မိုင်းလားဂယက်ကို ခံစားနေရသည့် ရှမ်းပြည်နယ်(အရှေ့ပိုင်း) ဆန်စပါးဈေးကွက်
Tachileik News Agency
ရှမ်းပြည်နယ်(အရှေ့ပိုင်း) ကျိုင်းတုံမြို့၏ ဆန်စပါးဈေးကွက်မှာ ပြည်ပတင်ပို့မှုအဖြစ် တရုတ်နိုင်ငံသို့ တင်ပို့သည့်လမ်းကြောင်းကို အဓိကထားနေခြင်းဖြစ်ရာ တရုတ်နိုင်ငံသို့ ကုန်သွယ်မှုလမ်းကြောင်းမှာ ဒေသတွင်းအခြေအနေကြောင့် ပိတ်ထားသဖြင့် ယခုနှစ်အတွက် ပြည်ပတင်ပို့မှု ရပ်ဆိုင်းနေကြောင်း သိရသည်။
ရှမ်းပြည်နယ်(အရှေ့ပိုင်း)ဒေသ၏ တရုတ်နိုင်ငံသို့ ကုန်းတွင်းပိုင်း ကုန်သွယ်မှုလမ်းကြောင်းဖြစ်သည့် မိုင်းလားအထူးဒေသ(၄)မှ ဂိတ်နှစ်ခုအား မိုင်းလားအထူးဒေသ (၄)တွင် ဝင်ရောက်တပ်စွဲထားသည့် “ဝ” တပ်ဖွဲ့များက အောက်တိုဘာလ (၂၃)ရက်နေ့မှစ၍ ဖြတ်သန်းခွင့် ပိတ်လိုက်ရာမှ လုံခြုံရေးအရ နှစ်ဖက်စလုံးက ဂိတ်များအား ပိတ်ထားခြင်းဖြစ်သည်။
"အခုက ကုန်သွယ်မှုလမ်းတစ်ကြောလုံးကို ပိတ်ထားတဲ့အတွက် တရုတ်ဘက်ကလည်း အ၀ယ်က မဆင်းနိုင်ဘူး။ အခုလို ဆန်စပါးတင်ပို့ ခွင့်တွေ ပိတ်ထားတော့ ဆန်ဈေးလည်းကျတယ်။ စပါးဈေးလည်း ကျတယ်။ ဒေသတွင်းက ဆန်ကုန်သည်တွေအနေနဲ့ လည်း ဆန်တင်ပို့ခွင့်မရှိသေးတော့ ကိုယ်တတ်နိုင်တဲ့ တစ်ပိုင်တစ်နိုင် စီးပွားရေးလောက်ပဲလုပ်ပြီး အခြေအနေကို စောင့်ကြည့်နေရတဲ့ အနေအထားမှာပဲ ရှိပါတယ်"ဟု ကျိုင်းတုံမြို့နယ် ဆန်စပါးကုန်သည်ကြီးများအသင်း ဥက္ကဌ ဦးမုန်းကိုက ပြောသည်။
ဆန်တင်ပို့ မှုများ မရပ်ဆိုင်းမီ စပါးစပေါ်သည့်ကာလတွင် စပါး(၁)တင်းလျှင် (၆၀၀၀)ကျပ်အထိရှိနေရာမှ လက်ရှိတွင် စပါး (၁)တင်းလျှင် ကျပ်(၄၆၀၀)ခန့် သာ ရှိတော့ကြောင်း သိရသည်။
"ဒီနှစ် မိုးစပါးတွေကလည်း အပျက်အစီးမရှိဘဲနဲ့  အထွက်နှုန်းကောင်းပေမဲ့ အခုလို တရားဝင် ကုန်သွယ်မှုလမ်းကြောင်းတွေ ပိတ်ထားတော့ ပြည်ပကို ကျွန်တော်တို့  ရှမ်း/အရှေ့ အနေနဲ့  ဆန်တင်ပို့ ခွင့် ရပ်သွားတော့ နိုင်ငံတော်အတွက် အခွန်မရတော့သလို ဒေသတွင်းမှာလည်း စားသောက်ကုန်နဲ့  အထွေထွေ ကုန်ပစ္စည်းတွေကို ဈေးကြီးကြီး ပေးဝယ်နေရတဲ့ အနေအထားမှာရှိနေတယ်"ဟု ဒေသတွင်း စပါးကုန်သည်တစ်ဦးက ပြောသည်။
