ရှမ်းပြည်နယ် အရှေ့ပိုင်းဒေသ တာချီလိတ်မြို့တွင် တစ်ကြိမ်တစ်ခါမှ ကျင်းပ မပြုလုပ်ဖူးသည့် ထူးခြားသော အစီအစဉ် တစ်ရပ်အနေဖြင့် ဖေဖော်ဝါရီလ(၁၃)ရက်နေ့မှာ ကျရောက်သည့် (၉၉)နှစ်ပြည့် ဗိုလ်ချုပ်အောင်ဆန်း၏ မွေးနေ့ အထိမ်းအမှတ် အလှူကို ဖေဖော်ဝါရီလ(၁၃)ရက် နံနက်(၉း၃၀)နာရီမှ မွန်းလွဲ(၂း၂၀)နာရီအချိန်ထိ တာချီလိတ်မြို့ပေါ်ရှိ စာသင်ကျောင်း (၅)ကျောင်းမှ ကျောင်းသား၊ ကျောင်းသူ ကလေးသူငယ် ( ၃၄၃၇ )ဦးတို့အား ဗိုလ်ချုပ်ချစ်မြတ်နိုးသူများမှ ဗိုလ်ချုပ်အောင်ဆန်း ကြိုက်နှစ်သက်သော အစားအစာ တစ်ခုဖြစ်သည့် ပဲပြုတ်နှင့်နံပြားကို ကျွေးမွေးလှူဒါန်းခဲ့ပြီး နိုင်ငံတော်သမ္မတကြီးမှ လမ်းညွှန်မှာကြားထားသည့်အတိုင်း ကလေးသူငယ်များအား အာဟာရတစ်ခုအဖြစ် နို့ဗူးများလည်း တိုက်ကျွေး၍ ဗိုလ်ချုပ်အောင်ဆန်းအား ရည်စူးကာ စည်ကားသိုက်မြိုက်စွာဖြင့် ကျင်းပပြုလုပ်ခဲ့ကြသည်။
ထိုသို့ မပြုလုပ်မီမှာ နံနက်ပိုင်းက ဗိုလ်ချုပ်ချစ်မြတ်နိုးသူများမှ ဗိုလ်ချုပ်အောင်ဆန်းအား ရည်စူး၍ သာသနာ့ဂုဏ်ရည်ကျောင်းတိုက်မှ ဆရာတော် ဥူးဓမ္မဓဇ(သာသနဓဇ ဓမ္မာစရိယ) အပါအ၀င် သံဃာတော် အရှင်သူမြတ် (၅)ပါးတို့အား ပင့်ဖိတ်ကာ တာချီလိတ်မြို့ ၀မ်ကောင်းရပ်ကွက်၊ ၀မ်ကောင်းရပ်ကွက်အုပ်ချုပ်ရေးမှူးရုံးအနီးရှိ ရပ်ကွက်ဓမ္မာရုံမှာ အာရုံဆွမ်း နှင့် သင်္ကန်းများ ဆက်လက်လှူဒါန်းကာ ရေစက်သွန်းချ တရားတော် နာယူခဲ့ကြသည်။
အဆိုပါအဖွဲ့မှ ကျောင်းများသို့ သွားရောက်၍ ပဲပြုတ်နံပြား လှူဒါန်းရာတွင် ဦးစွာပထမ ပုန်းထွန်(အ.လ.က)သို့ သွားရောက်ရာမှာ ကျောင်းအုပ်ဆရာမကြီး ဒေါ်မြတ်မြတ်ဆင့် နှင့် ဆရာမများက ကျောင်းသား၊ ကျောင်းသူ အယောက်(၈၅၀)အတွက် နေရာထိုင်ခင်းများကို စီစဉ်ပြုလုပ်ပေးပြီး ဗိုလ်ချုပ်ချစ်မြတ်နိုးသူများအဖွဲ့မှ ကျောင်းသား၊ ကျောင်းသူလေးများအား ဗိုလ်ချုပ်အောင်ဆန်း၏ စိတ်ဓါတ်ရေးရာ၊ ပွင့်လင်းရိုးသားမှု အကြောင်းအရာများကို ရှင်းလင်းဟောပြောခဲ့ကြပြီး အဆိုပါ
