၂၀၁၃ခုနှစ် ဖေဖော်ဝါရီ(၇)ရက်နေ့ နံနက်(၈)နာရီမှ (၉း၃၀)ထိ တာချီလိတ်မြို့ အောင်မြတ်ခန်းမမှာ  (၆၆)နှစ်မြောက် ရှမ်း(သျှမ်း)ပြည်နယ်နေ့ အခမ်းအနားကို တိုင်းရင်းသားရိုးရာအကများဖြင့် အခမ်းအနားပြုလုပ်ခဲ့ကြတာဖြစ်ပါတယ်။

အခမ်းအနားသို့  တာချီလိတ်ခရိုင်/မြို့နယ်ဌာနဆိုင်ရာ ပုဂ္ဂိုလ်များ၊ တာချီလိတ်မြို့ရှိ နိုင်ငံရေးပါတီများ၊ တိုင်းရင်းသားများ နှင့် ရပ်ကွက်ပိုင်းဆိုင်ရာ တာဝန်ရှိပုဂ္ဂိုလ်များ တက်ရောက်လာခဲ့ကြတာကို
 တွေ့ရပါတယ်။ အခမ်းအနားမှာ တာချီလိတ်ခရိုင်အုပ်ချုပ်ရေးမှူး ဦးသောင်းတင်ထွေးက
 ပြည်ထောင်စုသမ္မတမြန်မာနိုင်ငံတော်၊ ရှမ်းပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဦးစ၀်အောင်မြတ်ထံမှ (၆၆)နှစ်မြောက် ရှမ်းပြည်နယ်နေ့ အထိမ်းအမှတ် သ၀ဏ်လွှာကို ဖတ်ကြားခဲ့ပါတယ်။

ဆက်လက်၍ (၆၆)နှစ်မြောက် ရှမ်းပြည်နယ်နေ့ ဂုဏ်ပြုအစီအစဉ်အဖြစ် တိုင်းရင်းသားများမှ စုပေါင်းသီချင်းဆိုခြင်းအပြင် တိုင်းရင်းသားရိုးရာအကများဖြင့် ကပြဖျော်ဖြေရာမှာ တာလေမြို့နယ်ခွဲ နားယောင်းဘက်ရှိ ရှမ်းတိုင်းရင်းသားများဒီမိုကရက်တစ်ပါတီမှ ကန္နရီကိန္နရာအက၊
ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီမှ တိုးနယား အကအလှ၊ အမျိုးသားဒီမိုကရေစီအဖွဲ့ချုပ်မှ ရှမ်းရိုးရာဓါးသိုင်း အကအလှ၊ အ.ထ.က(တာချီလိတ်)မှ မြန်မာ့ရိုးရာ နှစ်ပါးသွား အက နှင့် "ဦးရွှေရိုး၊ ဒေါ်မိုး"အက၊ ဆန်ဆိုင်းရပ်ကွက်မှ ရှမ်းလှပျုိုဖြူလေးများ၏ ရိုးရာ အကအလှ၊ အာခါတိုင်းရင်းသား စာပေနှင့်ယဉ်ကျေးမှုအသင်းမှ လှပျိုမယ်လေးများ၏ နှစ်သစ်ကူး
 ကောက်သစ်စားပွဲတော် အဓိပ္ပာယ်ရသော "ပေါ်ချန်တု"အကအလှ နှင့် ရိုးရာကိုထိန်းသိမ်းကြစို့ အဓိပ္ပာယ်ရသော "ဖွီဖိကျာမအန်းထာခိုဝ်မား"အကအလှအပြင် လားဟူတိုင်းရင်းသား စာပေနှင့်ယဉ်ကျေးမှုအသင်းမှ မောင်မယ်လေးများ၏ နှစ်သစ်ကူးပွဲတော် အဓိပ္ပာယ်ရသည့် "ခေါ်ကြားပွဲ"အကအလှ စသည့် ရိုးရာအကအလှများဖြင့် ဂုဏ်ပြုတင်ဆက်ခဲ့ကြတာကို တွေ့ခဲ့ရပါတယ်။

အခမ်းအနားအပြီးတွင် တာချီလိတ်ခရိုင်/မြို့နယ်ဌာနဆိုင်ရာများကိုယ်စား တာချီလိတ်ခရိုင်အုပ်ချုပ်ရေးမှူး ဦးသောင်းတင်ထွေးမှ  (၆၆)နှစ်မြောက် ရှမ်း(သျှမ်း)ပြည်နယ်နေ့ကို ဂုဏ်ပြုဖျော်ဖြေတင်ဆက်ပေးသော အကအဖွဲ့အား ဆုတော်ငွေအဖြစ် ထိုင်းဘတ်ငွေ(၁၀၀၀၀)တိတိကို ချီးမြှင့်ခဲ့ပါတယ်။

အဆိုပါအခမ်းအနား ဖြစ်မြောက်ရန်အတွက် တာချီလိတ်မြို့ရှိ ရှမ်းစာပေနှင့်ယဉ်ကျေးမှုအသင်းအနေဖြင့်  ဌာနဆိုင်ရာများနှင့် ပူးပေါင်းက ကျင်းပတာဖြစ်ကြောင်း သိရှိရပါတယ်။

ပုံများကိုကြည့်ရန်