နိုဝင်ဘာ(၂၃)ရက်နေ့က တာချီလိတ်မြို့ အမျိုးသားဒီမိုကရေစီအဖွဲ့ချုပ်မှ ရပ်/ကျေး ညီလာခံ နှင့် အလုပ်အမှုဆောင်ရွေးချယ်ခြင်း အခမ်းအနားကို မယ်ခေါင်ရပ်ကွက်နှင့် မကာဟိုခမ်းရပ်ကွက်တို့မှာ ကျင်းပပြုလုပ်ခဲ့ကြပါတယ်။
နေ့လည်ပိုင်းတွင်ပြုလုပ်သော မယ်ခေါင် ရပ်/ကျေး ညီလာခံ နှင့် အလုပ်အမှုဆောင်ရွေးချယ်ခြင်း အစီအစဉ်၌ အလုပ်အမှုဆောင်အဖြစ် မယ်ခေါင်ရပ်ကွက်ရှိ အဖွဲ့ချုပ်အဖွဲ့ဝင် (၇)ဦးလုံး ရွေးချယ်ခံရာမှာ ရွေးချယ်ခံ(၇)ဦးအနက် ဥက္ကဌအဖြစ် ဦးမြင့်အောင်၊ ဒု-ဥက္ကဌအဖြစ် ဦးဇော်လတ်၊ အတွင်းရေးမှူးအဖြစ် ဦးလှမောင် နှင့် ဘဏ္ဍာရေးမှူးအဖြစ် ဒေါ်ဌေးဌေး တို့အား ဆန္ဒသဘောတူညီချက်အရ ရွေးချယ်ခဲ့ကြကြောင်း သိရှိရပါတယ်။
ဆက်လက်၍ ညနေ့ပိုင်းတွင် ပြုလုပ်သော မကာဟိုခမ်း ရပ်/ကျေး ညီလာခံ နှင့် အလုပ်အမှုဆောင်ရွေးချယ်ခြင်း အခမ်းအနားတွင် အလုပ်အမှုဆောင်များအဖြစ် ၀င်ရောက်ရွေးချယ်ခံသူ(၁၄)ဦးအနက် (၁၁)ဦးကို အများသဘောတူညီချက်ဆန္ဒအရ ရွေးချယ်ခဲ့ကြပါတယ်။
ရွေးချယ်ခံရသူများမှ ပြန်လည်၍ ဥက္ကဌ၊ ဒု-ဥက္ကဌ၊ အတွင်းရေးမှူး နှင့် ဘဏ္ဍာရေး တာဝန်များ ခန့်အပ်ရန်အတွက် ရွေးချယ်ပြန်ရာ ဥက္ကဌအဖြစ် ဦးစိုင်းစွံဆိုင်း၊ ဒု-ဥက္ကဌအဖြစ် ဦးအေးမောင်၊ အတွင်းရေးမှူးအဖြစ် ဦးစိုင်းလုံစံခတ် နှင့် ဘဏ္ဍာရေးမှူးအဖြစ် ဦးစိုင်းဆိုင်ဟန် တို့ကို ရွေးချယ်သတ်မှတ်ခဲ့ကြပါတယ်။
ရပ်/ကျေး ညီလာခံ နှင့် အလုပ်အမှုဆောင်ရွေးချယ်ခြင်းအတွက် ၀မ်ကောင်း၊ မိုင်းကိုးကျေးရွာအုပ်စု၊ လွယ်တော်ခမ်းအုပ်စု၊ တာလေ နှင့် ပါလျှိုး/ကျိုက်လပ်တို့ ကျန်ရှိနေသေးကြောင်း သိရှိရပြီး အဆိုပါရွေးချယ်ခြင်းနဲ့ပတ်သက်၍ ဗဟိုမှညွှန်ကြား သတ်မှတ်ချက်ကာလမှာ နိုဝင်ဘာ(၃၀)ရက်နေ့ထိ နောက်ဆုံးထားပြုလုပ်ရန်ဖြစ်ကြောင်း သိရှိရပါတယ်။
သတင်းဓါတ်ပုံများကို ကြည့်ရန်