ရှမ်းပြည်နယ်(အရှေ့ပိုင်း)ဒေသမှ စပါးအား ဆန်ကြိတ်ခွဲ၍ မိုင်းလားမြို့မှတစ်ဆင့် တရုတ်နိုင်ငံသို့  နှစ်စဉ် တန်ချိန် (၃)သောင်းခန့်  တင်ပို့ ရောင်းချနိုင်ပြီး ယခုလက်ရှိတွင် ဒေသတွင်း လုံခြုံရေးအခြေအနေ များကြောင့် ကုန်သွယ်မှုလမ်းကြောင်းပိတ်ထားသည်မှာ တစ်လနီးပါးရှိနေသဖြင့် လုံးဝတင်ပို့နိုင်ခြင်း မရှိသေးကြောင်း သိရသည်။
လက်ရှိတွင် ဒေသတွင်းကုန်သွယ်မှုလမ်းကြောင်း ဖွင့်နိုင်မည့်အခြေအနေကို စောင့်ကြည့်နေပြီး ကုန်သွယ်မှုလမ်းကြောင်းဖွင့်ရန် ကြာမြင့်နေပါက စပါးတင်ပို့နိုင်မည့်လမ်းကြောင်းများကို ရှာဖွေရန် စီစဉ်နေကြောင်း ဒေသတွင်း ကုန်သည်များထံမှ သိရသည်။
“ဖြစ်ချင်တာကတော့ တရားဝင်လမ်းကြောင်း ဖွင့်စေချင်တာပေါ့။ ဒါမှလည်း သွားရလာရလွယ်ကူတယ်။ နိုင်ငံတော်လည်းပဲ အခွန်ရတယ်။ ဥပမာ တရားမ၀င်လမ်းကြောင်းက သွားမယ်ဆိုရင် ကျွန်တော်တို့က ခိုးကြောင်ခိုးဝှက် နည်းလမ်းနဲ့ သွားရလာရမှာဆိုတော့ ကျွန်တော်တို့အတွက် အခက်အခဲလည်း အများကြီးရှိတယ်။ ကုန်ကျစရိတ်တွေလည်း အများကြီးရှိတယ်။ “ဟု ဒေသတွင်း ဆန်ကုန်သည် တစ်ဦးက ပြောသည်။
လက်ရှိတွင် ဝမ်ပုံဆိပ်ကမ်းမှ တင်ပို့နိုင်သော်လည်း ကုန်ကျစရိတ်မြင့်မားပြီး ရေလမ်းအာမခံချက်မရှိသဖြင့် ကုန်သည်များအနေဖြင့် အဆိုပါလမ်းကြောင်းအား အသုံးပြုမှု နည်းပါးခြင်းဖြစ်ပြီး ဆန်တင်ပို့နိုင်ခြင်းမရှိသည့်အတွက် ဒေသတွင်း ဆက်စပ်လုပ်ငန်းများလည်း ထိခိုက်မှုရှိလာနိုင်သည်ဟု ဒေသခံကုန်သည်တို့က ဆိုသည်။
“ ကြာလာရင်တော့ ဆန်စပါးလုပ်ငန်းရှင်တွေရော အထွေထွေလုပ်ငန်းရှင်တွေရော အထွေထွေဆိုတဲ့ နေရာမှာ ကျွန်တော်တို့နှင့် ထိစပ်နေတဲ့ စိုက်ပျိုးမွေးမြူရေးသမားတွေပေါ့။ မွေးမြူရေးသမားတွေကလည်း ဆန်စက်ကြိတ်ခွဲမှုမရှိတဲ့အခါမှာ ဘေးထွက်ပစ္စည်းတွေ မရကြဘူးလေ။ မရကြတဲ့အခါမှာ ဈေးမြင့်မြင့် ပေးဝယ်ရတယ်။ မွေးမြူရေးတွေအတွက်လည်း မကိုက်ဘူး။ရှူံးတယ်။ အစာတွေလည်း လိုသလောက်မရဘူး။ အဲဒီတော့ လိုသလောက်မရတဲ့အခါမှာ မွေးမြူရေးတွေအတွက် အစာရောင်းအားလည်း ကျသွားတာပေါ့။ အဲဒါကြောင့် ထိခိုက်ဆုံးရှုံးမှုတွေ အများကြီးရှိတာပေါ့။ ဒါကြောင့် ရေရှည်ပိတ်ရင်တော့ ဒေသခံတွေအနေနဲ့ တော်တော်လေးကို ဂယက်ရိုက်နိုင်ပါတယ်”ဟု ဦးမုန်းကိုက ဆိုသည်။
ယင်းကဲ့သို့ ဒေသတွင်း ကုန်သွယ်မှုလမ်းကြောင်း ပိတ်ဆို့မှုကြောင့် ကုန်သည်များအခက်အခဲဖြစ်ရခြင်းကို ကိုးကန့်တိုက်ပွဲကာလများအတွင်းကလည်း ကြုံခဲ့ရကြောင်း သိရသည်။
