ပြန်ကြားရေးနှင့်ပြည်သူ့ဆက်ဆံရေးဦးစီးဌာန တာချီလိတ်ခရိုင်ရုံး အနေဖြင့် ပြည်သူကိုဗဟိုပြု အသိပညာပေး လုပ်ငန်းများ ဆောင်ရွက်လျက်ရှိရာ ယခင်နှစ်က စာပေရေချမ်းစင်တစ်ခုကို လူစည်ကားရာ နေရာဖြစ်သော တော်ဝင်မြန်မာကားဂိတ်တွင် ထားရှိ ပေးခဲ့သည်။
ယခု ထပ်မံပြီး ပြည်သူများ ကျယ်ကျယ်ပြန့်ပြန့် လေ့လာ ဖတ်ရှုနိုင်ရန်အတွက် စာပေရေချမ်းစင် (mini book corner) ၅ခုကို ဇူလိုင်လ (၁၅)ရက်နေ့က မြန်မာ့စီးပွားရေးဘဏ်၊ ပြည်သူ့ဆေးရုံ၊ ပြည်တွင်းအခွန်ရုံးနှင့် မြို့နယ်လူဝင်မှုကြီးကြပ်ရေးနှင့် အမျိုးသားမှတ်ပုံတင်ရေးဦးစီးဌာနရုံးတို့တွင် ဖွင့်လှစ်ပြသသည်။
အဆိုပါ စာပေရေချမ်းစင်တွင် ပထမအတန်း၌ နိုင်ငံရေး ၊လူမှုရေး၊ စီးပွားရေး၊ ပညာရေး စာစောင်များ၊ဒုတိယအတန်းတွင် စိုက်ပျိုးရေး/မွေးမြူရေး၊ ကျန်းမာရေး၊ ဘာသာရေး၊ သိပ္ပံနှင့်နည်းပညာစာစောင်များ၊တတိယအတန်းတွင် ယဉ်ကျေးမှုနှင့်အနုပညာ၊ အားကစား၊ အတ္ထုပ္ပတ္တိနှင့် ပြည်သူ့နီတိ စာစောင်များ ပါရှိသည်။ ပညာရပ်တစ်မျိုးလျှင် စာစောင် (၅)အုပ် ပါရှိပြီး စုစုပေါင်း စာအုပ်( ၆၀ )အုပ်ပါရှိသည်။စာစောင်များအား တစ်လတစ်ကြိမ် လဲလှယ်ဆောင်ရွက်ပေးမည်ဖြစ်ကြောင်း သိရှိရသည်။
စာပေရေချမ်းစဉ်များ ထားရှိပေးခြင်းနှင့် ပတ်သက်ပြီး မြန်မာ့စီးပွားရေးဘဏ်တွင် ငွေသွင်းရန်ရောက်ရှိနေ သူတစ်ဦးက မြန်မာ့စီးပွားရေးဘဏ်တွင် တနလာင်္နေ့၌ ငွေသွင်း/ငွေထုတ်သူများပြားကြောင်း၊ မိမိအလှည့် မရောက်မီ အခုလို စာစောင်များ ပေါ့ပေါ့ပါးပါးဖတ်ရသည့်အတွက် စောင့်ဆိုင်းရတဲ့ အချိန်လေးမှာ အလွန် တန်ဖိုးရှိကြောင်း၊ မြန်မာ့စီးပွားရေးဘဏ်မှလည်း အပတ်စဉ်ထုတ်ဂျာနယ်များ ထားရှိပေးထားပါကြောင်း စသည်ဖြင့် ပြောကြားလာသည်။
