ထိုင်းနိုင်ငံ မယ်ဆိုင်မြို့ရောက် မြန်မာနိုင်ငံသားများအား ကူညီစောင့်ရှောက်ရေးနှင့် စေ့စပ်ညှိနှိုင်းရေးကော်မတီ ( တာချီလိတ် )

Caring and Negotiating Committee for Myanmar Citizens in Mae Sai , Thailand ( Tachileik ) 

သတင်းထုတ်ပြန်ချက် (၁/၂၀၁၃)

ရက်စွဲ ။   ။ ၂၀၁၃ခုနှစ် အောက်တိုဘာလ ၉  ရက်

၁။ ထိုင်းနိုင်ငံ မယ်ဆိုင်မြို့ရောက် မြန်မာနိုင်ငံသားများအား ကူညီစောင့်ရှောက်ရေးနှင့် စေ့စပ်ညှိနှိုင်းရေးကော်မတီအား (၂၆-၈-၂၀၁၃)ရက်နေ့တွင် စတင်ဖွဲ့စည်းခဲ့ပါသည်။ 

၂။ (၆-၉-၂၀၁၃)ရက်နေ့တွင် မယ်ဆိုင်မြို့  နန်းကျန်းရပ်ကွက်ရှိ Prove Garment C၀.Ltd ပိုင် အထည်ချုပ်စက်ရုံတွင် မြန်မာနိုင်ငံသား အလုပ်သမားများအပေါ် စက်ရုံပိုင်ရှင်မှ လစာပုံမှန် ပေးချေမှုမရှိခြင်း၊ MOU ပါ အချက်အလက်များကို ချိုးဖေါက်ခြင်း၊ ယာယီနိုင်ငံကူးလက်မှတ်များကို သိမ်းဆည်းထားခြင်းများ အပါအ၀င် အခွင့်အရေး အရပ်ရပ်အား ဖေါက်ဖျက်ကျူးလွန်နေကြောင်း ကော်မတီထံသို့ လာရောက်သတင်းပို့ တိုင်ကြားခဲ့ရာ ကော်မတီမှ (၇-၉-၂၀၁၃)ရက်နေ့တွင် တာဝန်ရှိသူအချို့အား မယ်ဆိုင်မြို့ပိုင်ရုံး၏ အကူအညီဖြင့် အဆိုပါစက်ရုံသို့  စေလွှတ်ကာ သွားရောက်လေ့လာ စုံစမ်းခဲ့ပါသည်။ ထိုစုံစမ်းချက်များအပေါ် အခြေခံကာ (၉-၉-၂၀၁၃)ရက်နေ့တွင် ချိန်းရိုင်းခရိုင် အလုပ်သမားညွှန်ကြားရေးမှူးရုံးနှင့် ဆက်သွယ်ကာ အဆိုပါစက်ရုံကိစ္စအား မည်သို့ဆောင်ရွက်သင့်ပါကြောင်း ညှိနှိုင်းဆောင်ရွက်ခဲ့ရာ (၁၀-၉-၂၀၁၃)ရက်နေ့တွင် ယင်းကိစ္စအား ဆွေးနွေးရန်အတွက် ချိန်းရိုင်းခရိုင် အလုပ်သမား ညွှန်ကြားရေးမှူးရုံးသို့ ကြွရောက်ပါရန် ဖိတ်ကြားခဲ့သည့် အတွက် ကော်မတီဝင်အချို့အား စေလွှတ်ကာ တွေ့ဆုံဆွေးနွေးစေခဲ့ပါသည်။ 

၃။ ထို့အပြင် စားဝတ်နေရေး အခက်အခဲနှင့် ရင်ဆိုင်နေရသော စက်ရုံရှိ မြန်မာနိုင်ငံသားများနှင့် ထိုင်းနိုင်ငံသားများအား ကော်မတီ၏ ဦးဆောင်မှုဖြင့် တာချီလိတ်မြို့နှင့် မယ်ဆိုင်မြို့မှ စေတနာရှင်ပြည်သူများ၊ နိုင်ငံရေးပါတီများ၊ လူမှုရေးအဖွဲ့အစည်းများ၏ လှူဒါန်းမှုဖြင့် ၁၄-၉-၂၀၁၃တွင်တစ်ကြိမ် ၊၂၁-၉-၂၀၁၃တွင်တစ်ကြိမ် ၊ ၂၇-၉-၂၀၁၃တွင် တစ်ကြိမ် စုစုပေါင်း(၃)ကြိမ်တိတိ သွားရောက်ကာ ဆန် ၃၈ အိတ် ၊ ဆီ ၁၁ ပုံး ၊ ငါးသေတ္တာ ၁၃ ဖာ ၊ ကြက်ဥ ၅၉၇၀လုံး ၊ ရိက္ခာစုံအထုပ် ၁၈၆ထုပ် အပါအ၀င် ငပိဗူး၊ ငါးခြောက်၊ ခေါက်ဆွဲခြောက်၊ လက်ဖက်၊ ဟင်းသီးဟင်းရွက် စသည့် စားနပ်ရိက္ခာများအား ထောက်ပံ့လှူဒါန်းခဲ့ပါသည်။ စက်ရုံရှိ မီးဖွားပြီးသူ တစ်ဦးနှင့် ကိုယ်ဝန်ဆောင် (၆)ဦးအားလည်း သီးခြားထောက်ပံ့ငွေနှင့် အားဖြည့်အစားအစာများအား လှူဒါန်းခဲ့ပါသည်။

