၂၀၁၃ခုနှစ် ဇန်န၀ါရီ(၁၀)ရက်နေ့က ထိုင်းနိုင်ငံ ချင်းရိုင်း နှင့် ချင်းမိုင်လမ်းကြားတစ်လျှောက်ရှိ စစ်ဆေးဂိတ်တစ်ခုမှာ ကားတစ်စီးပေါ်မှ စိတ်ကြွရူးသွပ်ဆေးပြား (၇၀၀၀၀) ဖမ်းဆီးသိမ်းဆည်းရမိကြောင်း သတင်းရရှိပါတယ်။
ချင်းရိုင်းရဲမှူးကြီးနှင့်မယ်ဆွေရဲစခန်းမှ ရဲတပ်ဖွဲ့များက ထောက်လှမ်းရေး၏ သတင်းပေးပို့ချက်အရ ချင်းရိုင်း ချင်းမိုင်လမ်းကြားတစ်လျှောက်မှာ စစ်ဆေးဂိတ်များထားပြီး စစ်ဆေးနေလျှက်ရှိရာ တိုယိုတာကား တစ်စီးဟာ စိုက်ပျိုးရေးပစ္စည်းများကို သယ်ဆောင်လာပြီး မောင်းနင်လာတာကို စစ်ဆေးရေးထိုင်းရဲများက အဆိုပါကားအား ရပ်တန့်စစ်ဆေးရာမှာ မသင်္ကာပစ္စည်းဘာမှ မတွေ့ရပေမဲ့ ကား၏နဘေးအကာနှစ်ဖက်ကို စစ်ဆေးကြည့်တဲ့အခါမှာ မူလပုံစံအနေအထားမဟုတ်ပဲ ပြုပြင်ထားဟန်ရှိတာကို တွေ့ရတာကြောင့် ကား၏အကာများကို ခွာချပြီး စစ်ရာတော့ အတွင်းမှာ စိတ်ကြွရူးသွပ်ဆေးပြား (၇၀၀၀၀)ကို တွေ့ရှိခဲ့တာဖြစ်ပါတယ်။
မူးယစ်ဆေးနှင့်အတူဖမ်းဆီးရမိသော တရားခံနှစ်ဦးမှာ ပလောင်လူမျိုးများဖြစ်ပြီး ချင်းရိုင်းခရိုင် ၀ိန်းပါပေါက်မြို့နယ်မှာ နေထိုင်တာဖြစ်ရာ စိုက်ပျိုးရေးဘန်းပြ၍ နောက်ကွယ်မှာ မူးယစ်ဆေးဝါး အရောင်းအ၀ယ်လုပ်တာဖြစ်ကြောင်း ထိုင်းသတင်းဌာနမှာ ရေးသားဖော်ပြထားပြီး တရားခံမှ စိတ်ကြွဆေးပြားတွေကို ဟွေခိုက်နှင့် လွိုင်တုံး ထိုင်း-မြန်မာနယ်စပ်ကနေ သယ်လာပြီး ကားလမ်းအတိုင်းမောင်းလာစဉ် ဖမ်းမိတာဖြစ်ကြောင်း ၀န်ခံသွားသည်ကို မယ်ဆိုင်သတင်းဌာနမှာ ဖော်ပြထားတာကိုတွေ့ရှိရပါတယ်။
ဆက်လက်ပြီး ထိုင်းရဲအရာရှိများက တရားခံ၏ ၀န်ခံဖြောင့်ချက်ပေးမှုကြောင့် ၎င်းတို့နှင့် ဆက်နွယ်သူများကို ရှာဖွေဖမ်းဆီးသွားမှာဖြစ်ကြောင်းကိုလည်း သိရှိရပါတယ်။
