~~~~~~~~⊰❂ unicode ❂⊱~~~~~~~~

ဒေသအလိုက် စာကြည့်တိုက်တည်ထောင်ရန် လုပ်ဆောင်နေမှုများအား မြန်မာနိုင်ငံစာကြည့်တိုက်များ ဖောင်ဒေးရှင်းမှ ငွေကျပ် ဆယ်သိန်းမှစတင်၍ ရင်းနှီးမတည်ငွေပံ့ပိုးပေးနေကြောင်း သိရသည်။

“ကျေးရွာက တကယ့်ကို လိုလိုလားလားနဲ့ ဖြစ်မြောက်ချင်တယ်ဆိုရင် ငွေကြေးလည်း အနည်းငယ် စုဆောင်းထားတာရှိတယ်ဆိုရင် ဌာနကနေ တစ်တိုက်ကို ကျပ် ဆယ်သိန်း မတည်ပေးပါတယ်။ ဒါပေမဲ့ အထောက်အထားတွေ ရှိရမယ်။ ကိုယ်ပိုင်မြေကွက် ဖြစ်ရမယ်။ ဘုန်းကြီးကျောင်း၊ ထွေ/အုပ်ပိုင်များမဖြစ်ရ /သီးခြားပိုင်ဆိုင်မှု ဖြစ်ရမယ်။ ပိုင်ဆိုင်မှု အထောက်အထား ခိုင်လုံတယ်ဆိုရင် မြန်မာနိုင်ငံ စာကြည့်တိုက်များ ဖောင်ဒေးရှင်းနဲ့ နိုင်ငံတော်ကနေ မတည်ပေးမှာပါ။ ဆယ်သိန်းနဲ့ မလောက်ဘူးဆိုရင် ထပ်ပြီးဖြည့်စွက် မတည်ပေးပါတယ်။ အရင်နှစ်ကဆို ရင် သိန်းနှစ်ဆယ်ထိ မတည်ပေးတာတွေရှိပါတယ်။”ဟု ပြန်ကြားရေးနှင့်ပြည်သူ့ဆက်ဆံရေးဌာနမှ ရှမ်းပြည်နယ်ဦးစီးမှူး ဦးစိုင်းသိန်းလွင်က တာချီလိတ်သတင်းအေဂျင်စီသို့ ပြောသည်။

စာကြည့်တိုက်များအား ကျေးရွာများတွင် ဦးစားပေးဖွင့်လှစ်ပေးနခြေင်းဖြစ်ကြောင်း သိရပြီး အချို့ စာကြည့်တိုက်များမှာ ဆက်လက်တိုးတက်ရန် လုပ်ဆောင်ခြင်းမရှိသည်များနှင့်လည်း ကြုံနေရကြောငး် သိရသည်။

“ပြည်နယ်နဲ့တိုင်းဖောင်ဒေးရှင်းက စာကြည့်တိုက်အတွက် မြို့နယ်များတွင်သာ မဟုတ်ဘဲ ကျေးရွာတွေမှာပါ ဗဟုသုတတွေ ကြွယ်ဝစေဖို့ ရည်ရွယ်ပါတယ်။ ကျေးရွာတွေ မှာ စာကြည့်တိုက်တွေ ဖွင့်မယ်ဆိုရင် ထောက်ပံ့ငွေ ကျပ် ဆယ်သိန်း နဲ့ အကျိုးပြုလှုပ်ရှားမှုတွေ တက်တက်ကြွကြွလုပ်ဆောင်ပြီး စာကြည့်တိုက်ကို အောင်အောင်မြင်မြင် ထိန်းသိမ်းဖွင့်လှစ်နိုင်မယ်ဆိုရင်တော့ ကျပ်ဆယ်သိန်းမကဘူး။ ကျပ်သိန်းငါးဆယ်ဆိုလည်း ထောက်ပံ့ပေးမှာပါ” ဟု မြန်မာနိုင်ငံစာကြည့်တိုက်များဖောင်ဒေးရှင်း ဘဏ္ဍာရေးမှူး ဦးဝင်းအောင်က ပြောသည်။

မြန်မာတစ်နိုင်ငံလုံးအနဖြေင့် စာကြည့်တိုက်ပေါင်း (၅၅ယ၇၅၅) ခု ရှိကြောင်း သိရသည်။
သတင်း - နိုနို