမှာ အသက်သေရတဲ့ ထိခိုက်မှုတွေ ဖြစ်သွားနိုင်တယ်။ ဒါကြောင့် အခုလိုအပြစ်ကျူးလွန်သူတွေကို အရေးယူတဲ့အပြင် လူ့အခွင့်အရေး ကာကွယ်စောင့်ရှောက်သူတွေရဲ့ လုံခြုံရေးကိုလည်း အစိုးရအနေနဲ့ ကာကွယ်စောင့်ရှောက်ထားပေးဖို့ ပြောလိုပါတယ်”ဟု Equality Myanmar၏ Executive Director ဦးအောင်မျိုးမင်းက ပြောသည်။

နိုင်ငံ၏ တရားဥပဒေစိုးမိုးရေးနှင့် လုံခြုံရေးအခြေအနေမှာ ၂၀၁၀ ခုနှစ်အစိုးရ ဆင်းခါနီးအချိန်ကတည်းက လျော့ရဲလာသည်ဟု LNGO အဖွဲ့ဖြစ်သည့် ဒါန-ရှေ့ဆောင်မြန်မာ၏ ဥက္ကဌ ဦးချမ်းငြိမ်းအောင်က သုံးသပ်သည်။

“ကျွန်တော်တို့နိုင်ငံရဲ့ ပြည်တွင်းလုံခြုံရေးအခြေအနေက အရင်အစိုးရ ဦးသိန်းစိန်ဆင်းခါနီး အရပ်သားအစိုးရ တက်ခါနီး ကတည်းက သဲ့သဲ့လေးလှုပ်နေတာ။ M-150 ကိစ္စတွေကအစ လက်နက်၊ မူးယစ်ဆေးဝါးနဲ့ ရာဇဝတ်မှုတွေ တိုးတက်နေတာတွေက နိုင်ငံသားတွေအတွက် လုံခြုံရေးဆိုင်ရာ အကာအကွယ်ကို ကျွန်တော်တို့ မေးခွန်းထုတ်ကို ထုတ်နေရတယ်။ အခုလို နိုင်ငံတစ်ခုရဲ့ အဓိက မြို့ကြီး တစ်မြို့၊ လုံခြုံရေးအရ တင်းကြပ်မှု အပြည့် ရှိသင့်တဲ့ ဒီလို အပြည်ပြည်ဆိုင်ရာ လေဆိပ်မှာ နိုင်ငံအရေးအရာမှာ တစ်ထောင့်တစ်နေရာ ပါဝင်နေသူတစ်ဦးကို ဘာအကြောင်းကိစ္စနဲ့ပဲဖြစ်ဖြစ် ပေါ်ပေါ်တင်တင် လုပ်ကြံသတ်ဖြတ်မှုဟာ ဘယ်လိုမှ လက်ခံလို့ မရတဲ့ အကြောင်းအရာပဲ။ ကြက်ငှက် သတ်တယ် ဆိုတာထက်တောင် လွယ်ကူနေသေးတဲ့ ဖြစ်ရပ်ဟာ နိုင်ငံသားတွေအတွက် အကာ အကွယ်ပေးတဲ့ national security and state security ကို အရပ်သားအစိုးရဖြစ်တဲ့ သမ္မတကြီးမှ ဦးဆောင်ကာ လက်နက်ကိုင်ကော၊ ထောက်လှမ်းရေးအပြင် လုံခြုံရေးနဲ့ ဆက်နွယ်သူတွေအတူတကွ လက်တွဲလုပ်ဆောင်သင့်နပြေီဗျာ။ ပရမ်းပတာ အထိန်းအကွပ်မမဲ့အောင် စည်းကမ်းတကျ လူထုနဲ့ အတူတကွ ပူးပေါင်းလုပ်ဆောင်ဖို့ လူထုရွေးချယ်ထားတဲ့ အစိုးရအနေနဲ့ တခြားသော စစ်တပ်၊ ရဲ နဲ့ လုံခြုံရေးတာဝန်ရှိသူတွေ အားလုံး ပါသင့်ပါတယ်” ဟု ဦးချမ်းငြိမ်းအောင်က ထောက်ပြသည်။

အမျိုးသားဒီမိုကရေစီအဖွဲ့ချုပ်ပါတီ ဥပဒေအကြံပေး ဦးကိုနီသည် အင်ဒိုနီးရှား နိုင်ငံ ဂျကာတာမြို့နှင့် မာလူကူပြည်နယ်တို့၌ ဇန်နဝါရီလ (၂၂) ရက်မှ (၂၉) ရက်အထိ ကျင်းပခဲ့သော Senior Leadership Program လေ့လာရေးခရီးမှ ဇန်နဝါရီလ (၂၉) ရက် ညနေ ၄ နာရီ မိနစ် ၄၀ တွင် ရန်ကုန် အပြည်ပြည်ဆိုင်ရာ လေဆိပ်သို့ ပြန်လည်ရောက်ရှိစဉ် သေနတ်သမားတစ်ဦးက ဦးခေါင်းကို သေနတ်ဖြင့် အနီးကပ် လုပ်ကြံခဲ့ခြင်းဖြစ်ကြောင်း သိရသည်။

သေနတ်ဖြင့်ပစ်သူအား ဝိုင်းဝန်းဖမ်းဆီးပေးသည့် တက္ကစီသမားလည်း လုပ်ကြံသည့် သေနတ်သမားက သေနတ်ဖြင့် ပစ်ခံရ၍ သေဆုံးသွားပြီး အခြားဒဏ်ရာရသူများလည်း ရှိကြောင်း သိရသည်။

လက်ရှိတွင် သေနတ်ဖြင့်ပစ်ခတ်သူကို ရန်ကုန်တိုင်းရဲတပ်ဖွဲ့က ဖမ်းဆီးရမိထားကြောင်း သိရသည်။

သတင်း - အင်မိုင်ခ