၎။ (၂၆-၉-၂၀၁၃)  ရက်နေ့တွင် မယ်ဆိုင်မြို့ လက်ထောက်မြို့ပိုင်နှင့်အတူ စက်ရုံသို့ ထပ်မံသွားရောက်လေ့လာခဲ့ပြီး တွေ့ရှိချက်များအား ထိုင်းနိုင်ငံဆိုင်ရာမြန်မာသံရုံးသို့ တင်ပြခဲ့ပါသည်။ (၃၀-၉-၂၀၁၃)ရက်နေ့တွင် ထိုင်းနိုင်ငံဆိုင်ရာ မြန်မာသံရုံးမှ အလုပ်သမားရေးရာ သံအရာရှိ ဦးကျော်ကျော်လွင်ဦးဆောင်ကာ ကော်မတီဝင်များသည် ထိုင်းနိုင်ငံ အလုပ်သမားဦးစီးဌာနမှ တာဝန်ရှိသူများနှင့် ချိန်းရိုင်းမြို့ အလုပ်သမားညွှန်ကြားမှုဦးစီးဌာနရုံးတွင် အလုပ်သမားများ၏ အခွင့်အရေးဆိုင်ရာများအား တွေ့ဆုံဆွေးနွေးခဲ့ပါသည်။ တွေ့ဆုံပွဲတွင်     အလုပ်သမားများ၏ လုပ်ခလစာများ အပြည့်အ၀ပြန်လည်ရရှိရေး၊ MOUပါ အချက်အလက်များအား တိကျစွာလိုက်နာရေး၊ အလုပ်သမားများ၏ ပတ်စ်ပို့နှင့်ဝပ်ပါမစ်များအား ပြန်လည်ပေးအပ်ရေး၊ အလုပ်ရှင်မှတဖက်သတ် အလုပ်ထုတ်ပစ်ခဲ့မှုအပေါ် ထိုက်သင့်သော လျော်ကြေးငွေများ ပေးအပ်ရေးတို့အား  အဓိကဆွေးနွေးခဲ့ကြပါသည်။  

၅။ (၂-၁၀-၂၀၁၃)  ရက်နေ့တွင် မယ်ဆိုင်မြို့ပိုင်ရုံးတွင် ထိုင်းနိုင်ငံ အလုပ်သမား ညွှန်ကြားမှုဦးစီးဌာနနှင့် ပူးပေါင်းကာ အလုပ်သမား(၁၈၀)ကျော်၏ အခွင့်အရေးအတွက် လိုအပ်သော အချက်အလက်များကို   ပုံစံရေးသွင်းခြင်း၊ လစာနှင့်လျော်ကြေးငွေများကို  တွက်ချက်ခြင်း၊ အလုပ်သမားအခွင့်အရေးဆိုင်ရာ ရှေ့နေနှင့် တိုင်ပင်ဆွေးနွေးခြင်းများ  ပြုလုပ်ခဲ့ပြီး ယင်းနေ့ညနေ (၄)နာရီတွင် ကော်မတီ၏ ဦးဆောင်မှုဖြင့် ထိုင်းနိုင်ငံ အလုပ်သမားညွှန်ကြားမှုဦးစီးဌာနမှ  တာဝန်ရှိသူများ၊ အလုပ်သမားအခွင့်အရေးဆိုင်ရာ ရှေ့နေ တို့နှင့်အတူ အလုပ်သမား(၁၈၀)ကျော်တို့ပါလိုက်ပါလျှက် မယ်ဆိုင်မြို့ ရဲစခန်းသို့သွားရောက်ကာ ယင်းတို့၏ ပတ်စ်ပို့များ သိမ်းဆည်းခံထားရမှုနှင့် ပါတ်သက်ပြီး ရဲတပ်ဖွဲ့တာဝန်ရှိသူများနှင့် တွေ့ဆုံညှိနှိုင်းခဲ့ပါသည်။ ထို့အပြင် ငှားရမ်း  နေထိုင်သည့် အိမ်ခန်းများအား လစာပေးဆောင်ရန်  အခက်အခဲဖြစ်နေသော အလုပ်သမားများ၏    နေထိုင်ရေးအတွက် မယ်ဆိုင်မြို့ပိုင်ရုံး၏ အကူအညီဖြင့် သက်သာသောနှုန်းထားဖြင့်  ဆက်လက်ငှားရမ်း နေထိုင်ခွင့်ပြုပါရန် အိမ်ရှင်နှင့်ညှိနှိုင်းကာ လိုအပ်သောငွေကြေးများအား ကော်မတီဝင်များနှင့် ထိုင်းနိုင်ငံ အလုပ်သမားညွှန်ကြားမှု ဦးစီးဌာနမှ တာဝန်ရှိသူများက စုပေါင်းကာ လှူဒါန်းပေးခဲ့ကြပါသည်။

