“စိတ်ကျန်းမာရေးဆိုတာကို ကာလရှည်ကြာ လှစ်လျူရှုထားခဲ့တာကနေ စိတ်ပူစရာဖြစ်လာတာပါပဲ”ဟု ကမ္ဘာ့စိတ်ကျန်းမာရေးနေ့အထိမ်းအမှတ်အဖြစ် ပေးပို့သည့် ကုလသမဂ္ဂအထွေထွေအတွင်းရေးမှူးချုပ် Antonio Guterres ၏ ဗီဒီယိုမိန့်ခွန်းတွင် ထည့်သွင်းပြောကြားသွားသည်။

ကမ္ဘာတလွှား စိတ်ကျန်းမာရေးနှင့်ပတ်သက်၍ သတိထားမိစေရန် ပညာပေးခြင်း၊ အသိပေးလှုံ့ဆော်မှုများ လုပ်ဆောင်ခြင်း၊ အကြံပေးခြင်းများ လုပ်ဆောင်ရန်အတွက် အောက်တိုဘာလ (၁၀)ရက်နေ့ကို ကမ္ဘာ့စိတ်ကျန်းမာရေးနေ့အဖြစ် သတ်မှတ်လုပ်ဆောင်နေကြခြင်းဖြစ်သည်။

မိမိကိုယ်ကိုသတ်သေခြင်းကြောင့် နှစ်စဉ် လူူပေါင်း (၈၀၀,၀၀၀)သည် အသက်ဆုံးရှုံးနေရသည်ဟု ကမ္ဘာ့ကျန်းမာရေးအဖွဲ့က အစီရင်ခံစာများအရ တွေ့ရှိထားရသော်လည်း စိတ်ကျန်းမာရေးနှင့်ပတ်သက်၍ ကျန်းမာရေးကဏ္ဍတွင် ဦးစားပေးလုပ်ဆောင်ရန် မူဝါဒချမှတ်ထားသည့်နိုင်ငံပေါင်း (၃၈)နိုင်ငံသာရှိသည်ဟု သိရသည်။

ဘေးဒုက္ခအန္တရာယ်ကြုံတွေ့ခဲ့ရသူများ၊ အကြမ်းဖက်တိုက်ခိုက်မှု၊ ထိပါးစော်ကားခံရမှုစသည့် စိတ်ပိုင်းဆိုင်ရာ ထိခိုက်ခံစားရမှုများနှင့် မိမိကိုယ်ကို သတ်သေမှုနှုန်းမှာ ဆက်စပ်နေသည်ဟု မိမိကိုယ်ကို အဆုံးစီရင်မှုကာကွယ်ရေးဆိုင်ရာ လေ့လာမှုများအရ တွေ့ရှိထားသည်ဟု သိရသည်။

Tachileik News Agency