ဇူလိုင်လ(၁၂)ရက်နေ့ နံနက် (၆း၃၀)နာရီအချိန်ခန့်က တာချီလိတ်မြို့နယ် မိုင်းဖုန်း(ခ)ကျေးရွာအုပ်စု၊ ပါကောင်ရွာတွင် စကားများရန်ဖြစ်ရာမှ လူသတ်မှုနှင့် သေကြောင်း ကြံစည်မှုတစ်ခု ဖြစ်ပွားခဲ့ကြောင်း သိရသည်။
ဖြစ်စဉ်မှာ မိုင်းဖုန်း(ခ)ကျေးရွာအုပ်စု ပါကောင်ရွာနေ ဦးအိုက်ရှဲန်နှင့် ဆွေမျိုးနီးစပ် တော်စပ်သူ အိုက်ရှဲန်နွန်းတို့ အချင်းများရာမှ အိုက်ရှဲန်နွန်းမှ ဓါးဖြင့် ခုတ်လိုက်ရာ ဦးအိုက်ရှဲန်၏ လည်ပင်းအား ခုတ်မိသွားပြီး အဆိုပါ ဒဏ်ရာဖြင့်ပင် ဦးအိုက်ရှဲန်(အသက်၆၀)နှစ်မှာ သွေးထွက်လွန်ကာ သေဆုံးသွားပြီး အိုက်ရှဲန်နွန်းမှလည်း အဆိုပါ ဓါးဖြင့်ပင် မိမိလည်ပင်းကို ပြန်လည်လှီးကာ သေကြောင်းကြံစည်ခဲ့သော်လည်း သက်ဆိုင်ရာ တာဝန်ရှိသူတို့ အချိန်မီရောက်ရှိသွားသဖြင့် သေဘေးမှ လွတ်ကင်းသွားခဲ့သည်။
"အိုက်ရှဲန်နွန်းက ဒီရွာကမဟုတ်ပါဘူး၊ ဆွတ်ဆိုင်ရွာမှာ နေတာပါ၊ လွန်ခဲ့တဲ့ (၃)ရက်လောက်ထဲက အိမ်ထောင်ရေး အဆင်မပြေလို့ စိတ်လေပြီး လျှောက်သွားနေတာလို့ သိရပါတယ်၊ မနေ့ညနေကမှ သေဆုံးသူ ဦးအိုက်ရှဲန်ရဲ့ နေအိမ်ကို ရောက်ရှိလာတာပါ၊ ဒီနေ့ မနက်စောစောမှာ သူတို့နှစ်ယောက်စကားများ ရန်ဖြစ်ကြရာကနေ အခုလို အဖြစ်ဆိုးနဲ့ ကြုံတွေ့ရတာပါ"ဟု ပါကောင်ကျေးရွာ ဒေသခံတစ်ဦးမှ ပြောပြပါသည်။
အဆိုပါ ဖြစ်စဉ်နှင့် ပတ်သက်၍ သက်ဆိုင်ရာ တာချီလိတ်မြို့နယ် ၀မ်ပုံရဲတပ်ဖွဲ့စခန်းမှ လူသတ်မှုကျူးလွန်ပြီး မိမိကိုယ်ပါသေကြောင်းကြံစည်ခဲ့သည့် အိုက်ရှဲန်နွန်း(ဘ) ဦးလုံးကွမ်း၊ အသက် (၂၀)နှစ်၊ မိုင်းဖုန်း(ခ)ကျေးရွာအုပ်စုတွင် နေထိုင်သူအား ပြစ်မှုဆိုင်ရာ ဥပဒေ ပုဒ်မ(၃၀၂)၊ အမှုတွဲ ၉/၂၀၁၃ဖြင့် အမှုဖွင့်လှစ် အရေးယူထားပြီး ၎င်းအား တာချီလိတ်ခရိုင်ပြည်သူ့ဆေးရုံကြီးသို့ တင်ပို့ကာ ဆေးကုသမှု ခံယူစေထားကြောင်း သိရှိရသည်။
