ရှမ်းပြည်နယ် အရှေ့ပိုင်းဒေသ နယ်စပ်မြို့တစ်မြို့ဖြစ်သည့် တာချီလိတ်မြို့တွင် ပွင့်လင်းကာလ ကျရောက်သည့် အခါတိုင်း၌ အမျိုးဘာသာ သာသနာ ကိုယ်သာစောင့်ရှောက်ရာ အဖွဲ့မှ တရားပွဲများကို ကျင်းပပြုလုပ်လေ့ရှိရာ ဖေဖော်ဝါရီလ (၁၇)ရက်နေ့တွင် (၂၄)ကြိမ်မြောက် (၁၄)ညတိုင်တိုင် အထူးတရားပွဲကို တာချီလိတ်မြို့ရှမ်းရိုးမကွင်း၌ ကျင်းပပြုလုပ်မည်ဖြစ်ရာ အဆိုပါ တရားပွဲသို့ ရွှေည၀ါဆရာတော်မှ ကြွရောက်၍ တရားတော် ဟောကြားတော်မူမှာ ဖြစ်ကြောင်း သိရသည်။

ဖေဖော်ဝါရီလ(၁၇)ရက်နေ့မှ မတ်လ(၂)ရက်နေ့ထိ (၁၄)ညတိုင်တိုင် ကျင်းပပြုလုပ်မည့် တရားပွဲတွင် ရွှေည၀ါ ဆရာတော် အရှင်ပညာသီဟ၊ ဆရာတော် အရှင်ခေမိန္ဒ(စစ်ကိုင်း၊ ခင်မကန်)၊ နိုင်ငံတော် (၁၁)ဘွဲ့ရ ဆရာတော် အရှင်နရသာမိလင်္ကာရ၊ နိုင်ငံတော်(၉)ဘွဲ့ရဆရာတော် အရှင်ပါကဋာလင်္ကာရ၊ သစ္စာရွှေစည်ဆရာတော် အရှင်ဥတ္တမ၊ ရွှေမြိုင်ဆရာတော် ဘဒ္ဒန္တသြဘာသဘိဝံသ နှင့် ဆရာတော် ဘဒ္ဒန္တဥတ္တမ(သိကြားဂူ မိုးကုတ်ဓမ္မရိပ်သာ) စသည့် ဓမ္မကထိက ဆရာတော် (၉)ပါးမှ ကြွရောက်၍ တရားတော် ဟောကြားတော်မူမှာ ဖြစ်ကြောင်း သိရသည်။

အမျိုးဘာသာ သာသနာ ကိုယ်သာစောင့်ရှောက်ရာ တရားပွဲဖြစ်မြောက်ရေးအဖွဲ့မှ ယခုကျင်းပပြုလုပ်မည့် (၂၄)ကြိမ်မြောက် တရားပွဲကို ကျင်းပ ပြီးမြောက်ပြီးနောက် (၂၅)ကြိမ်မြောက် အထူးတရားပွဲကို မတ်လအတွင်း တက္ကသိုလ်ဝင် စာမေးပွဲအပြီးမှာ ဆက်လက်ကျင်းပသွားမည်ဖြစ်ကြောင်း အဆိုပါအဖွဲ့မှ သိရှိရသည်။

Email: [email protected]

~⊱•❈❀ღ✿⊰❂⊱✿ღ❀❈•⊰~