"အခုလို မိုင်းလားဒေသအခြေအနေက ကျွန်တော်တို့  အခုမှ ကြုံရတာမဟုတ်ပါဘူး။ အရင် ကိုးကန့် နဲ့  ဖြစ်တဲ့ကိစ္စမှာ ခြောက်လ၊ ခုနှစ်လလောက် အပိတ်ခံခဲ့ရတဲ့အခါမှာ ကျွန်တော်တို့  ဆန်ဈေးကွက်ကို ထိခိုက်ခဲ့ပါတယ်။ ဒါကလည်း စီးပွားရေးမတိုးတက်ခြင်းဟာ စစ်ရေးနဲ့  ဆက်နွှယ်နေတယ်။ ဒါကြောင့် ဒီလိုတွေဖြစ်နေတာက တိုင်းပြည်အတွက် သိပ်တော့ မကောင်းဘူးပေါ့။"ဟု ရှမ်းပြည်နယ် စားသုံးသူရေးရာဦးစီးဌာနမှ ရှမ်းပြည်နယ်ကိုယ်စားလှယ် လက်ထောက်ညွှန်ကြားရေးမှူး ဦးမင်းအောင်က ပြောသည်။
ပြည်ပဆန်တင်ပို့ မှုများ ရပ်ဆိုင်းထားရသည့်အတွက် စပါးဈေးကွက်ကျလာခြင်းကြောင့် လတ်တလောတွင် ကျိုင်းတုံဒေသတစ်ဝိုက် နွေစပါးစိုက်သူ နည်းလာနိုင်သည်ဟု ကျိုင်းတုံမြို့နယ် ဆန်စပါး ကုန်သည်ကြီးများအသင်းမှ ခန့်မှန်းထားသည်။
"အခုက မိုးစပါးစိုက်ပြီးသွားပြီဆိုတော့ မိုးစပါးစိုက်ဖို့ အတွက် ပျိုးထောင်နေကြပြီလေ။ ဒါပေမဲ့ ပျိုးအားကတော့ ခါတိုင်းနှစ်တွေလောက်တော့ အားမရဘူးပေါ့။ ဘာလို့လဲဆိုတော့ အခုလက်ရှိ စပါးဈေးကွက်က ဆန်တင်ပို့ တာတွေ ရပ်ထားရတော့ နွေစပါး စိုက်မယ့်သူတွေအတွက် အကျိုးမရှိဘဲနဲ့  အရှုံးပေါ်မယ့် အနေအထားမှာရှိနေတယ်။ ဒါကြောင့် ဒီနှစ်မှာတော့ နွေစပါးစိုက်သူတွေ နည်းလာနိုင်တယ်"ဟု ကျိုင်းတုံမြို့နယ် ဆန်စပါးကုန်သည်ကြီးများအသင်း ဥက္ကဌဦးမုန်းကိုက ပြောသည်။
ပြီးခဲ့သည့်နှစ်တွင်လည်း ကိုးကန့် တွင် ဖြစ်ပွားခဲ့သည့် စစ်ပွဲများကြောင့် ဆန်တင်ပို့ မှုများ ရပ်ဆိုင်းလိုက်ရသည့်အတွက် နွေစပါး စိုက်ပျိုးသူများ အရှုံးပေါ်ခဲ့သဖြင့် ယခုနှစ်အတွက် စိုးရိမ်နေကြခြင်း ဖြစ်သော်လည်း စိုက်ပျိုးမည့်တောင်သူများမှာ စတင်ပြင်ဆင်နေကြပြီဖြစ်ကြောင်း သိရသည်။
" တချို့တောင်သူတွေက မစိုက်ကြတော့ဘူး။ ဒီနှစ်မှာလည်း မိုးရေချိန်က မနှစ်ကထက်ကို (၁၅)လက်မလောက်နည်းသွားတယ်။ ဒီတစ်ရက် နှစ်ရက်မိုးရွာထားတော့ အစိုအစိမ့်ကိုတော့ ထိန်းထားနိုင်တယ်။ ဒါကြောင့် မနှစ်က ဒီအချိန် ပျိုးမထောင်နိုင်သေးပေမဲ့ အခုတော့ လယ်သမားတွေ စပြီးပျိုးထောင်နေကြပြီ။"ဟု ကျိုင်းတုံမြို့နယ် စိုက်ပျိုးရေးဦးစီးဌာနမှ ဦးစီးမှူး ဦးအောင်ကျော်မင်းက ပြောသည်။
ကျိုင်းတုံမြို့နယ် အတွင်း ၂၀၁၅ ခုနှစ်က နွေစပါးစိုက်ဧကပေါင်း (၈၈၈၄)ဧက စိုက်ပျိုးခဲ့ပြီး၂၀၁၆ ခုနှစ်တွင် (၈၈၇၇)ဧက စိုက်ပျိုးနိုင်ခဲ့ကြောင်း သိရသည်။
