တနေ့က မိုင်းခတ်မြို့နယ်ထဲက အဲန်လူမျိုးတွေနေကြတဲ့ အင်လုံရွာလေးကို မီးလောင်တယ်ဆိုတဲ့ သတင်းလေး တက်လာလို့ ဖတ်လိုက်ရတယ်။ အဲဒီ အချိန်မှာပဲ ကျနော့်မိတ်ဆွေကြီး ဦးဝင်းမောင်က ပြောလာတယ်။ NLD အဖွဲ့နဲ့အတူ မီးလောင်တဲ့ရွာကို သွားပြီးလှူမလို့ လိုက်မလားလို့ မေးပါတယ်။
သူတို့ရဲ့ကားနဲ့ မလိုက်ပဲ အေးအေးလူလူ (၂)ယောက်သား ဆိုင်ကယ်နဲ့သွားဖို့ အဖော်ညှိလိုက်ပါတယ်။ ဒါနဲ့ပဲ မနက်(၉)နာရီလောက်မှာ မြို့ကနေ ဆိုင်ကယ်ကိုယ်စီနဲ့ ထွက်ခဲ့ကြပါတယ်။

အရင်တုန်းက လမ်းတွေဆိုးသလောက် အခုတော့ တော်တော့်ကို ကောင်းနေပါပြီ။ ဝမ်တာပုံရွာလေးကို ရောက်လာတော့ ဒီရွာလေးကနေ နောက်ကျတဲ့ခြေထောက် သစ္စာဖေါက်ဆိုပြီး တရုတ်ဖြူနဲ့တိုက်ခဲ့တဲ့ တိုက်ပွဲတစ်ခုမှာ ပြေးခဲ့ရတယ်ဆိုတဲ့ ကျနော့်မိတ်ဆွေကြီး တစ်ယောက်ရဲ့စကားသံကို ပြန်ပြီး အမှတ်ရမိလာပါတယ်။ ဒီနယ်မြေတွေကို ပြန်ရအောင် အသက်ပေါင်းများစွာ စတေးပြီး တိုက်ယူခဲ့ရတယ်လို့ ပြောပြခဲ့ဖူးပါတယ်။ သူပြောဖူးလို့ ဗိုလ်မှူးကြီးလှဟန်တို့ ရန်ကြီးအောင်စစ်ဆင်ရေးတို့ ဗိုလ်ပီတာတို့အကြောင်းတွေကို သိခွင့်ရခဲ့ပါတယ်။ အဲဒီတုန်းက တိုက်ပွဲတွေအကြောင်း အသေးစိတ်ကို စာအုပ်တွေ ဓါတ်ပုံတွေနဲ့ အသေးစိတ် မှတ်တမ်းတင်ထားတာကို သူ့ဆီမှာ တွေ့ရပါတယ်။ နောင် တချိန်မှာ သားသမီး မြေးမြစ်တွေရဲ့ လက်ထက်ကြရင် စာအုပ်ထုတ်ချင် ထုတ်နိုင်အောင်လို့ ဆိုပြီး ပြုစုထားတာလို့ ပြောပြခဲ့ ဖူးပါတယ်။ အဲဒီတုန်းက တန်ဖိုးမသိတော့ အချက်အလက်တွေကို မှတ်မထားလိုက်မိဘူး။ နောက်ပိုင်းတော့ ကျနော့်မိတ်ဆွေအဖိုးကြီးလည်း သူ့သမီးရှိတဲ့ အောင်ပန်းမှာ လိုက်နေရင်း ဆုံးသွားတဲ့အကြောင်းကို သိရပါတယ်။ ဒီမှတ်တမ်းကြီးဟာ သူ့ရဲ့ သားသမီး တစ်ယောက်ယောက်ဆီမှာတော့ ရှိနေမှာပါ။ စာအုပ်အဖြစ် ရောက်လာဖို့ပဲ မျှော်လင့်မိပါတယ်။
ဝမ်တာပုံရွာရဲ့အလွန်မှာ တံတားရှည်တစ်စင်း ရှိပါတယ်။ တပ်နဲ့ရဲက လုံခြုံရေးယူထားတယ်။ လာသမျှ ကားနဲ့ဆိုင်ကယ်တွေ ရပ်ပြီး သတင်းပို့ရပါတယ်။ ( ၂၆)မိုင်ရွာလေးကို မရောက်ခင် ရွာလေးတစ်ရွာအထိ ကတ္တရာလမ်းကြီး ဖြစ်နေပါပြီ။ မိုင်းခတ်နဲ့ကျိုင်းတုံက (၅၂)မိုင် ဝေးတာဆိုတော့ တဝက်လောက်နီးပါးက လမ်းကောင်း နေပါပြီ။ အရင်တုန်းက ဒီလမ်းကို ဂျစ်ဘီလူးတွေနဲ့ သွားခဲ့ရတယ်။ မှတ်မှတ်ရရ ၁၉၉၂ တုန်းက မိုင်းခတ်ကို