ကျောင်းသား ကျောင်းသူများထဲမှ အချို့အား ဗိုလ်ချုပ်အောင်ဆန်းနှင့် ပတ်သက်သည့် မေးခွန်း(၁၀)ခုကို ဖြေစေပြီး၊ မှန်ကန်စွာ ဖြေဆိုနိုင်သူများနှင့် အနီးစပ်ဆုံး ဖြေဆိုနိုင်သူများကို ဗိုလ်ချုပ်အောင်ဆန်းပုံပါရှိသည့် လက်ဆောင်ပစ္စည်းများ ပေးအပ်ချီးမြှင့်၍ မျိုးချစ်စိတ်ဓါတ် ရှိစေရေးနှင့် ဗိုလ်ချုပ်အောင်ဆန်းအား အစဉ်အမြဲ သတိရနေရေးအတွက် အသိပညာပေးမှုများကို ပြုလုပ်ခဲ့ကြသည်။
ထိုနည်းတူစွာပင် အ.မ.က(တာလော့)တွင် ကျောင်းအုပ်ဆရာမကြီး ဒေါ်နန်းကောင်ခမ်း နှင့် ဆရာ/မ(၁၆)ဦး အပါအ၀င် ကျောင်းသား၊ ကျောင်းသူ ကလေးသူငယ် (၄၅၃)ဦး၊ ရန်အောင်မြေ (မူလွန်)တွင် ကျောင်းအုပ်ဆရာမကြီး ဒေါ်ခင်ဌေးမာ နှင့် ဆရာ/မ(၂၈)ဦး အပါအ၀င် ကျောင်းသား၊
ကျောင်းသူ (၁၅၅၇)ဦး၊ အ.မ.က(၀မ်မိုင်၂)တွင် ကျောင်းအုပ်ဆရာမကြီး ဒေါ်ဇင်မာဆွေ နှင့် ဆရာမ(၆)ဦး အပါအ၀င် ကျောင်းသား၊ကျောင်းသူ ကလေးသူငယ် (၂၃၀)ဦး နှင့် ၀မ်ကောင်းရပ်ကွက် ကချင်ရွာ(မူလွန်)တွင် ကျောင်းအုပ်ဆရာမကြီး ဒေါ်နန်းမြဌေး နှင့် ဆရာ/မ(၁၀)ဦး အပါအ၀င် ကျောင်းသား၊ ကျောင်းသူ ကလေးသူငယ် (၃၄၇)ဦး စုစုပေါင်းကျောင်းသား (၃၄၃၇)ဦးတို့ကို ပဲပြုတ်နံပြားနှင့် နို့ဗူးပါ တိုက်ကျွေးခဲ့ကြသည်။
ဗိုလ်ချုပ်ချစ်မြတ်နိုးသူများအဖွဲ့က ကလေးများအား ပဲပြုတ်နံပြားနှင့် နို့ဗူး တိုက်ကျွေးရုံမဟုတ်ပဲ အသိပညာပေးများဖြင့် ဟောပြောရာမှာ"ကျွန်တော်တို့တိုင်းပြည်ရဲ့တစ်ချိန်တစ်ခါက စစ်သေနာပတိချုပ်ကြီး ဗိုလ်ချုပ်အောင်ဆန်းဟာ ပဲပြုတ်နဲ့ နံပြားစားချင်တာကို သူ့ဇနီးထံ မှာထားပုံလေးကြည့်ကာ ခေါင်းဆောင်ကောင်း တစ်ယောက်ဆိုတာ သူ့ဇနီးသားမယားနှင့် တိုင်းသူ ပြည်သားတို့ အပေါ်မှာ နိုင်ထက်စီးနင်း ပြောဆိုခိုင်းခြင်း မရှိဘူးဆိုတာကို သိစေ၊ မှတ်သားစေချင်တယ်၊ နောက်တခု ကလေးတွေ စာအုပ်တစ်အုပ်၊ စာပိုဒ်တစ်ပိုဒ်ဖတ်ပြီးတိုင်း စဉ်းစားတွေးခေါ်တတ်သော အကျင့်တွေရရှိ စေချင်တယ်"ဟု ရှင်းလင်းဟောပြောသည်။
ဆက်လက်၍ "ဗိုလ်ချုပ်အောင်ဆန်းကို လေးစား အားကျပြီး အတုယူချင်သော စိတ်ဓာတ်အခြေခံကာ ဗိုလ်ချုပ်ကိုချစ်သောစိတ်များ တဖွားဖွားပေါ်လာမယ် အဲဒါမှ ကျွန်တော်တို့ ဗိုလ်ချုပ်ချစ်သူများရဲ့ အဓိက ပန်းတိုင်ဖြစ်သည့် ဗိုလ်ချုပ်နှလုံးသားမျိုးနဲ့ ဗိုလ်ချုပ်အောင်ဆန်းလို ခေါင်းဆောင်ကောင်းတွေ ပေါ်ထွန်းလာမှာပါ၊ ဘာကြောင့်လဲဆိုရင် လူရဲ့သဘော သဘာဝက ကိုချစ်တဲ့သူရဲ့ စကားဆိုရင် နားထောင်ကြတယ် မဟုတ်လား ကလေးတွေလည်း ဗိုလ်ချုပ်ကို အားကျတဲ့စိတ် လေးစားတဲ့စိတ်များ ပေါ်ပေါက်လာပြီး ဗိုလ်ချုပ်ကို ချစ်တတ်သွားမယ်လေ၊ ဒါကြောင့် သူတို့ချစ်တဲ့ ဗိုလ်ချုပ်စကားကို နားထောင်လာကြမယ်..."