ထိုင်းနိုင်ငံအတွင်း တရားမ၀င် နေထိုင်မှုဖြင့် ဖမ်းဆီးခံရသော တရားမ၀င်အလုပ်သမား မြန်မာနိုင်ငံသား (၁၃)ဦးအား မြန်မာ - ထိုင်း အမှတ်(၁)ချစ်ကြည်ရေး တံတားမှ တာချီလိတ်သို့ ယနေ့ ဇူလိုင်(၂၉)ရက် နံနက်(၁၀း၄၅)က လွှဲပြောင်းလာရာ တာချီလိတ်မှ တာဝန်ရှိသူများက လွှဲပြောင်းမှုကို လက်ခံရယူခဲ့ကြောင်း သိရသည်။
ဖမ်းဆီးခံရသူများတွင် ကျား(၁၂)ဦး နှင့် မ(၁)ဦး ပါဝင်ပြီး အများစုမှာ ကရင်ပြည်နယ်မှ ဘန်ကောက်မြို့သို့ သွားရောက် အလုပ် လုပ်ကိုင်သူများဖြစ်ကြောင်း သိရပြီး ကျန်သူများမှာ ရှမ်းပြည်နယ်တောင်ပိုင်းမှ ပအိုဝ့်၊ ရှမ်းလူမျိုးများနှင့် ပြည်တွင်းမှ အလုပ်သွားရောက် လုပ်ကိုင်သော မြန်မာများဖြစ်ကြောင်း သိရသည်။
"ဘန်ကောက်သွားတဲ့ လမ်းမှာ အဖမ်းခံရတာ အချုပ်ထဲမှာနဲ့ ထောင်ထဲမှာဆိုရင် (၁)လကျော်ကြာတယ်"ဟု ရှမ်းပြည်တောင်ပိုင်းနေထိုင်သူ ကိုခွန်စိုးဇော်မှ တာချီလိတ်သတင်းအေဂျင်စီသို့ ပြောသည်။
ဖမ်းဆီးခံရသူများတွင် ယခင်အချိန်က ဦးခေါင်းဆံပင် ရိတ်သိမ်းခြင်း မပြုသော်လည်း ယခုအခါတွင် ဦးခေါင်းများ ကတုံးတုံးခံထားရကြောင်းလည်းတွေ့ရပြီး ၎င်းမှာ ထိုင်းနိုင်ငံ အကျဉ်းထောင်အတွင်း ကတုံး တုံးခံရခြင်းဖြစ်ကြောင်း သိရသည်။
ဖမ်းဆီးခံရသော မြန်မာများအား ထိုင်းရဲတပ်ဖွဲ့မှ ဘတ်(၄၀၀၀)တောင်းခံကြောင်း သိရပြီး မပေးနိုင်ခြင်းကြောင့် မြန်မာနိုင်ငံသို့ ပြန်လည်လွှဲပြောင်းခံရသူများဖြစ်ကြောင်း သိရသည်။
