ရွမ္းျပည္နယ္အေရွ႕ပိုင္း ျမန္မာ - ထိုင္းနယ္စပ္ၿမိဳ႕ တာခ်ီလိတ္ႏွင့္ ထိုင္းႏုိင္ငံ မယ္ဆိုင္ၿမိဳ႕ကို ဆက္သြယ္ ထားသည့္ ျမန္မာ - ထိုင္း အမွတ္(၁)ခ်စ္ၾကည္ေရးတံတားေပၚတြင္ ေတာင္းရမ္းစားေသာက္သူမ်ားအား ဖယ္ရွားရာတြင္ ျမန္မာႏိုင္ငံမွ တာဝန္ရိွသူမ်ား ပူးေပါင္းကူညီရန္ ထိုင္းႏိုင္ငံဘက္မွ ကမ္းလွမ္းလိုက္သည္။
“ေတာင္းရမ္းစားေသာက္သူမ်ားေၾကာင့္ လူကုန္ကူးမႈ ေျမာက္ေစသကဲ့သို႔ ခရီးသြားဧည့္သည္မ်ားအဖို႔ အျမင္မေတာ္ျဖစ္ေစသည့္အတြက္ အမွတ္(၁)ခ်စ္ၾကည္ေရးတံတားေပၚနွင့္ စစ္ေဆးေရး ဂိတ္ေပါက္တစ္၀ုိက္တြင္ မရွိေစေရးအတြက္ ျမန္မာဘက္၏ ပူးေပါင္းကူညီမႈကို ရယူလိုပါေၾကာင္း” ဟု (၈၅)ႀကိမ္ေျမာက္ ျမန္မာ - ထိုင္း ၿမိဳ႕နယ္အဆင့္ နယ္ျခားေကာ္မတီ အစည္းအေ၀းတြင္ ထိုင္းအစိုးရဘက္မွ တာဝန္ရိွသူက ေတာင္းဆိုလိုက္ျခင္း ျဖစ္သည္။
ထိုင္းႏိုင္ငံဘက္မွ ယင္းကဲ့သို႔ေဆြးေႏြးတင္ျပ ေတာင္းဆိုမႈအေပၚ ျမန္မာဘက္မွ သက္ဆိုင္ရာဌာနမ်ားသို႔ အသိေပးအေၾကာင္းၾကားသြားမည္ျဖစ္ၿပီး ၎ဌာနမ်ားမွတစ္ဆင့္ မိမိတို႔ႏိုင္ငံသားမ်ား သိရွိရန္အတြက္ ဆက္လက္အေၾကာင္းၾကားသြားမည္ျဖစ္ေၾကာင္း ျမန္မာႏိုင္ငံမွ တာဝန္ရွိသူမ်ားက ျပန္လည္ ေဆြးေႏြးသြားသည္။
ၿမိဳ႕နယ္အဆင့္ ျမန္မာ - ထိုင္း နယ္ျခားေကာ္မတီ အစည္းအေ၀းကို (၈၅)ႀကိမ္ေျမာက္အျဖစ္ တာခ်ီလိတ္ၿမိဳ႕ ဇန္းမြန္အာခါဟိုတယ္တြင္ ေဖေဖာ္၀ါရီလ(၂၂)ရက္က ျပဳလုပ္သြားခ့ဲျခင္းျဖစ္ၿပီး ျမန္မာ - ထိုင္း ႏွစ္ဖက္ အႀကီးအကဲမ်ား တက္ေရာက္ကာ နယ္စပ္ေရးရာ ကိစၥမ်ားႏွင့္ ေဒသတြင္း ျပႆနာမ်ား၊ မႈခင္းေရးရာ ကိစၥမ်ားကို အျပန္အလွန္ ေဆြးေႏြးသြားခဲ့ေၾကာင္း သိရသည္။
*****************
( unicode )
ရှမ်းပြည်နယ်အရှေ့ပိုင်း မြန်မာ - ထိုင်းနယ်စပ်မြို့ တာချီလိတ်နှင့် ထိုင်းနိုင်ငံ မယ်ဆိုင်မြို့ကို ဆက်သွယ် ထားသည့် မြန်မာ - ထိုင်း အမှတ်(၁)ချစ်ကြည်ရေးတံတားပေါ်တွင် တောင်းရမ်းစားသောက်သူများအား ဖယ်ရှားရာတွင် မြန်မာနိုင်ငံမှ တာဝန်ရှိသူများ ပူးပေါင်းကူညီရန် ထိုင်းနိုင်ငံဘက်မှ ကမ်းလှမ်းလိုက်သည်။
“တောင်းရမ်းစားသောက်သူများကြောင့် လူကုန်ကူးမှု မြောက်စေသကဲ့သို့ ခရီးသွားဧည့်သည်များအဖို့ အမြင်မတော်ဖြစ်စေသည့်အတွက် အမှတ်(၁)ချစ်ကြည်ရေးတံတားပေါ်နှင့် စစ်ဆေးရေး ဂိတ်ပေါက်တစ်ဝိုက်တွင် မရှိစေရေးအတွက် မြန်မာဘက်၏ ပူးပေါင်းကူညီမှုကို ရယူလိုပါကြောင်း” ဟု (၈၅)ကြိမ်မြောက် မြန်မာ - ထိုင်း မြို့နယ်အဆင့် နယ်ခြားကော်မတီ အစည်းအေဝးတွင် ထိုင်းအစိုးရဘက်မှ တာဝန်ရှိသူက တောင်းဆိုလိုက်ခြင်း ဖြစ်သည်။
ထိုင်းနိုင်ငံဘက်မှ ယင်းကဲ့သို့ဆွေးနွေးတင်ပြ တောင်းဆိုမှုအပေါ် မြန်မာဘက်မှ သက်ဆိုင်ရာဌာနများသို့ အသိပေးအကြောင်းကြားသွားမည်ဖြစ်ပြီး၎င်းဌာနများမှတစ်ဆင့် မိမိတို့နိုင်ငံသားများ သိရှိရန်အတွက် ဆက်လက်အကြောင်းကြားသွားမည်ဖြစ်ကြောင်း မြန်မာနိုင်ငံမှ တာဝန်ရှိသူများက ပြန်လည် ဆွေးနွေးသွားသည်။
မြို့နယ်အဆင့် မြန်မာ - ထိုင်း နယ်ခြားကော်မတီ အစည်းအေဝးကို (၈၅)ကြိမ်မြောက်အဖြစ် တာချီလိတ်မြို့ ဇန်းမွန်အာခါဟိုတယ်တွင် ဖေဖော်ဝါရီလ(၂၂)ရက်က ပြုလုပ်သွားခဲ့ခြင်းဖြစ်ပြီး မြန်မာ - ထိုင်း နှစ်ဖက် အကြီးအကဲများ တက်ရောက်ကာ နယ်စပ်ရေးရာ ကိစ္စများနှင့် ဒေသတွင်း ပြဿနာများ၊ မှုခင်းရေးရာ ကိစ္စများကို အပြန်အလှန် ဆွေးနွေးသွားခဲ့ကြောင်း သိရသည်။