ဟု ရှင်းလင်း ဟောပြောသည်။
တဆက်တည်းမှာပင် "အခုလို ကလေးများကို ရှင်းပြပေးလိုက်လို့ ကလေးငယ်များ သိရှိနားလည် သွားကြမယ် ဆိုရင် ငယ်စဉ်အခါထဲက ဗိုလ်ချုပ်စိတ်ဓာတ်ကို သိရှိနားလည်း ကျင့်သုံးသွားကြမှာ ဖြစ်တဲ့အတွက် ကျွန်တော်တို့ မျိုးဆက်တွေ ကျွန်တော်တို့ လောက်ခက်ခဲကြမ်းတမ်းသော လမ်းတွေကို လျှောက်လှမ်းစရာမလိုတော့ပါဘူး ဆိုတာလေးကို ပြောပြလိုက်ပါရစေ"ဟု ကလေးများအား ပဲပြုတ်နှင့်နံပြားကျွေးရခြင်းအကြောင်း ရှင်းပြရင်းဖြင့် စိတ်ဓါတ်မြှင့်တင်ပေးခြင်း နှင့် ဗိုလ်ချုပ်အောင်ဆန်းအား အစဉ်အမြဲ ချစ်မြတ်နိုးစေရန်အတွက် ဗိုလ်ချုပ်ချစ်မြတ်နိုးသူများအဖွဲ့မှ ရှင်းလင်းဟောပြောခဲ့ကြသည်။
ထိုသို့ကျောင်း အသီးသီးတွင် ပဲပြုတ်နံပြား နှင့် နို့တိုက်ကျွေးပြီး တစ်ကျောင်းလျှင် ကျောင်းသား၊ ကျောင်းသူ (၅)ဦးမှ (၁၀)ဦးထိ ရွေးထုတ်ကာ ဗိုလ်ချုပ်အောင်ဆန်းနှင့် ပတ်သက်သည့် မေးခွန်း(၁၀)ခုကို ရေးဖြေစေပြီး၊ မှန်ကန်စွာ ဖြေဆိုနိုင်သူများနှင့် အနီးစပ်ဆုံး ဖြေဆိုနိုင်သူများကို ဗိုလ်ချုပ်အောင်ဆန်း ပုံပါရှိသည့် အမှတ်တရလက်ဆောင်အား အသီးသီးပေးအပ်ချီးမြှင့်ခဲ့ကြသည်။
ပုန်းထွန်ကျောင်း၌ အခမ်းအနားပြုလုပ်ခြင်းနှင့် ပတ်သက်၍ "ဗိုလ်ချုပ်အောင်ဆန်းမွေးနေ့မှာ အခုလို ပွင့်လင်းလွတ်လပ်ပြီး ကျောင်းတွေမှာ ပဲပြုတ်နံပြား လိုက်ကျွေးတာကို မြင်ရတော့ စိတ်ထဲ ဘယ်လို ဖြစ်မိမှန်းကို မပြောတတ်ဘူးဗျာ၊ ကြက်သီးမွှေးညင်းတောင် ထတယ်၊ ကျွန်တော် တစ်သက်နဲ့တစ်ကိုယ် အခုလို မြင်ကွင်းမျိုး တစ်ခါမှ မမြင်ဖူးဘူး"ဟု ပုန်းထွန်းရပ်ကွက်မှ ကျောင်းသား မိဘတစ်ဦးက ၀မ်းသာပီတိဖြင့် တာချီလိတ်အွန်လိုင်းသို့ ပြောကြားသည်။