ဆန်တင်ပို့ မှုများ မရပ်ဆိုင်းမီ စပါးစပေါ်သည့်ကာလတွင် စပါး(၁)တင်းလျှင် (၆၀၀၀)ကျပ်၊ ကီလို(၅၀) ဆန်တစ်အိတ်လျှင် (၂၇၀၀၀)ကျပ် ပေါက်ဈေးရှိခဲ့ရာမှ လက်ရှိတွင် ဆန်တင်ပို့ မှုများ ရပ်ဆိုင်းထားရသည့်အတွက် ဆန်ဈေးမှာ ကီလို(၅၀) တစ်အိတ်လျှင် (၂၅၀၀၀)ခန့် နှင့် စပါးဈေးမှာလည်း (၁)တင်းလျှင် ကျပ်(၄၆၀၀)ခန့်တွင်သာ ရှိကြောင်း သိရသည်။
ရှမ်းပြည်နယ်(အရှေ့ပိုင်း)ဒေသတွင် ကုန်သွယ်မှုလမ်းကြောင်းများ ပိတ်လိုက်သဖြင့် စပါးဈေးကျဆင်းသည်နှင့်အတူ တစ်နိုင်ငံလုံးအနေအထားတွင်လည်း စပါးဈေးကျဆင်းနေသဖြင့် လယ်သမားများ အခက်အခဲကြုံတွေ့ နေရခြင်းဖြစ်သည်။
လက်ရှိတွင် ဒေသအလိုက်ဖြစ်ပေါ်နေသည့် လယ်ယာထုတ်ကုန်ဈေးနှုန်းများကြောင့် တောင်သူလယ်သမားများ ထိခိုက်နစ်နာမှု နည်းပါးစေရေးညှိနှိုင်းအစည်းအဝေးကို ဒုတိယသမ္မတ ဦးဟင်နရီဗန်ထီးယူ ဦးဆောင်သည့် တောင်သူလယ်သမား အခွင့်အရေးကာကွယ်ရေးနှင့် အကျိုးစီးပွားမြှင့်တင်ရေး ဦးဆောင်အဖွဲ့က ဆွေးနွေးနေကြောင်း သိရသည်။
လက်ရှိ မြန်မာနိုင်ငံ၏ ဆန်စပါးဈေးကွက် ကျဆင်းနေခြင်းအား ထိန်းသိမ်းရန် မြန်မာနိုင်ငံဆန်စပါးအသင်းချုပ်အနေဖြင့် ပြည်ပသို့ သုံးလအတွင်း ဆန်တန်ချိန်သုံးသိန်းရောင်းချနိုင်ရန် ပြင်ဆင်နေခြင်း၊ ဆန်စက်ပိုင်ရှင်နှင့် ဆန်ကုန်သည်များ လယ်သမားများထံမှ စပါးကို ၀ယ်ယူရာ တွင် ဈေးနှုန်းထိန်းညှိပြီး ၀ယ်ယူပေးရန် တိုက်တွန်းခြင်းများကို လုပ်ဆောင်နေကြောင်း မြန်မာနိုင်ငံ ဆန်စပါးအသင်းချုပ်ဒုဥက္ကဋ္ဌ ဒေါက်တာစိုးထွန်းထံမှ သိရသည်။
ထို့အပြင် အစိုးရအနေဖြင့် အာမခံဈေးနှုန်းဖြင့် စပါးဝယ်ယူပေးရန် စီစဉ်နေပြီး ယင်းအစီအစဉ်ကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ သက်ဆိုင်ရာတိုင်းဒေသကြီးနှင့် ပြည်နယ်အစိုးရတို့ ပူးပေါင်းပြုလုပ်ရန် စီစဉ်နေသည်ဟု သိရသည်။
မည်သို့ဆိုစေ ရှမ်းပြည်နယ်(အရှေ့ပိုင်း)မှ စပါးဈေးကွက် ပုံမှန်လည်ပတ်နိုင်ရေးမှာ နယ်စပ်ကုန်သွယ် မှုလမ်းကြောင်းများအား တရားဝင်အသုံးပြုနိုင်ရေးအတွက် သက်ဆိုင်ရာတို့က စီစဉ်ပေးနိုင်မှုအပေါ်တွင်သာ မူတည်ခြင်းဖြစ်ကြောင်း ဒေသခံဆန်စပါးကုန်သည်များက သုံးသပ်သည်။
~~~~~~~~⊰❂ unicode ❂⊱~~~~~~~~
1အအ
