ရှမ်းပြည်နယ်အရှေ့ပိုင်း တာချီလိတ်မြို့နယ် မိုင်းကိုးကျေးရွာအုပ်စုတွင် ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနက ငွေကျပ်သိန်းပေါင်း (၂၇၇၀)ကျော် သုံးစွဲဖောက်လုပ်ထားသည့် ကျေးရွာ (၂၂)ရွာ အသုံးပြုနိုင်မည့် ဆီလီငေါက် - မောတွီ ကျောက်ချော လမ်းသစ်အား ဖေဖော်ဝါရီ (၁၀)ရက်နေ့ နံနက်ပိုင်းက ဖွင့်လှစ်လိုက်ကြောင်း သိရသည်။
အရှည် (၅)မိုင်ရှိသည့် အဆိုပါ လမ်းသစ်အား (၆၉)နှစ်မြောက် ပြည်ထောင်စုနေ့ကို ကြိုဆိုဂုဏ်ပြုသည့် အနေဖြင့် ဖွင့်ပွဲပြုလုပ်ခြင်းဖြစ်ကြောင်း သိရသည်။
ဆီလီငေါက် - မောတွီလမ်းသစ်အား ရှမ်း၊ အာခါ၊ လားဟူတိုင်းရင်းသား အများစုနေထိုင်သည့် မိုင်းကိုးကျေးရွာ အုပ်စုရှိ ကျေးရွာ (၂၂ ) ရွာမှ လူဦးရေ(၆,၈၉၇)ကျော်အတွက် အသုံးပြုနိုင်တော့မည် ဖြစ်သည်။
အဆိုပါ လမ်းသစ်ဖွင့်ပွဲ အခမ်းအနားတွင် ရှမ်းပြည်နယ်(ရုံးခွဲ)ကျေးလက်ဒေသဖွံ့ဖြိုးတိုးတက်ရေး ဦးစီးဌာနမှ ပြည်နယ်ရုံးခွဲ ဦးစီးမှူး ဦးမျိုးအောင်၊ ခရိုင်အုပ်ချုပ်ရေးမှူး ဦးတင်ဝင်းရွှေ ၊ မြို့နယ် အုပ်ချုပ်ရေးမှူး ဦးထွန်းဝင်းအောင်၊ မြို့နယ်ကျေးလက်ဒေသဖွံ့ဖြိုးတိုးတက်ရေးဦးစီးဌာနမှ မြို့နယ်ဦးစီးမှူး ဦးတင်ဝင်းမောင်၊ ခရိုင် နှင့် မြို့နယ်ဌာနဆိုင်ရာများ ၊ မြို့နယ်ဖွံ့ဖြိုးတိုးတက်ရေး အထောက်အကူပြု ကော်မတီ ဥက္ကဋ္ဌ ဦးကြည်မြင့်နှင့် အဖွဲ့ဝင်များ၊ မြို့နယ်စည်ပင်သာယာရေးကော်မတီ အဖွဲ့ဝင်များ၊ ရပ်ကွက်နှင့် ကျေးရွာအုပ်စု အုပ်ချုပ်ရေးမှူးများ၊ နိုင်ငံရေးပါတီများ ၊ လူမှုရေးအသင်းအဖွဲ့များ၊ ရှမ်း၊ အာခါ၊ လားဟူတိုင်းရင်းသား ယဉ်ကျေးမှုအဖွဲ့များနှင့် ဒေသခံများ တက်ရောက်ကြကြောင်း သိရသည်။
သတင်း။ ။ ဝေယံလင်း
