တာချီလိတ်မြို့နယ် မိုင်းဖုန်း(ခ)ကျောင်းမိသားစု၏ စတုတ္တအကြိမ် စီစီအေကျောင်းအုပ်စု ဆွေးနွေးပွဲကို ဒီဇင်ဘာလ(၂၂)ရက်နေ့ မနက် (၉)နာရီက ဝှေလေလန်အခြေခံပညာမှုလတန်းလွန်ကျောင်းရှိ ဇာတိမာန်ခန်းမမှာ ပြုလုပ်ခဲ့ကြောင်း သိရှိရပါတယ်။
စီစီအေကျောင်းအုပ်စု ဆွေးနွေးပွဲကို ကျောင်းအုပ်စုမှူး ဦးမြင့်ဝင်းလှနှင့်အတူ အုပ်စုအတွင်းရှိ ကျောင်းအုပ်ကြီးများ လက်ထောက် အလယ်တန်းပြ၊ မှုလတန်းပြနှင့် လုပ်အားပေးဆရာ/မများ တက်ရောက်ပါဝင်ဆွေးနွေးခဲ့ကြပါတယ်။ ဆွေးနွေးပွဲတွင် ယခုစာသင်နှစ်အတွင်း စီစီအေးနည်းစနစ်ဖြင့် သင်ကြားခဲ့မှုများ၊ မြန်မာစကားကြွယ်ဝပုံဖွံ့ဖြိုးရေးသင်ကြားမှုနည်းစနစ်သစ်ဖြင့် သင်ကြားနေသည့် အထူးမြို့နယ်(၂၅)မြို့နယ်တွင် တာချီလိတ်မြို့နယ်အတွင်းရှိ မိမိတို့ကျောင်းများတွင် နှစ်စမှ နေ့အထိ သင်ရိုးညွှန်းတမ်းအသစ်များဖြင့် သင်ကြားခဲ့သည့် အားနည်းချက်၊ အားသာချက် နှင့် အခက်အခဲများကို ကျော်လွှာခဲ့ပုံနှင့် သင်ထောက်ကူပစ္စည်းများဆိုင်ရာဆွေးနွေးခြင်းတို့ကို အုပ်စုတွင်း ကျောင်းအားလုံးမှ ဆွေးနွေးဆောင်ရွက်ခဲ့ကြပါတယ်။
ထို့ပြင် အုပ်စုတွင်းကျောင်းအုပ်ဆရာကြီး ဆရာမကြီးများက နှစ်စမှ ဆွေးနွေးပွဲကာလအတွင် ဌာနလမ်းညွှန်ချက်များနှင့် မြို့နယ်အဆင့်သင်တန်းများအား အောက်ခြေစာသင်ခန်းအထိ ထိရောက်အောင်မြင်စေရန် ဆောင်ရွက်နိုင်မှုအခြေအနေများ၊ ကျောင်းအချင်းချင်း ပူးပေါင်း ဆောင်ရွက်နိုင်မှုအခြေအနေများကို ဆန်းစစ်ဆွေးနွေးအကြံပြုတင်ပြခြင်းများကိုလည်း ဆက်လက်ဆောင်ရွက်ခဲ့ကြပါတယ်။
အထက်ပါဆွေးနွေးချက်များအား ပေါင်းစပ်ညှိနှိုင်းပေးခြင်း၊ အကြံပြုဆွေးနွေးလမ်းညွှန်ခြင်းများနှင့် ဒီဇင်ဘာလ(၂၃)ရက်နေ့တွင် ဆက်လက်တက်ရောက်ရမည့် မြို့နယ်အဆင့် ဆွေးနွေးပွဲ(၃)ဆိုင်ရာများကို ကျောင်းအုပ်စုမှူး ဦးမြင့်ဝင်းလှက ရှင်းလင်းပြောကြားပြီး နေ့လည်(၁၂)နာရီမှာပင် ဆွေးနွေးပွဲအခမ်းအနားပြီးမြောက်စေခဲ့ပါကြောင်း သိရှိရပါတယ်။
သတင်းဓါတ်ပုံများကိုကြည့်ရန်
