ရွမ္းျပည္နယ္အေရွ႕ပိုင္းတြင္ မိုးအဆက္မျပတ္ ရြာသြန္းမႈေၾကာင့္ အေ၀းေျပးလမ္းမ်ားေပၚတြင္ ယာဥ္မ်ား စလစ္ျဖစ္ၿပီး လမ္းေခ်ာ္ျခင္းမ်ား ျဖစ္ေပၚလွ်က္ရွိေၾကာင္း ခရီးသြားမ်ားထံမွ သိရသည္။
"လမ္းေခ်ာ္လို႔ ကားေတြ စလစ္ျဖစ္တာ ေတြ႕ရတယ္၊ ကားေတာ့ ေတာင္ေစာင္းနဲ႔ တိုက္လို႔ ပ်က္သြားတာေတြ႕တယ္၊ လူေတြေတာ့ ဘာမွမျဖစ္ဘူး (၃)စီးေလာက္ေတြ႕တယ္၊ ဒီလို မိုးရြာတဲ့ အခ်ိန္အခါမ်ဳိးမွာ အရွိန္ထိန္းေမာင္းေစခ်င္ပါတယ္"ဟု ခရီသြားဧည့္လမ္းညႊန္ ကိုစတီဗင္က ေျပာသည္။
မိုးရြာသြန္းျခင္းေၾကာင့္ က်ိဳင္းတံု - လြယ္ေမြေတာင္တက္လမ္းတြင္ တပ္ပိုင္ကားတစ္စီး၊ က်ိဳင္းတံု - တာခ်ီလိတ္လမ္း မိုင္းျဖတ္ၿမိဳ႕အနီးတြင္ ခရီးသည္တင္ ယာဥ္(၂)စီး ေတာင္နံရံႏွင့္ တုိက္မိ၍ ပ်က္စီးသြားသည္ကို ျမင္ေတြ႕ရေၾကာင္း ၎မွေျပာသည္။
"လမ္းက တအားေကာင္းေတာ့ ကားေတြ အရမ္းေမာင္းတာ ခုလို မိုးနည္းနည္းရြာရင္ သတိထားသင့္တယ္၊ ခရီးသည္ေတြရဲ႕ အသက္က ကားစတီယာတိုင္ေပၚမွာရွိတာ အခုမိုးက ျဖည္းျဖည္းနဲ႔ မနားတမ္း ပံုမွန္ ရြာေနတာ"ဟု ခရီးသည္တစ္ဦးက ဆိုသည္။
တာခ်ီလိတ္ - က်ိဳင္းတံု လမ္းမႀကီးသည္ (၄)လမ္းသြား ႏိုင္လြန္ကတၱရာ လမ္းမႀကီးျဖစ္သည့္ အတြက္ မိုးရြာသြန္းပါက လမ္းေခ်ာ္တတ္ၿပီး ယာဥ္မ်ား တိမ္းေမွာက္မႈ ျဖစ္ႏိုင္ျခင္းေၾကာင့္ ကားေမာင္းႏွင္သူမ်ား အရွိန္ေလွ်ာ့ကာ ေမာင္းသင့္ေၾကာင္း က်ဳိင္းတံုၿမိဳ႕ခံတစ္ဦးက သတိေပး စကားေျပာလာသည္။
********************
( unicode )
ရှမ်းပြည်နယ်အရှေ့ပိုင်းတွင် မိုးအဆက်မပြတ် ရွာသွန်းမှုကြောင့် အေဝးပြေးလမ်းများပေါ်တွင် ယာဉ်များ စလစ်ဖြစ်ပြီး လမ်းချော်ခြင်းများ ဖြစ်ပေါ်လျှက်ရှိကြောင်း ခရီးသွားများထံမှ သိရသည်။
"လမ်းချော်လို့ ကားတွေ စလစ်ဖြစ်တာ တွေ့ရတယ်၊ ကားတော့ တောင်စောင်းနဲ့ တိုက်လို့ ပျက်သွားတာတွေ့တယ်၊ လူတွေတော့ ဘာမှမဖြစ်ဘူး (၃)စီးလောက်တွေ့တယ်၊ ဒီလို မိုးရွာတဲ့ အချိန်အခါမျိုးမှာ အရှိန်ထိန်းမောင်းစေချင်ပါတယ်"ဟု ခရီသွားဧည့်လမ်းညွှန် ကိုစတီဗင်က ပြောသည်။
မိုးရွာသွန်းခြင်းကြောင့် ကျိုင်းတုံ - လွယ်မွေတောင်တက်လမ်းတွင် တပ်ပိုင်ကားတစ်စီး၊ ကျိုင်းတုံ - တာချီလိတ်လမ်း မိုင်းဖြတ်မြို့အနီးတွင် ခရီးသည်တင် ယာဉ်(၂)စီး တောင်နံရံနှင့် တိုက်မိ၍ ပျက်စီးသွားသည်ကို မြင်တွေ့ရကြောင်း၎င်းမှပြောသည်။
"လမ်းက တအားကောင်းတော့ ကားတွေ အရမ်းမောင်းတာ ခုလို မိုးနည်းနည်းရွာရင် သတိထားသင့်တယ်၊ ခရီးသည်တွေရဲ့ အသက်က ကားစတီယာတိုင်ပေါ်မှာရှိတာ အခုမိုးက ဖြည်းဖြည်းနဲ့ မနားတမ်း ပုံမှန် ရွာနေတာ"ဟု ခရီးသည်တစ်ဦးက ဆိုသည်။
တာချီလိတ် - ကျိုင်းတုံ လမ်းမကြီးသည် (၄)လမ်းသွား နိုင်လွန်ကတ္တရာ လမ်းမကြီးဖြစ်သည့် အတွက် မိုးရွာသွန်းပါက လမ်းချော်တတ်ပြီး ယာဉ်များ တိမ်းမှောက်မှု ဖြစ်နိုင်ခြင်းကြောင့် ကားမောင်းနှင်သူများ အရှိန်လျှော့ကာ မောင်းသင့်ကြောင်း ကျိုင်းတုံမြို့ခံတစ်ဦးက သတိပေး စကားပြောလာသည်။