၆။ (၈-၁၀-၂၀၁၃) ရက်နေ့တွင် ကော်မတီဝင်များသည် မြန်မာ - ထိုင်း နယ်ခြားကော်မတီမှ တာဝန်ရှိသူများနှင့်အတူ ချိန်းရိုင်းမြို့ အလုပ်သမားညွှန်ကြားမှုဦးစီးဌာနရုံးတွင် ထိုင်းနိုင်ငံ အလုပ်သမားညွှန်ကြားမှု ဦးစီးဌာနမှ တာဝန်ရှိသူများ   ၊  အလုပ်သမား အခွင့်အရေးဆိုင်ရာ ရှေ့နေ တို့နှင့် ထပ်မံတွေ့ဆုံ   ဆွေးနွေးခဲ့ရာ အောက်ပါ အချက်အလက်များအား သဘောတူညီမှုရရှိခဲ့ပါသည်။

(က) အလုပ်သမားများ၏  ၂၀၁၃ခုနှစ်  စက်တင်ဘာလအတွက် လုပ်အားခများနှင့် ၀ပ်ပါမစ်များအား (၁၀-၁၀-၂၀၁၃)ရက်နေ့တွင် မယ်ဆိုင်မြို့ပိုင်ရုံးတွင် ပေးအပ်ပါမည်။

    (ခ) အလုပ်သမားများ၏  ယာယီနိုင်ငံကူးလက်မှတ်များကိုလည်း သက်ဆိုင်ရာရဲစခန်းမှ လက်ခံရရှိပြီးဖြစ်ကာ လိုအပ်သော  စိစစ်မှုများ    ဆောင်ရွက်ပြီးပါက အလုပ်သမားများထံ အမြန်ဆုံးပြန်လည် အပ်နှံသွားမည်ဖြစ်ပါသည်။

(ဂ) အလုပ်သမားများ ထိုင်းနိုင်ငံအတွင်း ဆက်လက်အလုပ်လုပ်လိုပါက ခိုင်မာသည့် ကုမ္ပဏီတစ်ခုတွင် နေ့စားခ အမျိုးသမီး (၂၈၀ဘတ်) ၊ အမျိုးသား (၃၀၀ဘတ်) နှုန်းဖြင့် လုပ်ကိုင်နိုင်ရန် စီမံဆောင်ရွက်ပေးသွားပါမည်။

၇။ ထိုင်းနိုင်ငံ မယ်ဆိုင်မြို့ရောက် မြန်မာနိုင်ငံသားများအား ကူညီစောင့်ရှောက်ရေး နှင့် စေ့စပ်ညှိနှိုင်းရေးကော်မတီ(တာချီလိတ်)သည်  ထိုင်းနိုင်ငံတွင်းရှိ   မြန်မာနိုင်ငံသားများ၏  ဥပဒေနှင့်အကျုံးဝင်သည့် အခွင့်အရေးဆိုင်ရာ ရပိုင်ခွင့်များ၊ ဆုံးရှုံးနစ်နာမှုများအား တရားမျှတစွာ ရရှိခံစားနိုင်ရေးအတွက် တာချီလိတ် မြို့နယ်အတွင်းရှိ ပြည်သူများ၊ နိုင်ငံရေးပါတီများ၊ လူမှုရေးအဖွဲ့အစည်းများ၏ ကူညီထောက်ပံ့မှုဖြင့် ဆောင်ရွက်ပေးလျှက်ရှိသလို ဆက်လက်ပြီးလည်း မြန်မာနိုင်ငံသားများ၏    အကျိုးစီးပွားအား ကာကွယ်စောင့်ရှောက်သွားမည် ဖြစ်ပါကြောင်း အသိပေး ထုတ်ပြန်အပ်ပါသည်။

ထိုင်းနိုင်ငံ မယ်ဆိုင်မြို့ရောက် မြန်မာနိုင်ငံသားများအား 

ကူညီစောင့်ရှောက်ရေးနှင့် စေ့စပ်ညှိနှိုင်းရေးကော်မတီ 

( တာချီလိတ် )
Facebook : www.fb.com/groups/thmaesaiworker

သတင်းထုတ်ပြန်ချက် EBook အား ရယူရန် ။  Download Here