စပြီးရောက်ဖူးတယ်။ အဲဒီတုန်းက (၂၆)မိုင်ရွာလေးမှာ ညအိပ်ခဲ့ဖူးတယ်။ လမ်းတလျှောက် ကားလမ်းတွေက တအားချော်တော့ တာယာတွေကို သံချိန်းကြိုးတွေ ပတ်ပြီးမှ ရုန်းရတယ်။ ကားတွေမှာလည်း ဝင့်တွေ ဘာတွေ ပါတယ်။ မရုန်းနိုင်တော့ရင် ရှေ့ကသစ်ပင်ကို သံကြိုးနဲ့ချည်ပြီး ကားက ဝင့်နဲ့ ရုန်းရတယ်။ အဲဒီခေတ်တုန်းက လမ်းမှာ သုံးလေးညလောက်တော့ အိပ်ရတယ်။ မိုင်းခတ်က အပြန် လမ်းမှာ ကားပျက်လို့ စားစရာက မရှိတော့ စွယ်တော်ပွင့်တွေ ပြုတ်ပြီး သုတ်စားခဲ့ရတာကို အမှတ်ရမိပြန်တယ်။ တလမ်းလုံးမှာ စွယ်တော်ပွင့်တွေက တတောလုံး တတောင်လုံး ဖွေးနေအောင် ပွင့်နေတာပါ။ ဒီလို မတ်လကြီးထဲမှာပဲ ၊ ဘဝမှာ မှတ်မှတ်ရရလေးတွေပါ။ ဒီ အဖြစ်အပျက်တွေက အခုတော့ ပုံပြင်သဖွယ် ဖြစ်သွားပါပြီ။
(၂၆)မိုင်ရွာလေးရဲ့ ထိပ်မှာ ကျနော်နဲ့ခင်မင်တဲ့ နွားထိုးကြီးနယ်ဖက်က လင်မယားရဲ့ ဈေးဆိုင်လေးမှာ ဆီဝင်ထည့်တယ်။ သူတို့က လမ်းလုပ်လိုက်ရင်း လမ်းပြင်တဲ့အဖွဲ့တွေ ပြန်သွားတော့ မလိုက်ပဲ ကျန်နေခဲ့တာ။ သူတို့ရဲ့(၁၀)တန်း ကလေးကိုတောင် မြန်မာပြည် အလယ်ပိုင်းကိုပြန်ပြီး ဘော်ဒါထားတယ်၊ စီးပွားရေးလည်း တော်တော် အဆင်ပြေနေပုံပဲ။ ဒါပဲလေ လူဆိုတာ စီးပွားရေး လုပ်လို့အဆင်ပြေမယ့် နေရာမှာ နေရမှာပဲ၊ မိသားစုလိုက်ဆိုတော့ နေတာကြာရင် ပျော်သွားမှာပါ။
ဒီလိုနဲ့ မိုင်းဟန်ရွာကို ရောက်လာတယ်။ တလမ်းလုံး မြေလမ်းဆိုတော့ မျက်နှာမှာလည်း ဖုန်တွေချည်း ဖြစ်နေပြီ။ (၃၉)ရောက်တော့ မရောက်တာကြာပြီဖြစ်တဲ့ ကျနော့်ခြံကို ဝင်ပါတယ်။ ခြံထဲမှာ လျှော်ဖြူ ကော်ဖီ သစ်မွှေး စန္ဒကူး ကျွန်းတွေ စိုက်ထားတယ်။ ခြံထဲမှာက တောင်ကုန်းတွေ အများကြီးပါတော့ အကုန်လုံး မစိုက်နိုင်သေးဘူး။ ခြံထဲ တနေရာမှာ တရုတ်ဖြူတွေ တူးခဲ့တဲ့ ရေးတွင်းတစ်တွင်း ရှိတယ်။ အခုတော့ အုတ်စီပြီး ထပ်တူးထားတယ်၊ ရေလည်း ကောင်းတယ်။ ကုန်းတစ်ခုပေါ်ကို တက်ကြည့်လိုက်ရင် ပတ်ဝန်းကျင်နေရာ အားလုံးကို စီးပြီးမြင်ရတဲ့ စိုးမိုးကုန်းတစ်ခု ရှိတယ်၊ မိုင်းဟန်ဖက်က လာတဲ့ကားတွေ မိုင်းခတ်ဖက်က လာတဲ့ကားတွေကို တော်တော်ဝေးဝေး ကတည်းက,နေ မြင်နေရပါတယ်။ (၈၈) မိုင်းယန်း တိုက်ပွဲတွေမှာလည်း တပ်တွေ နေရာယူခဲ့ကြတယ်။ ဒါ့ကြောင့်လည်း ဒီနေရာတွေကို အရေးပါလို့ စစ်ရေးမှာ သုံးခဲ့တာဖြစ်မယ်။
