ယခု ၂၀၂၂ခုနှစ်တွင် ၂၀၂၁ခုနှစ်ကထက် အခန်းငှားအရေအတွက် ပို၍ များလာနေကြောင်းလည်း သိရသည်။

တာချီလိတ်မှာတော့ ထုံးစံအတိုင်း ဘာလုပ်လုပ် ကွက်ကြားမိုးပေါ့ဗျာ။ ရောင်နီဦးတို့၊ ဟုန်ပန်းကွင်းထဲတို့ သူတို့ သွားမဖမ်းရဲဘူး။ ဖမ်းတာနဲ့ ဟိုက စော်မှာကို သိနေတယ်လေ။ အပြင်ပိုင်းပဲ အဖမ်းပြတာမျိုးလို့ပဲလို့ မြင်တယ်။"

တာချီလိတ်မြို့တွင် နိုင်ငံ့အာဏာသိမ်းခံရပြီးနောက်ပိုင်းတွင် ခိုးဆိုးလုယက်မှုများ နေ့စဉ်နီးပါး အဖြစ်များနေရာ အာဏာသိမ်းစစ်ခေါင်းဆောင် ဗိုလ်ချုပ်မှူးကြီး မင်းအောင်လှိုင်ကို ဆန့်ကျင်သူတွေကိုသာ ရမ်းသမ်းဖမ်းဆီးခြင်းအဖြစ် ဦးစားပေးလုပ်ဆောင်နေပြီး ခိုးဆိုးလုယက်မှုများကို ဖော်ထုတ်ဖမ်းဆီးမှုများ မပြုလုပ်၍ ရဲနှင့်စစ်တပ်က ခိုးဆိုးလုယက်မှု ကျူးလွန်သူများထံက ခွဲတမ်းပြန်ခွဲယူနေသလားဟု ဒေသခံများက ဝေဖန်သံများ ထွက်ပေါ်နေသည်။