စက်တင်ဘာ(၂၈)ရက်နေ့ နံနက်(၁၀)နာရီက မြန်မာ-ထိုင်း ချစ်ကြည်ရေး အမှတ်(၁)တံတားပေါ်မှာ ထိုင်းနိုင်ငံ ချင်းရိုင်းခရိုင် လူဝင်မှုကြီးကြပ်ရေးဦးစီးဌာနမှ ဒု-ရဲမှူးကြီး Mukda Tanasombat ဦးဆောင်တဲ့ အဖွဲ့ဝင်(၁၀)ဦးဟာ ထိုင်းနိုင်ငံအတွင်း လူကုန်ကူးခံရတဲ့ မြန်မာ မိန်းကလေးငယ် (၅)ဦးကို မြန်မာဘက်ရှိ တာဝန်ရှိ ပုဂ္ဂိုလ်များထံ လာရောက်လွှဲအပ်ခဲ့တယ်လို့ သိရပါတယ်။

ထိုင်းဘက်မှ လွှဲအပ်ရာတွင် မြန်မာဘက်မှ တာချီလိတ်ခရိုင်အုပ်ချုပ်ရေးမှူး ဦးသောင်းတင်ထွေး၊ ကျိုင်းတုံ မှ လူမှုဝန်ထမ်း ဦးစီးအရာရှိ ဦးအာဒဲလယ်၊ ကျိုင်းတုံ အမျိုးသမီးသက်မွေးအတတ်သင်ကျောင်းမှ ဦးစီးအရာရှိ ဒေါ်ခင်မြင့်မြင့်၊ လူကုန်ကူးမှုတားဆီးကာကွယ်ရေးဗဟိုအဖွဲ့ကိုယ်စား တာချီလိတ်လူကုန်ကူး တာဆီးကာကွယ်ရေးမှ ဒုရဲမှူး ရင်ရင်အေး နှင့် အဖွဲ့ဝင်များ၊ လ၀ကဦးစီးအရာရှိ ဦးမိုးဇက်၊ ကျိုင်းတုံ(မြန်မာ)world vision မှ ဦးစိုင်းလုံးကျောက် တို့က လက်မှတ်ရေးထိုးကာ လက်ခံခဲ့ကြတယ်လို့ သိရပါတယ်။

လူကုန်ကူးခံရသူ အမျိုးသမီးငယ်(၅)ဦးအား အမျိုးသမီးရေးရာအဖွဲ့နဲ့ မိခင်နှင့်ကလေး စောင့်ရှောက်ရေးအသင်းမှ တစ်ဦးချင်းစီ ထောက်ပံ့ငွေများ ပေးအပ်ခဲ့ကြပါတယ်။ အဆိုပါ အမျိုးသမီးငယ်(၅)ဦးမှာ ကျိုင်းတုံဇာတိများဖြစ်ကြပြီး အသက်အရွယ်အားဖြင့် (၁၈)နှစ်အရွယ် (၃)ဦး၊ (၁၆)နှစ်နဲ့(၁၉) နှစ်အရွယ်(၂)ဦးဖြစ်ကြောင်း သိရပါတယ်။

လွှဲအပ်ခြင်းအပြီးမှာပဲ ကျိုင်းတုံ မှ လူမှုဝန်ထမ်း ဦးစီးအရာရှိ ဦးအာဒဲလယ် နဲ့ ကျိုင်းတုံ အမျိုးသမီးသက်မွေး အတတ်သင်ကျောင်းမှ ဦးစီးအရာရှိ ဒေါ်ခင်မြင့်မြင့်တို့က အမျိုးသမီးငယ်(၅)ဦးအား ကျိုင်းတုံ အမျိုးသမီးသက်မွေး အတတ်သင်ကျောင်းသို့ ခေါ်ဆောင်သွားကြတယ်လို့ သိရပါတယ်။

သတင်းမှတ်တမ်းဓါတ်ပုံများကို ကြည့်ရန်