တောင်သုံးလုံးရွာလေးကို ရောက်တော့ ကိုမြင့်ဝေရဲ့သမီး မွေးနေ့နဲ့ ကြုံပါတယ်။ ပတ်ဝန်းကျင်ရွာတွေနဲ့ မိုင်းခတ်အထိ လူတွေအများကြီးကို ဖိတ်ထားတာပဲ။ နေ့လည်စာစားရင်း ဆိုင်ကယ်တွေကို အနားပေးရတယ်။
ဆက်ထွက်လာတော့ မိုင်းခတ်နားကို ရောက်လာပါတယ်။ ကျိုင်းတုံကနေ မိုင်းခတ်ကို မှန်မှန်လေး စီးလာရင်(၃)နာရီလောက်တော့ စီးရပါမယ်။ မိုင်းခတ်မရောက်ခင် နန့်(မ်)လွေချောင်းကို ဖြတ်ဖေါက်ထားတဲ့ ဘေလီသံတားတစ်စင်းကို တွေ့ရတယ်။ တံတားထိပ်က တာဝန်ကျ ရဲဘော်ကို အလံတွေတပ်ထားတဲ့ ကားတွေသွားပြီလား မေးတော့ မလာသေးကြောင်း သိရတယ်။ နောက်က ကားကိုစောင့်ရင်းနဲ့ ပတ်ဝန်းကျင်ကို ဓါတ်ပုံရိုက်ဖြစ်တယ်။ မိုးတွင်းတုန်းက ချောင်းရေ တအားများတော့ တံတားကို ရေကျော်သွားလို့ အလယ်တိုင်တဖက်က နိမ့်သွားတယ်လို့ သိရတယ်။ တံတားတိုင်ရဲ့ ဟိုဖက် ချုံတစ်ခုဝန်းကျင်မှာ ပိုက်ကွန်အဝိုင်းလေးတွေ ကိုင်ပြီး ဟင်းစားရှာနေတဲ့ အမျိုးသမီး(၃)ယောက်ကို ရိုက်ဖြစ်တယ်။ ဟိုးခပ်လှမ်းလှမ်းမှာတော့ ဗျူဟာကုန်းကို လှမ်းမြင်ရတယ်။ အရင်းတုန်းက တပ်က (၂၂၇) တစ်ခုပဲ ရှိတာ ၊ အခုတော့ (၃၂၇) (၂၂၈) နဲ့ ဗျူဟာတစ်ခု ပါ တိုးလာပြီ။ နောက်ပြီး ဆေးတပ်လည်း ရှိသေးတယ် ။ ကားတွေ တော်တော်နဲ့ မလာနိုင်တော့ ရဲဘော်လေးကို မှာခဲ့ပြီး ဆက်ထွက်လာခဲ့ကြတယ်။ လမ်းတဖက်ကို ခွဲသွားရင် နံမည်ကြီးတဲ့ နှီးဘုရားကို ရောက်ပါတယ်။ သိကြားမင်းက လူယောင်ဖန်ဆင်းပြီး ရက်လုပ်သွားတယ်လို့ ဒေသခံတွေက ယုံကြည်ကြပါတယ်။ ဘုရားပွဲချိန်မှာတော့ ရပ်နီးရပ်ဝေးက ဘုရားဖူးတွေ လာရောက်ကြလို့ အလွန်ကို စည်ကားပါတယ်။ ထိုင်းတွေကို လာဖူးခွင့်ပြုရင်တော့ တိုးရစ်ဇင်လုပ်ငန်း ကောင်းကောင်း လုပ်လို့ရမယ်။ နှီးဘုရားတွေနဲ့ပက်သက်ပြီး ဒေါက်တာသန်းထွန်း အဆိုအရတော့ ချောင်းဦးနယ်တဝိုက်က လယ်သမားတွေဟာ လယ်ပြီးချိန်တွေမှာ သူတို့ရက်လုပ်ထားတဲ့ နှီးဘုရားတွေကို တစ်ဆူပေါ်တစ်ဆူ ထပ်ပြီး ရှမ်းပြည်တခွင်ကို လည်ရောင်းခဲ့တယ်လို့ သိရပါတယ်။ ကျနော့်မိတ်ဆွေရဲ့ မိန်းမ ပီနန်းကျင် ပြောပြဖူးပါတယ်။ သူတို့အဖိုးတွေ လက်ထက်တုန်းက မန္တလေးကို လှည်းတွေနဲ့ ဘုရားသွားဖူးတာ (၂)လလောက် ကြာတယ်လို့ သိရပါတယ်။ ဘယ်လမ်းကနေ ဘယ်လိုသွားကြတယ်တော့ မသိပါဘူး။ အထူးဒေသနယ်တွေထဲကနေ ဖြတ်ချလိုက်ရင်တော့ လားရှိုးဖက်ကို ပေါက်တယ်လို့ ပြောပါတယ်။ နောက်ပြီး