ပဲခူးတိုင်း ရေတာရှည်မြို့နယ် ကျွဲရိုင်းပြင်ကျေးရွာ စစ်တောင်းမြစ်ကူးတံတားပေါရှိ စစ်ကောင်စီတပ်၏ စစ်ဆေးရေးဂိတ်ကို ၂၀၂၃ခုနှစ် ဇူလိုင်လ (၁၀)ရက်နေ့က စနိုက်ပါဖြင့် ပစ်ခတ်တိုက်ခိုက်ခဲ့ကြောင်း ပဲခူးတိုင်းPDFထံမှ သိရသည်။
အင်အား (၅၀)ခန့်ရှိသည့် အဆိုပါစစ်ကောင်စီတပ် စစ်ဆေးရေးဂိတ်ကို စနိုက်ပါဖြင့် ပစ်ခတ်ခဲ့ရာ စစ်ကောင်စီတပ်သားများ ထိခိုက်သေဆုံးသူရှိခဲ့ပြီး စစ်ကောင်စီတပ်ဘက်က လက်နက်ကြီး၊ လက်နက်ငယ်များဖြင့် ညနေ (၃)နာရီထိုးသည်အထိ ပြန်လည်ရမ်းသမ်းပစ်ခတ်ခဲ့သည်ဟု ပဲခူးတိုင်း PDF က ယနေ့ ဇူလိုင်လ (၁၁)ရက်နေ့တွင် သတင်းထုတ်ပြန်သည်။
ယင်းသို့ ရမ်းသမ်းပစ်ခတ်မှုကြောင့် တောင်သာကျေးရွာမှ နေအိမ်(၁)လုံးနှင့် အခြားကျေးရွာများမှ နေအိမ်(စိစစ်ဆဲ)များလည်း ထိမှန်ခဲ့သည်ဟု သိရသည်။
အဆိုပါစစ်ဆင်ရေးကို ပြည်သူ့ကာကွယ်ရေးတပ်မတော် တောင်ငူခရိုင် တပ်ရင်း ၃၅၀၁၊ တပ်ခွဲ ၄၊ တပ်ခွဲ၆၊ ရေတာရှည်မြို့နယ် ပကဖ နှင့် ပူးပေါင်းစစ်ကြောင်းတို့က လုပ်ဆောင်ခဲ့ခြင်းဖြစ်ကြောင်း သိရသည်။
#TachileikNewsAgency
Video : Bago Region PDF
