တရုတ်နိုင်ငံတွင်း ကော်ရိုနာဗိုင်းရပ်စ် (ဝူဟန်အဆုတ်ရောင်ရောဂါ) မထိန်းချုပ်နိုင်သေး၍ ပြည်နယ်အသီးသီးရှိ အချို့တက္ကသိုလ်များ၏ ကျောင်းပိတ်ရက် အကန့်အသတ်မရှိ တိုးမြှင့်ထားရာ နေရပ်ပြန်လိုသည့် အစိုးရ ပညာတော်သင် မြန်မာကျောင်းသူ ကျောင်းသားများ ခွင့်ပြန်လိုပါက မြန်မာသံရုံးသို့ ဆက်သွယ်ကြရန် အသိပေးထားသည်။
ဟူပေပြည်နယ်မှ မြန်မာကျောင်းသူ ကျောင်းသားများကို အစိုးရအစီအစဉ်ဖြင့် ပြန်ခေါ်မည်ဖြစ်သော်လည်း တရုတ်နိုင်ငံအတွင်းရှိ ကျန်ပြည်နယ်များမှ ကျောင်းသူကျောင်းသားများ မိမိအစီအစဉ်ဖြင့် ခွင့်ပြန်လိုပါက မြန်မာသံရုံး၏ ပညာရေးအီးမေးလ်ဖြစ်သည့် [email protected] သို့ ဆက်သွယ်ကြရမည်ဖြစ်ကြောင်း သိရသည်။
မြန်မာသံရုံးအနေဖြင့် ခွင့်ပြန်လိုသည့် မြန်မာကျောင်းသူကျောင်းသားများအတွက် လိုအပ်သည်များ ကူညီဆောင်ရွက်ပေးနေကြောင်းနှင့် တရုတ်နိုင်ငံတွင်း နေထိုင်ချိန်၊ ပြန်ထွက်ချိန်တို့တွင် ရောဂါမကူးစက်စေရန် လမ်းညွှန်ချက်များအတိုင်း လိုက်နာကြရန်ကိုလည်း အကြံပြုထားသည်။
ပေကျင်းမြို့ မြန်မာသံရုံး ဖုန်း +86 010 65320360 ၊ +86 18301614095 အီးမေးလ် - [email protected]
ကူမင်းမြို့၊ မြန်မာကောင်စစ်ဝန်ချုပ်ရုံး +86 87168162814၊ +86 17687001874
နန်နင်းမြို့၊ မြန်မာကောင်စစ်ဝန်ချုပ်ရုံး +86 7715672845 ၊ +86 18577145939
ဟောင်ကောင်မြို့၊ မြန်မာကောင်စစ်ဝန်ချုပ်ရုံး +852 28450810၊ +852 5499825
Tachileik News Agency