ဒီဒေသ တဝိုက်မှာ ရှေးဟောင်းဘုရားပျက်တွေ ရှိခဲ့တော့ သာသနာထွန်းကားခဲ့မယ်ဆိုတာ မြင်ရုံနဲ့ သိနိုင်ပါတယ်။ မိုင်းခတ်ရဲစခန်းထဲမှာတောင် မြို့ရိုးဟောင်းတွေ ရှိနေပါသေးတယ်။ စေတီလို့ ယူဆရတဲ့ အုတ်ပုံတစ်ခုထဲကနေ မောင်းအကြီးကြီးတစ်လုံးနဲ့ အသေးတစ်လုံး ရဖူးလို့ သက်ဆိုင်ရာကို အပ်ဖူးတယ်ဆိုပြီး ကြားဖူးတယ်။
မိုင်းညှင်းသွားတဲ့ လမ်းအတိုင်း ဆိုင်ကယ်တွေကို မောင်းလာကြတယ်။ လမ်းမှာ ဆီပြတ်မှာစိုးလို့ ရွာလေးတစ်ရွာကို နောက်ကြောင်းပြန်ပြီး ဆီဝင်ပြီး ထည့်ရသေးတယ်။ တလမ်းလုံး အတက်ခရီးက စပါပြီ ၊ နံပါတ်ဝမ်းဂီယာနဲ့ပဲ တက်ရတယ်။ တနေရာရောက်တော့ လမ်းခွဲတစ်ခုမှာ ရဲဘော်တစ်ယောက် စောင့်နေတာကို တွေ့လို့ မေးကြည့်တော့ ဘယ်ဖက်က လမ်းအတိုင်း သွားရမှာလို့ ပြောပါတယ်။ ညာဖက် လမ်းကနေ ဆက်သွားရင် မိုင်းညှင်းကို ရောက်ပါမယ်။ တလမ်းလုံး တောက်လျှောက် အတက်ချည်း ပါပဲ။ မိုင်းညှင်းက ရွာတော်တော်လေး ကြီးပါတယ်။ ရဲစခန်းတွေ ဈေးတွေလည်း ရှိတယ်။ မိုင်းညှင်းကနေ ဆက်သွားရင် နောင်ချိုကို ရောက်ပါတယ်။ တော်တော်လေးတော့ ဝေးပါတယ်။ နောင်ချိုက တောင်ကြီး ကျိုင်းတုံလမ်းပေါ်မှာပါ။ အရင်တုန်းက သစ်တွေသယ်တဲ့လမ်းလို့ ဆိုကြပါတယ်။
ဘယ်ဖက်က လမ်းလေးအတိုင်း ဆိုင်ကယ်တွေကို ဆက်စီးလာကြတော့ လမ်းခွဲတစ်ခုကို ထပ်တွေ့တယ်။ ညာဖက်လမ်းအတိုင်း စီးလာတော့ အာခါရွာတစ်ရွာကို ရောက်သွားပါတယ်။ မေးကြည့်လိုက်တော့ လမ်းမှားခဲ့ပြီဆိုတာ သိလိုက်ရတယ်။ ရွာထဲက အာခါတွေရဲ့ အဝတ်အစား ခေါင်းဆောင်းတွေက ကျိုင်းတုံက အာခါတွေနဲ့ မတူတာကို တွေ့ရတယ်။ အမျိုးသမီးတွေရဲ့ ခေါင်းဆောင်းတွေက အချွန်ကြီးတွေနဲ့ ၊ အဂျော အာခါလို့ ခေါ်မယ်ထင်တယ်။ ရွာထဲကနေ ကွေ့ပတ်ပြီး ဆင်းလာတော့ ကျနော်တို့သွားချင်တဲ့ အဲန်ရွာကို သွားတဲ့လမ်း ရောက်လာတယ်။ ကမ်းပါးယံတွေကို ဖဲ့ချပြီး လမ်းတွေချဲ့နေတာကို တလမ်းလုံး တွေ့ရတယ်။ တလမ်းလုံးလည်း သစ်ပင်အကြီးကြီးတွေနဲ့ အုံ့ဆိုင်းပြီး နေပြောက်မထိုးဘူး။ သူတို့အခေါ် နတ်တောလို့ ဆိုပါတယ် ၊ ဘယ်သူမှ သစ်ပင် မခုတ်ရပါဘူး။ ဒီလိုနဲ့ ရွာလေးကို ရောက်လာပါပြီ။ ဖိုးဝှီးတွေ ဗီးဂိုးကားတွေ (၃)စီးတောင် တွေ့ရတယ်။ အရင်ရက်က အထိ ကားလမ်းမရှိဘူး။ ဆိုင်ကယ်နဲ့ သုံးဘီးဆိုင်ကယ် တွေပဲ သွားလို့ရတယ် ၊ လမ်းက ကွက်တိ ဖေါက်ထားတာပါ။ ဒီနေ့တော့ မြေသားတွေကို ဖဲ့ချပြီး အရေးပေါ်လမ်း လုပ်ထားတာ။ မိုးတွင်းဆိုရင်တော့ ဒီလမ်းက ချော်ပြီပဲ။ အခုတောင် လမ်းက ကျဉ်းတော့ ကားတွေလည်း ကတ်သီးကတ်သတ် မောင်းရတယ်။ ဒီလမ်းကို မောင်းရင် တောင်တက်လမ်း ကားမောင်းကျွမ်းကျင်မှ ဖြစ်မယ်။ ရိုးရိုးကားထက် ဖိုးဝှီးပါတဲ့ကားမှ ပိုပြီး အဆင်ပြေမယ်။ ရွာအဝင် တနေရာပဲ ကားရပ်စရာက ရှိတယ်။ ချောက်နှုတ်ခမ်းဆိုတော့ ကားလှည့်ရ ပြန်ကွေ့ရတာ ခက်ခက်ခဲခဲ လှည့်ရတာကို မြင်တွေ့ရတယ်။ ဒီအဖွဲ့က မိုင်းခတ်က ရှမ်းအဖွဲ့တွေ။ အဝတ်အစား အစားအသောက်နဲ့ အသုံးအဆောင်တွေ လာပြီး လှူကြတာ။ ဆေးတပ်က ဆရာဝန်တွေကလည်း ရွာက လူတွေကို ဆေးတွေ ပေးနေကြတယ်။ လဝက အဖွဲ့တွေက,လည်း အိမ်ထောင်စုဇယားတွေ ထုတ်ပေးနေတာကို မြင်ရတယ်။ မိုင်းခတ် ရဲမြို့နယ်မှူးနဲ့လည်း စကားပြောဖြစ်တယ်။ ဖြစ်ပြီး နောက်ရက် အုပ်ချုပ်ရေးမှူး ခြေလျင်လမ်းလျှောက်ပြီး ရောက်လာတယ်တဲ့။ ကားလမ်းက မပေါက်သေး ၊ လူက အရမ်းဝပြီး ခန္ဓာကိုယ်ကကြီးတော့ ဆိုင်ကယ်နဲ့လည်း စီးလို့မဖြစ်တော့ လမ်းလျှောက် တက်ရတော့တာပေါ့။ ဒီနေ့လည်း စိုက်ပျိုးရေးနဲ့ ထွေအုပ်က အဖွဲ့တွေကိုလည်း တွေ့ရတယ်။ ပုံကြည့်ရတာ မိုင်းခတ်က ဌာနဆိုင်ရာ အကုန်လုံး လာပြီး ကူကြပုံပဲ။
တရွာလုံးနီးပါး မီးလောင်သွားတာ ဘုန်းကြီးကျောင်းအပါအဝင် အိမ် (၅)အိမ်ပဲ ကျန်တယ်။ မီးစလောင်တာက ထမင်းအိုးတည်ထားရင်းက,နေ လောင်တာ ၊ လူကြီးတွေ အနားမှာ မရှိလို့ ဖြစ်သွားတာတဲ့။ အောက်ကနေ ပင့်ပြီးတော့ လောင်လိုက်တာ သက်ငယ်(သက်ကယ်)တွေ မိုးထားတော့ တစ်ရွာလုံး ခဏနဲ့ ပြောင်သွားတယ်။ ရွာက တောင်ထိပ် တောင်စောင်းမှာ တည်ထားတာဆိုတော့ ရွာထဲမှာ လမ်းရယ်လို့ သတ်သတ်မှတ်မှတ် ရှိပုံမရပါဘူး။ မီးလောင်တာက အရမ်းမြန်တော့ ဘာပစ္စည်းမှ ယူချိန် မရလိုက်ကြဘူး။ မီးလောင်ထားတဲ့ စပါးတွေကလည်း အများကြီး။ အမျိုးသမီးတွေက မီးလောင်ထားတဲ့စပါးတွေကို ပြာစင်ပြီး ကောင်းနိုးရာရာ ပြန်ရွေးပြီး ယူနေတာကို တွေ့ရတော့ စိတ်မချမ်းသာမိဘူး။ ရေကိုတော့ အပေါ်ကနေ ငါးမူးပိုက်တွေနဲ့ သွယ်ပေးထားတော့ ရေပေါတာကို တွေ့ရတယ်။
