ပဲခူးဆရာတော်သည် အဆိုပါ တရားပွဲတွင် ဧပြီလ(၁)ရက် နှင့် ဧပြီလ(၂)ရက် စုပေါင်း နှစ်ညတိုင်တိုင် တရားတော်ဟောကြားတော်မူမှာဖြစ်ပြီး အဆိုပါ တရားပွဲ နှစ်ည၏ အလှူရှင်မှာ ကွယ်လွန်သူမိဘအား ရည်စူး၍ ဆန်ဆိုင်း(ခ)ရပ်ကွက်မှ မန်းမန်းဆေးဆိုင် မိသားစုနှင့် ကွယ်လွန်သူ မိဘနှစ်ပါးအား ရည်စူး၍ ပါလျှံ(၃)နေ ဦးအောင်အောင် + ဒေါ်အားလန် မိသားစုတို့ ဖြစ်ကြောင်း သိရသည်။
အဆိုပါတရားပွဲတွင် ပဲခူးဆရာတော်မှ ငွေရတု၊ ရွှေရတု စသည့် ရတု အဓိပ္ပါယ်များကို ရှင်းလင်းဟောကြားပြီး လူသားတိုင်းအတွက် မည်သည့်အရာက အရေးကြီးဆုံးဖြစ်ကြောင်း စသည့် နိဗ္ဗာန်ရောက်ကြောင်း တရားတော်များကို ချီးမြှင့်ဟောကြားတော်မူသည်။
ယနေ့ ဧပြီလ(၁)ရက် ညတရားပွဲတွင် တရားနာရောက်ရှိလာသော ဧည့်ပရိသတ်များအား အလှူရှင်များမှ ရေသန့်ဗူးပေးဝေခြင်း နှင့် ကျန်းမာရေးနှင့် ညီညွှတ်သည့် Fresh-D ဓါတ်ဆားမှုန့်အထုပ်များကိုလည်း ပေးဝေ၍ ဒါနပြုကြသည်။
ယခုကျင်းပပြုလုပ်သော (၁၆)ညတိုင်တိုင် တရားပွဲ၏ ဧပြီလ(၇)ရက်နှင့် ဧပြီလ(၈)ရက်နေ့တို့တွင် ဒယ်အိုးဆရာတော် ဥူးသုမင်္ဂလမှ ကြွရောက်၍ နှစ်ညတိုင်တိုင်တရားတော် ဟောကြားတော်မူမှာ ဖြစ်ကြောင်းလည်း သိရှိရသည်။
ပုံများကိုကြည့်ရန်
