~~~~~~~~⊰❂ unicode ❂⊱~~~~~~~~

ရှမ်းပြည်နယ်(အရှေ့ပိုင်း)၊ ကျိုင်းတုံမြို့ရှိ အစိုးရနည်းပညာအထက်တန်းကျောင်းတွင် ဆရာ၊ ဆရာမ အင်အားနည်းနေသဖြင့် ကျောင်းသား/သူ လျှော့၍ ခေါ်ယူနေရသောကြောင့် ရာထူး(၃)နေရာအတွက် လျှောက်ထားကြရန် ကျိုင်းတုံအစိုးရနည်းပညာ အထက်တန်းကျောင်းမှ ကျောင်းအုပ်ကြီး ဦးတေဇာထွန်းက တိုက်တွန်းလိုက်သည်။

"လက်ရှိ ကျွန်တော်တို့ကျောင်းမှာ သင်ကြားရေးပိုင်းအတွက် (၁၃)ယောက်ပဲ ရှိပါတယ်။ ဒါကြောင့် ကျွန်တော်တို့ အနေနဲ့ ကျောင်းသား၊ ကျောင်းသူတွေ လက်ခံတဲ့အခါမှာ လျှော့ပြီး လက်ခံရပါတယ်။ ပြီးရင် သင်တန်းပေါင်းစုံ မဖွင့်နိုင်ဘူး။ အရင်နှစ်တုန်းက မေဂျာ(၃)ခု ဖွင့်ပေးနိုင်ခဲ့ပေမယ့် ဒီနှစ်မှ စတက်တဲ့ ပထမနှစ်တန်းအတွက် လျှပ်စစ်နည်းပညာ သင်တန်းတစ်ခုပဲ ဖွင့်ပေးနိုင်ပါတယ်။ ဒါကြောင့် ကျွန်တော်တို့ ကျောင်းအတွက် ဆရာ၊ဆရာမ အင်အား အများကြီး လိုအပ်နေတာကြောင့် လျှောက်ထားစေချင်ပါတယ်"ဟု ကျိုင်းတုံအစိုးရနည်းပညာအထက်တန်းကျောင်းမှ ကျောင်းအုပ်ကြီး ဦးတေဇာထွန်းက တာချီလိတ်သတင်းအေဂျင်စီကို ပြောသည်။

ကျိုင်းတုံအစိုးရနည်းပညာအထက်တန်းကျောင်းအတွက် လိုအပ်လျှက်ရှိသော ရာထူး(၃)နေရာဖြစ်သည့် သရုပ်ပြရာထူးအတွက် B.E (Civil, EC, EP,Mech,MC,IT Textile,Chemical,Mining,Metallurgy)၊ ကျွမ်းကျင်(၄) ရာထူးအတွက် AGTI (Civil,EC,EP,Mech)နှင့် ကျွမ်းကျင်(၅) ရာထူးအတွက် GTHS(BT.EcT,ET,AMT,MT)/ ICT/TTCကျောင်းဆင်းများ လျှောက်ထားနိုင်ကြောင်းကို ၂၀၁၆ခုနှစ် ဒီဇင်ဘာလ(၂၀)ရက်နေ့ကတည်းက လျှောက်လွှာများ ခေါ်ယူထားခြင်းဖြစ်ကြောင်း သိရသည်။

လျှောက်ထားသူများ အနဖြေင့် ပြည်ထောင်စုသမ္မတမြန်မာနိုင်ငံသားဖြစ်သူ၊ အသက်(၁၈)နှစ်ပြည့်ပြီး၊ ပြင်ပပုဂ္ဂိုလ်ဖြစ်ပါက အသက်(၃၀)နှစ်၊ ဝန်ထမ်းဖြစ်ပါက အသက်(၃၅)နှစ်ထက် မကျော်လွန်သူ၊ ကျွမ်းကျင်မှုဆိုင်ရာ ကာလတို၊ ကာလရှည် သင်တန်းများ တက်ရောက်နိုင်သူများ အနဖြေင့် (၆) လအတွင်း ရိုက်ထားသော ပတ်စ်ပို့ ဓာတ်ပုံ(၃)ပုံ၊ ဘွဲ့လက်မှတ်၊ သင်တန်းဆင်းလက်မှတ်၊ (၆)လအတွင်း ပြုလုပ်ထားသော အလုပ်သမား မှတ်ပုံတင်၊ တက္ကသိုလ်ဝင်တန်း အောင်လက်မှတ်နှင့် နိုင်ငံသားစိစစ်ရေး ကတ်ပြား မိတ္တူ၊ (၁)လအတွင်း ပြုလုပ်ထားသော ကျန်းမာရေး ကောင်းမွန်ကြောင်း ဆေးထောက်ခံစာ၊ ပြစ်မှုကင်းရှင်းကြောင်း ရဲစခန်းထောက်ခံချက်နှင့် အကျင့်စာရိတ္တ ကောင်းမွန်ကြောင်း၊ ရပ်ကွက် အုပ်ချုပ်ရေးမှူး ထောက်ခံချက်တို့ဖြင့် ဇန်နဝါရီလ(၆)ရက်နေ့ နောက်ဆုံးထား၍ လျှောက်ထားရမည် ဖြစ်ကြောင်းနှင့် ဇန်နဝါရီလ(၂၈)ရက်နေ့တွင် သက်ဆိုင်ရာ ဘာသာရပ်နှင့် ဇန်နဝါရီလ(၂၉)ရက်နေ့တွင် အင်္ဂလိပ်စာတို့ကို ရေးဖြေစာမေးပွဲအဖြစ် ဖြေဆိုရမည်ဖြစ်ကြောင်း သိရသည်။

"လျှောက်လွှာတွေကိုတော့ ကျွန်တော်တို့ကျောင်းမှာလာပြီး ထုတ်ယူနိုင်ပါတယ်။ လျှောက်ထားဖို့ အတွက်က လူဦးရေ မကန့်သတ်ထားပါဘူး။ လျှောက်လာသလောက်ကို ကျွန်တော်တို့ကျောင်းမှာပဲ ရေးဖြေစာမေးပွဲ လုပ်ပြီးတော့ ဒီမှာပဲ လူတွေ့စစ်ဆေးသွားပါမယ်။ အမှန်ကတော့ ရန်ကုန်နဲ့ မန္တလေးမှာပဲ ဖြေရမှာပါ။ ကျွန်တော်တို့ ကျောင်းကကျတော့ နည်းနည်းေဝးတော့ ဒီမှာပဲဖြေနိုင်အောင် စီစဉ် လိုက်တာပါ။"ဟု ကျောင်းအုပ်ကြီး ဦးတေဇာထွန်းက ပြောသည်။

ကျိုင်းတုံ အစိုးရနည်းပညာအထက်တန်းကျောင်းကို ၂၀၀၉ ခုနှစ်က စတင်ဖွင့်လှစ်ခဲ့ပြီး ဝန်ထမ်းအင်အား အနဖြေင့် ရုံးဝန်ထမ်း (၈)ဦးနှင့် သင်ကြားရေးအတွက် ဆရာ၊ဆရာမ (၁၃)ဦးမှ ကျောင်းသား၊ကျောင်းသူ(၅၀)ဦးအား လျှပ်စစ်နည်းပညာသင်တန်း၊ မော်တော်ယာဉ် နည်းပညာသင်တန်းနှင့် အခြေခံ အဆောက်အအုံ နည်းပညာသင်တန်းတို့ကို ပညာသင်နှစ်(၂)နှစ်ဖြင့် သင်ကြားပေးနေကြောင်း သိရသည်။

သတင်း - #ဇွဲမြတ်