ဆိုင်ကယ်တွေ သုံးဘီးဆိုင်ကယ်တွေ စပါးကြိတ်တဲ့ ဟာလာစက်တွေလည်း မီးလောင်ခံထားရတာ တွန့်လိမ်လို့။ တချို့ကလေးတွေက မီးလောင်ထားတဲ့ ဆိုင်ကယ်တွေကို ဆော့လို့။ ကူညီသူတွေ ဘယ်လောက်ပဲ လာလာ ဆိုင်ကယ်တွေ စက်တွေကိုတော့ ဘယ်သူမှ လာပေးမှာတော့ မဟုတ်ဘူးလို့ တွေးမိသေးတယ်။ ရွာသားတွေလည်း သူများပေးထားတာ ထင်တယ် မီးသတ်အင်္ကျီ ဘောင်းဘီတွေ နဲ့။ တချို့ရွာသားကြတော့ ကြံခိုင်ရေးက ပေးခဲ့တဲ့ ဦးထုပ်တွေနဲ့။ တချို့ကလေးတွေက ပျောက်ကြားဦးထုပ်လေးတွေနဲ့။ ဒီအချိန်မှာတော့ သူတို့လည်း သူများပေးတာ သုံးရတာပဲလေ။ ထူးခြားတာက အမျိုးသမီးတွေပဲ ၊ သူများပေးတဲ့ အင်္ကျီတွေကို ဝတ်တာ မတွေ့ရဘူး။ သူတို့လူမျိုးရဲ့ ဝတ်စုံမဟုတ်လို့ မဝတ်တာပဲ ထင်ပါတယ်။ ကျိုင်းတုံနယ်က အဲန်လူမျိုးတွေနဲ့ အဆင်အပြင် မတူတာတွေလည်း တွေ့ရပါတယ်။ ခေါင်းမှာ ဆံထုံးကို ငွေကြိုးလေးတွေ ပတ်တာတွေ ၊ ငွေနဲ့လုပ်ထားတဲ့ ထီးပုံစံလေးတွေ ထိုးတာတွေ ၊ ဘီးတွေနဲ့ ဆံပင်ကို ပတ်တာတွေက မတူပါဘူး။ ခေါင်းပေါင်း ပေါင်းပုံနဲ့ အဝတ်အစားတွေတော့ တူကြပါတယ်။ တချို့ကြတော့ သူများပေးခဲ့တဲ့ အင်္ကျီကို အောက်က ခံဝတ်ပြီး အပေါ်ကနေ သူတို့ရဲ့ဝတ်စုံကို ထပ်ပြီး ဝတ်တာကိုလည်း တွေ့ခဲ့ရတယ်။ သူများတွေ အလကားပေးပေမယ့် သူတို့မကြိုက်တဲ့ အရောင်ဆိုရင် လုံးဝမယူကြတာကို မြင်ရတော့ နည်းနည်းတော့ အံ့သြမိပါတယ်။ လူပေးသူပေးတွေကို ဝတ်ရင်းနဲ့ ကြာရင်တော့ ခေတ်ပေါ် အဝတ်တွေကို ပြောင်းဝတ်ကုန်မလား မသိ။ နည်းနည်းတော့ စိုးရိမ်စရာ ပါ။ မြင်ကွင်းတွေကိုတော့ အကုန်လုံးပဲ မှတ်တမ်းတင်မိပါတယ်။
ရဲဘော်တွေ တော်တော်များများက သစ်ပင်တွေ သွားခုတ်ပြီး တိုင်တွေ သယ်လာကြတယ်။ တပ်က ရဲဘော်တွေက အိမ်တွေ ပြန်ဆောက်ပေးမယ်ဆိုတော့ ဝမ်းသာမိတယ်။ အကာကို ပျဉ်ကာပြီး သွပ်ပြားတွေလည်း မိုးပေးမယ် ၊ အခင်းက,တော့ မတတ်နိုင်လို့ ဝါးပဲစိတ်ပြီး ခင်းပေးမယ်လို့ သိရပါတယ်။
( ၂၂၇)က တူးအိုင်စီနဲ့လည်း အချိန်တော်တော်ကြာအောင် စကားပြောခဲ့ရပါတယ်။ သူ့တပ်က လူ(၅၀)ပါလာတယ် ၊ ဗျူဟာက ရဲဘော်တွေနဲ့ဆိုရင် ရဲဘော် တော်တော်များတယ်။ မီးလောင်တဲ့အချိန်တုန်းက ရွာသားအများစုက တောင်ယာ အလုပ်ခွင်တွေမှာ ရောက်နေတယ်လို့ ပြောပါတယ်။ အိမ်ခြေ(၅၃) အိမ်ရှိတဲ့ထဲက (၄၈) လုံး မီးထဲကို ပါသွားတယ်။ ဘုန်းကြီးကျောင်းတစ်ကျောင်း အပါအဝင် အိမ်(၅)လုံးပဲ မီးလွတ်တယ်လို့ သိရတယ်။ ဘုန်းကြီးကျောင်းမှာ ဘုန်းကြီးတော့ မရှိပါဘူးတဲ့။ ကျောင်းထိုင်ချင်တဲ့ ပုဂ္ဂိုလ်တွေ လာထိုင်ရင် တော့ ကောင်းမှာပဲ။ ဘုန်းကြီးတွေအတွက် နေရေးထိုင်ရေး စားရေးသောက်ရေးမှာတော့ ကသီမယ် ထင်တယ်။ ဝါဝင်ဆိုရင်တော့ တခြားရွာက ဘုန်းကြီးကို ငှားရတယ်လို့ ဆိုပါတယ်။
