ဘယ်လ်ဂျီယမ်နိုင်ငံမှ ခေတ်ဟောင်းမော်တော်ယာဉ်များဖြင့် မောင်းနင်၍ ထိုင်းနိုင်ငံ မယ်ဆိုင်မှ တဆင့် တာချီလိတ်သို့ ဝင်ရောက်ကာ ရန်ကုန်သို့ သွားရောက်မည့် ခရီးစဉ်အား နိုဝင်ဘာလ(၂၁)ရက်နေ့ နံနက်ပိုင်းက စတင်လို်က်ကြောင်း သိရသည်။

အဆိုပါ ခရီးစဉ်ကို Essense of Myanmar Travels & Tours Co.,Ltd နှင့် ဘယ်လ်ဂျီယမ်နိုင်ငံ Destination Unilimited တို့ စီစဉ်ခြင်းဖြစ်ပြီး ဘယ်လ်ဂျီယမ်နိုင်ငံသား Mr. Frans Maria Acelen အပါအဝင် အဖွဲ့ဝင် (၅၀)ဦးဖြင့် ခရီးစဉ်များအား စတင်လိုက်ခြင်း ဖြစ်သည်။

၎င်းတို့သည် နိုဝင်ဘာလ(၂၁)ရက်နေ့ နံနက်ပိုင်းတွင် ထိုင်းနိုင်ငံ မယ်ဆိုင်မြို့မှ တဆင့် တာချီလိတ်သို့ ဝင်ရောက်လာပြီး ထိုမှတဆင့် ကျိုင်းတုံ - နမ့်စန် - တောင်ကြီး - အင်းလေး - ကလော - ပုဂံ - နပြေည်တော် - ရန်ကုန်ခရီးစဉ်များကို သွားရောက်မှာဖြစ်ပြီး ၂၀၁၆ခုနှစ် ဒီဇင်ဘာလ(၁)ရက်နေ့တွင် ရန်ကုန်အပြည်ပြည်ဆိုင်ရာလေဆိပ်မှ တဆင့် ပြည်ပသို့ ပြန်လည်ထွက်ခွာမှာ ဖြစ်ကြောင်း သိရှိရသည်။

"ရန်ကုန်လေဆိပ်ကနေ ပြန်ထွက်ခွာမယ်ဆိုတော့ ကားတွေကို သင်္ဘောနဲ့သယ်သွားမယ်ထင်ပါတယ်"ဟု အမှတ်(၁)တံတားပေါ်ရှိ ဝန်ထမ်းတစ်ဦးက ဆိုသည်။

အုပ်ချုပ်မှုယာဉ် နှင့် ခတ်ဟောင်းမော်တော်ယာဉ် အပါအဝင် (၂၂)စီးဖြင့် အဆိုပါ ခရီးစဉ်များကို သွားရောက်မှာ ဖြစ်ကြောင်း သိရသည်။

သတင်း/ဓာတ်ပုံ - #ပညာအောင်