~~~~~~~~⊰❂ unicode ❂⊱~~~~~~~~

ကရင်ပြည်နယ် သံတောင်မြို့နယ်ရှိ မောင်ကျော်ကျေးရွာအုပ်စု မောင်ကျော်အလယ်ရွာနှင့် မောင်ကျော် အထက်ရွာတို့တွင် အရပြေားရောဂါများဖြစ်ပွားနေသဖြင့် ကျန်းမာရေးစောင့်ရှောက်မှု လိုအပ်နေသည်ကြောင်း အဆိုပါဒေသတွင် ကူညီနေသည့် ကယန်းအမျိုးသမီးအဖွဲ့ထံမှ သိရသည်။

သံတောင်မြို့နယ်တွင်းရှိ ကယန်းလူမျိုးများ နေထိုင်သော အဆိုပါ ကျေးရွာများမှာ လမ်းပန်းဆက်သွယ်ရေး အလွန်ခက်ခဲပြီး ကျေးလက်ကျန်းမာရေး ဆေးပေးခန်းများလည်း မရှိကြောင်း ဆေးဝါးကုသမှု သွားရောက်လုပ်ဆောင်ပေးနေသည့် ကယန်း အမျိုးသမီးအဖွဲ့မှ သိရသည်။

"အဲဒီဖက်မှာက ရွာလည်းကြီးတယ်။ လူဦးရေလည်းများတယ်။ ဆေးခန်းလည်းမရှိဘူး။ လမ်းပန်းဆက်သွယ်ရေးက အခက်ခဲဆုံး ဖြစ်နေတယ်။ ရွာမှာ ကျန်းမာရေး ဆရာမတယောက်ပဲရှိတယ်။ သူကတော့ ခြောက်လတစ်ကြိမ် ကျေးရွာအုပ်စုတွေလှည့်ပြီး ကာကွယ်ဆေးထိုးတာတို့ ဘာတို့တော့ လုပ်ပေးတာရှိပေမဲ့ လုံးဝ မထိရောက်ဘူး။ အဲဒီမှာက မွေးကတည်းက မိခင်ရော ကလေးရော သံဓာတ်အားနည်းတယ်။ ကာကွယ်ဆေးတွေမထိုးနိုင်ဘူး။ ကျန်းမာရေးစောင့်ရှောက်မှုကမရှိတော့ အရမ်းကိုဆိုးရွားတယ်။ ကျွန်မတို့ လူမှုအဖွဲ့စည်းတွေကလည်း အမြဲသွားမလုပ်ပေးနိုင်ဘူးလေ"ဟု ကယန်း အမျိုးသမီးအဖွဲ့မှ မူအန်းဂျေလာက ပြောသည်။

အဆိုပါဒေသများတွင် အရပြေားရောဂါ၊ တုပ်ကွေးရောဂါ၊ သွေးတိုး၊ သွေးအားနည်း၊ အစာအဆိပ်သင့်၊ ကျောက်ကပ်ရောဂါ ဝေဒနာရှင်(၁၃၇) ဦးအား ကယန်းလူမှုအဖွဲ့စည်းများ ပူးပေါင်း၍ ဆေးဝါး ကုသပေးမှုများ လုပ်ဆောင်ပေးထားပြီး လူနာအများစုမှာ အမျိုးသမီးများနှင့် ကလေးများဖြစ်ကြောင်း သိရသည်။

"ဒီဒေသက ကျန်းမာရေး ပြဿနာကိုဖြေရှင်းပေးဖို့ အစိုးရမှာ တာဝန်ရှိတယ်။ လူပေါင်းများစွာရဲ့ ကျန်းမာရေး ဟိုအရင်ကတည်းက ဘာစောင့်ရှောက်မှုမှ မရှိဘဲ နေလာရတာ။ ခုပိုဆိုးလာတယ်။ ဆေးပေးခန်းတွေ ဖွင့်ပေးဖို့လိုနပြေီ။ ပြီးတော့ လမ်းပန်းဆက်သွယ်ရေးပေါ့။ အရမ်းဆိုးတယ်။ ဆေးရုံသွားဖို့ဆိုတာ အရမ်းစဉ်းစားရမယ်။ လမ်းမကောင်းဘူး။ ရေရှည်မှာ လူမှုအဖွဲ့အစည်းတွေလည်း လုပ်ပေးနိုင်ဖို့ဆိုတာ ခက်ခဲတယ်။ အစိုးရက ဒါတွေလုပ်ပေးဖို့လိုနပြေီ” ဟု မူအန်းဂျေလာက ပြောသည်။

၎င်းဒေသတွင် ကျန်းမာရေးနှင့်ပတ်သက်၍ ဒေသဆေးမြီးတိုများကိုသာ အသုံးပြုကြပြီး အခြေအနေ ဆိုးရွားပါက တောင်ငူဆေးရုံ သို့မဟုတ် ကယန်းလူမှုအဖွဲ့အစည်းများမှ ဖွင့်လှစ်ထားသော ကြေးကန်တော့ရှိ ဆေးခန်း များသို့ သွားရောက်ရကြောင်း သိရသည်။

အဆိုပါဒေသများမှ အရေးပေါ်လူနာများအား ဆေးဝါးကုသပေးရန်၊ အာဟာရအစားအစာဖြန့်ဝေပေးရန် နှင့် ကျန်းမာရေးပညာပေးဟောပြောပွဲပြုလုပ်ပေးရန်အတွက် ကယန်းအမျိုးသမီးအစည်းအရုံး၊ ကယန်းမျိုးဆက်သစ်လူငယ်၊ ကယန်းစာပေနှင့် ယဉ်ကျေးမှုဗဟိုကော်မတီ နှင့် ကယန်းအမျိုးသားပါတီ စသည့် အဖွဲ့များမှ စုပေါင်း၍ လုပ်ဆောင်နေကြောင်းသိရသည်။

သတင်း - ဆန်းဖြိုးထွန်း