~~~~~~~~⊰❂ unicode ❂⊱~~~~~~~~
အဆိုပါ ပွဲတော်တွင် မြို့နယ်အဆင့် အပြည်ပြည်ဆိုင်ရာမူးယစ်ဆေးဝါးအလွဲသုံးမှုနှင့် တရားမဝင် ရောင်းဝယ်မှုတိုက်ဖျက်ရေးနေ့၊ သဘာဝပတ်ဝန်းကျင်ထိန်းသိမ်းရေးနေ့၊ ကမ္ဘာ့ဆရာများနေ့၊ ကမ္ဘာ့ခုခံအားကျဆင်းမှုကူးစက်ရောဂါ တိုက်ဖျက်ရေးနေ့နှင့် (၆၉)နှစ်မြောက် လွတ်လပ်ရေးနေ့ အထိမ်းမှတ် စာစီစာကုံး၊ ကဗျာနှင့် ပန်းချီပြိုင်ပွဲများတွင် ဆုရရှိ သော ကျောင်းသား၊ကျောင်းသူများ၊ ဘာသာရပ်စွမ်းရည်ပြိုင်ပွဲများတွင် ဆုရရှိသော ကျောင်းသား၊ကျောင်းသူများ၊ မြို့နယ်၊ ပြည်နယ်နှင့် ဗဟိုအဆင့် ထူးချွန်ဆုရ ဆရာ၊ဆရာမများ၊ ၂၀၁၅-၂၀၁၆ပညာသင်နှစ် စတုတ္ထတန်းနှင့် အဌမ တန်းတွင် (A)အဆင့်ဖြင့် ထူးချွန်စွာအောင်မြင်သော ကျောင်းသား၊ကျောင်းသူများနှင့် တက္ကသိုလ်ဝင်တန်းတွင် ဂုဏ်ထူးဖြင့် အောင်မြင်သော ကျောင်းသား၊ ကျောင်းသူများအား အမျိုးသား လွှတ်တော်ကိုယ်စားလှယ် ဦးစိုင်းလုံစံခတ်၊ မိုင်းဆတ်ခရိုင်အုပ်ချုပ်ရေးမှူး ဦးနေမျိုးအောင်၊ မြို့နယ်အုပ်ချုပ်ရေးမှူး ဦးအောင်သူလှိုင်၊ မြို့နယ်ပညာရေးမှူး ဦးခင်မောင်တင့်နှင့် တာဝန်ရှိသူတို့က ဆုများပေးအပ်ချီးမြှင့်သည်။
ယင်းနောက် အမျိုးသားလွှတ်တော်ကိုယ်စားလှယ် ဦးစိုင်းလုံစံခတ်နှင့် အမျိုးသမီးအိမ်တွင်းမှု သက်မွေးလုပ် ငန်းသင်တန်းကျောင်း၊ ကျောင်းအုပ်ဆရာမကြီး ဒေါ်နန်းစံဖူးလောဝ်တို့က ခရိုင်အဆင့်ထူးချွန်ဖြေဆိုကြမည့် ကျောင်း သား၊ကျောင်းသူများအတွက် ထောက်ပံ့ငွေများပေးအပ်ရာ မိုင်းဆတ်မြို့နယ်ပညာရေးမှူး ဦးခင်မောင်တင့်က လက်ခံရယူခဲ့ကြောင်း သိရသည်။
သတင်း/ဓာတ်ပုံ - သန်းဇော်ဦး
