ရှမ်းပြည်နယ်(အရှေ့ပိုင်း) တာချီလိတ်ခရိုင်၊ ကျိုင်းလပ်မြို့၊ မိုင်းပါလျှိုးကျေးရွာအုပ်စု နှင့် နမ့်ခင်းကျေးရွာ အုပ်စုရှိ ကျေးရွာများမှ ရေဘေးသင့်ပြည်သူများအတွက် ယနေ့ သြဂုတ်လ(၉) ရက်၊ မွန်းတည့်(၁၂)နာရီအချိန်က မြို့နယ်အထွေထွေအုပ်ချုပ်ရေးဦးစီးဌာနရုံးရှိ အလှူခံဌာနတွင် ငွေကျပ်(၃၅)သိန်းကျော် တန်ဖိုးရှိ စားသောက် ဖွယ်ရာများနှင့် အသုံးအဆောင်ပစ္စည်းများအား အလှူရှင်များက လာရောက်လှူဒါန်းခဲ့ကြောင်း သိရသည်။
အဆိုပါ စားသောက်ဖွယ်ရာများအား မင်းခေတ်သစ်သတ္တုတူးဖော်ထုတ်လုပ်ရေး ကုမ္မဏီလီမိတက် မှ မန်နေဂျင်းဒါရိုက်တာ ဦးစိုင်းဝန်းပန်(ခ)ဦးမောင်မောင် နှင့် TNDT ကုမ္မဏီလီမိတက် တို့က ပူးပေါင်း၍ ငွေကျပ်(၃၅၇၁၄၀၀)တန်ဖိုးရှိ ဆန်(၁၀၀)အိတ်၊ ထိုင်းဆန်(၄)အိတ်၊ ခေါက်ဆွဲဖာ(၁၀၀)၊ ဆားထုပ်(၁၂)ထုပ်၊ နို့ကတ်(၁)ဖာ၊ ငါးသေတ္တာဗူး(၂၀)ဖာ၊ ချွေးသုတ်တစ်ရှူးပုဝါ(၁၂)ထုပ်၊ ရေသန့် (၁)ကဒ်၊ မုန်ညှင်းဆားရေစိမ် (၂၄)ထုပ်၊ ဘဲဥဆားရေ စိမ်(၃၀)လုံး၊ သွားတိုက်တံ(၁၂)ထုပ်၊ သွားတိုက်ဆေး (၁၂)ထုပ် တို့အား ပေးအပ်လှူဒါန်းရာ မြို့နယ်အုပ်ချုပ်ရေးမှူး ဦးထွန်းထွန်းဝင်း ၊ မြို့နယ်ဖွံ့ဖြိုးတိုးတက်ရေး အထောက်အကူပြုကော်မတီ ဥက္ကဋ္ဌ ဦးကြည်မြင့် နှင့်တာဝန်ရှိသူများက လက်ခံရယူခဲ့ကြောင်း သိရသည်။
သတင်း။ ။ ဝေယံလင်း