နည်းနည်း စပ်စုကြည့်လိုက်တော့ မီးလောင်တဲ့ အိမ်ရှင်အမည်က ဦးအိုက်ယိုးလို့ ပြောပါတယ်။ ဒီ အင်လုံရွာလေးက နောင်လုံးကျေးရွာအုပ်စုထဲမှာ ပါ။ အိမ်ထောင်စု (၄၈)စု မှာ အသက်(၁၂)နှစ်အထက် ကျား(၆၀)ဦး ၊ မ(၉၇)ဦး ၊ ပေါင်း(၁၅၇ဦး ၊
အသက်(၁၂)နှစ်အောက် ကျား(၅၉)ဦး ၊ မ(၄၂)ဦး ၊ ပေါင်း(၁၀၁)ဦး ၊ စုစုပေါင်း ကျား(၁၁၉)ဦး ၊ မ(၁၃၉)ဦး ၊ စုစုပေါင်း လူဦးရေ(၂၅၈)ဦး မီးဘေးသင့်ခဲ့ကြပါတယ်။ မီးလောင်တဲ့ အင်လုံ အဲန်ရွာလေးဟာ မိုင်းခတ်မြို့ကနေ (၁၅)မိုင်လောက် ဝေးပါတယ်။ ရွာအထိ ကားလမ်းမပေါက်တဲ့အတွက် မီးသတ်ကားတွေ မဝင်ရောက်နိုင်တာက ရွာအတွက် ပိုပြီးဆိုးသွားစေတာပါ။ တစ်အိမ်နဲ့တစ်အိမ်က နီးကပ်လွန်းပြီး သက်ငယ်မိုး(သက်ကယ်) ၊ ဝါးကာအိမ်တွေ ဖြစ်တာကြောင့်လည်း မီးကူးလွယ်တာ ဖြစ်ပါတယ်။ ဒီမီးလောင်မှုက ဆုံးရှုံးမှုတန်ဖိုး အတော်များပါတယ်။ ဆိုင်ကယ်(၂၅)စီး ၊ လက်တွန်းလယ်ထွန်စက်(၁၂)စီး ၊ သုံးဘီးဆိုင်ကယ်(၃)စီး ၊ ဆန်ကြိတ်တဲ့ ဟာလာစက် အသေး(၇)လုံး ၊ စပါးတင်းပေါင်း(၁၅၀၀)လောက်နဲ့ ဝက်(၅)ကောင် မီးလောင်ဆုံးရှူံး ခဲ့ပါတယ်။ လူအသက် ဆုံးရှူံးမှုတော့ မရှိခဲ့ပါဘူး။ မီးသတ်တပ်ဖွဲ့က တွက်ချက်တာကတော့ (၂၀၄.၈) သိန်း ဖိုးလောက် ဆုံးရှူံးမယ်လို့ ခန့်မှန်းတွက်ချက်ထားပါတယ်။ အမှန်တော့ အဲဒီပမာဏထက် ပိုများနိုင်ပါတယ်။ သူတို့လူမျိုးတွေဟာ ရသမျှ စုတဲ့လူမျိုးတွေ ဖြစ်ပါတယ်။ အစားအသောက်မှာလည်း ကရိကထ မများကြပဲ ၊ ဆန်နဲ့ငရုတ်သီး ရှိရင် အဆင်ပြေနေပါပြီ။ အပိုကုန် ဘာမှမရှိတဲ့ လူမျိုးတွေ ဆိုတော့ အရင်အခြေအနေ ပြန်ရောက်အောင် မနည်းလုပ်ရဦးမှာပါ။
ကျနော်တို့ မျှော်နေတဲ့ကားတွေ ရောက်လာတော့ ပါလာတဲ့ပစ္စည်းတွေကို ပေးရင်း မှတ်တမ်းတင် ဓါတ်ပုံရိုက်ကြပါတယ်။ ရွာက ကလေးတွေကလည်း ပျော်လို့ရွှင်လို့။ ပါလာတဲ့ ပူစီပေါင်းနဲ့ သရေကွင်းတွေကိုလည်း ကလေးတွေကို ဝေပေးပါတယ်။ တောင်ပေါ်ရွာက ကလေးတွေတိုင်း စီပေါင်းတွေ သရေကွင်းတွေကို မက်မောကြပါတယ်။ သူတို့မှာ ကစားစရာဆိုလို့ ဒါပဲ ရှိတာပါ ၊ မြို့က ကလေးတွေလို ကစားစရာ ဘာမှမရှိပါဘူး။ ဒီရွာလေးက အမြင့်မှာ ရှိလို့လားမသိ ၊ GSM ဖုန်းလိုင်း ကောင်းကောင်းမိတဲ့အပြင် အင်တာနက်လိုင်းတောင် မိပါတယ်။ လွယ်မီးတောင်က လိုင်းနဲ့ မိတာ ဖြစ်မယ်။ မိုင်းခတ်မြို့မှာတောင် MPT Tower တိုင် ထောင်ထားတာ (၂)နှစ်လောက် ရှိနေပေမယ့် GSM လိုင်းက မမိပါဘူး ၊ စက်တွေ မတပ်ရသေးလို့ လို့ သိရတယ်။ CDMA ဖုန်းတွေပဲ မိုင်းခတ်လမ်း တလမ်းလုံး သုံးလို့ရတာပါ။ ဒီရွာလေးမှာတော့ ဖုန်းတွေကို မသုံးတတ်ကြသေးပါဘူး။
ရွာကနေ အောက်ကိုဆင်းသွားတဲ့ တနေရာမှာ စေတီပျက်တစ်ဆူလည်း ရှိပါတယ်။ ရောင်ခြည်တော်လွှတ်တာ (၃)ကြိမ်လောက် ရှိနေပြီဆိုလို့ အဖွဲ့တွေ သွားကြည့်ကြပါတယ်။ အုတ်ချပ်အကြီးကြီးတွေနဲ့ အုတ်ပုံသာသာပဲ ကျန်ပါတော့တယ်။ ရွာသူကြီး ဆန္ဒကတော့ ပြန်လည်ပြီး ဘုရားတစ်ဆူ တည်ချင်ပါသတဲ့။ အလှူရှင် ပေါ်ရင်တော့ ပစ္စည်းတွေ စုပြီး အဲဒီနေရာအရောက် လူအားနဲ့ သယ်ရမှာပါ။ ပါရမီရှင်တွေ ရှေးရေစက်ရှိတဲ့သူတွေ ပေါ်ပေါက်လာရင်တော့ တောကြီးမျက်မည်းထဲက ရှေးဟောင်းဘုရားလေးကို ဝိုင်းဝန်းပြီး ပြုပြင်ပေးချင်ပါတယ်။ တစ်ယောက်တည်း အားနဲ့တော့ မနိုင်လောက်ပါ။ နောက်ပြီး ဒီလူမျိုးစုတွေဟာ မြန်မာတပ်တွေ ချန်ထားခဲ့တဲ့ ရှေး မြန်မာအနွယ်တွေ ဖြစ်နိုင်တယ်လို့လည်း ဌာနဆိုင်ရာတွေက ခန့်မှန်းပြောဆိုတာကို ကြားခဲ့ရပါတယ်။ ဟုတ်မဟုတ်တော့ မသိနိုင်ပါဘူး။ မိုင်းညှင်းဖက်မှာလည်း အဲန်ရွာ(၃)ရွာလောက် ရှိပါသေးတယ်။ ကျိုင်းတုံမှာတော့ ပင်းတောက်ဖက်မှာ(၃)ရွာလောက်နဲ့ ၊ ကမ္ဘာအေးဘုရားဖက်မှာ(၁)ရွာ လောက်ပဲ အဲန်လူမျိုးတွေက ရှိကြတာပါ။ သူတို့ လူမျိုးအချင်းချင်းပဲ အိမ်ထောင်ပြုတာဆိုတော့ လူဦးရေက သိပ်မတိုးပါဘူး။ စုစုပေါင်းမှ တစ်သောင်းဂဏန်းတောင် မရှိတဲ့ လူမျိုးစုငယ်တွေ ဖြစ်ပါတယ်။ မြန်မာပြည်တွင်းမှာပဲ ရှိတဲ့ လူမျိုးစုပါ။ တခြား လားဟူတွေ အာခါတွေ ဆိုရင် တရုတ်နဲ့ ထိုင်းမှာလည်း ရှိပါတယ် ၊ လာအိုဖက်မှာလည်း တချို့ ရှိပါတယ်။ အဲန်လူမျိုးကတော့ မြန်မာပြည်အတွင်း ရှမ်းအရှေ့မှာပဲ တွေ့နိုင်တာပါ။
ရွာလေးကနေ ထွက်လာတော့ မိုးချုပ်ကာ နီးနေပါပြီ။ ခပ်သွက်သွက်လေး စီးလာပေမယ့် မိုင်းခတ်ကို ရောက်တော့ အတော်လေးကို မှောင်နေပါပြီ။ ရွာလေးကနေ မိုင်းခတ်ကို တနာရီကျော်ကျော်လောက် စီးရပါတယ်။ ကျိုင်းတုံကို ပြန်ဖို့ အချိန်မရှိတော့ တာကြောင့် မိုင်းခတ်က ကျနော့်မိတ်ဆွေ ဦးကျော်ဆန်းရဲ့ အိမ်မှာပဲ အိပ်လိုက်ရပါတော့တယ်။
16.3.2016