"ကျွန်မ ဆရာမလုပ်လာတဲ့ သက်တမ်းတစ်လျှောက်လုံး ဒီလိုမျိုး ဗိုလ်ချုပ်အောင်ဆန်းမွေးနေ့မှာ ပဲပြုတ်နဲ့ပြားလာကျွေးတာ တခါမှ မမြင်ဖူးဘူး၊ ကြည့်ပြီး မျက်ရည်ကျမိတယ်၊ ပိုလို့ ၀မ်းသာပီတိဖြစ်မိတာက အခုလိုမျိုး ချီးမြှင့်ထိုက်သူ ဂုဏ်ပြုထိုက်သူကို ရည်စူးပြီး ပြုလုပ်ပေးတာ အရမ်းကောင်းတယ်၊ နှစ်တိုင်းလည်း ဒီလိုပွဲမျိုးတွေ ပြုလုပ်ပေးနိုင်ပါစေလို့လည်း ဆုတောင်းပေးပါတယ်"ဟု ရန်အောင်မြေ(မူလွန်)ကျောင်းမှ ဆရာမတစ်ဦးက ၀မ်းသာပီတိ မျက်ရည်ကျရင်း ပြောကြားလာသည်။
ရန်အောင်မြေ(မူလွန်)တွင် ပြုလုပ်သော အခမ်းအနားမှာ အောင်ဆန်းဇာနည် သီချင်းအား သံပြိုင်သီဆိုတာနှင့် ပတ်သက်၍ "ကလေးတွေ သံပြိုင်ဆိုနေတဲ့ သီချင်းကို ကြားရတော့ ငိုချင်မိတယ်၊ စိတ်ခံစားမှုကြောင်းလားမသိဘူး၊ တစ်ခါမှ ဒီလိုမျိုး ဗိုလ်ချုပ်အောင်ဆန်းအတွက် လုပ်ပေးတာတွေ မမြင်ဖူးတော့ အံ့လည်းအံ့သြမိတယ်၊ ၀မ်းလည်းဝမ်းသာတယ်"ဟု လာရောက်ကြည့်ရှုသူ ကျောင်းသား မိဘများထဲမှ အမျိုးသမီးတစ်ဦးကလည်း တာချီလိတ်အွန်လိုင်းသို့ ၀မ်းသာပီတိဖြင့် ပြောပြသည်။
တာချီလိတ်မြို့တွင် ယခုလို ဗိုလ်ချုပ်အောင်ဆန်း မွေးနေ့ အလှူအဖြစ် ကျောင်းများ၌ ပဲပြုတ်နှင့်နံပြား ကျွေးခြင်းသည် ပထမအကြိမ်ဖြစ်ပြီး ယခုလို လှူဒါန်းပြုလုပ်နိုင်ရန်အတွက် တာချီလိတ်မြို့ရှိ ဌာနဆိုင်ရာ အကြီးအကဲများ၊ လူမှုရေးအသင်းအဖွဲ့များ၊ တိုင်းရင်းသားပြည်သူများ နှင့် စီးပွားရေးလုပ်ငန်းရှင်များမှ ပူးပေါင်းပါဝင် လှူဒါန်းခြင်းကြောင့် ဖြစ်ကြောင်း နှင့် ယခုလို အခမ်းအနား မပြုလုပ်မီ ရက်ပိုင်းက ပြုလုပ်သော အစည်းအဝေး၌ တာချီလိတ်မြို့ အထင်ကရ နေရာတွင် လာမည့်နှစ်၌ ဗိုလ်ချုပ်အောင်ဆန်း ကြေးရုပ်အား သွန်းလုပ်ထားရှိနိုင်ရန် အတွက်လည်း ဆွေးနွေးတိုင်ပင်ခဲ့ကြကြောင်း သိရှိရသည်။
တာချီလိတ်မြို့တွင် ဗိုလ်ချုပ်အောင်ဆန်းနှင့် ပတ်သက်၍ ပထမအကြိမ် ပွင့်လင်းလွတ်လပ်သော အခမ်းအနားအဖြစ် ပြီးခဲ့သော ၂၀၁၃ခုနှစ်က အာဇာနည်နေ့ အခမ်းအနားကို ဥသြဆွဲကာ မြို့လုံးကျွတ် ကျင်းပနိုင်ခဲ့ပြီး ယခုပြုလုပ်သော ဗိုလ်ချုပ်အောင်ဆန်း (၉၉)နှစ်ပြည့် မွေးနေ့အခမ်းအနားသည်လည်း အားလုံး ပူးပေါင်းလက်တွဲကာ ပွင့်လင်းလွတ်လပ်စွာဖြင့် ကျင်းပနိုင်ခဲ့သည့် ဒုတိယအကြိမ် အခမ်းအနားဖြစ်ကြာင်း သိရသည်။
ပုံများကိုကြည့်ရန်
