~~~~~~~~⊰❂ Unicode Version ❂⊱~~~~~~~~

အဆိုပါ တရုတ်နိုင်ငံသား(၂)ဦးမှာ ဟွေအယ်(၂)ကျေးရွာရှိ မခင်လှ၏နေအိမ်တွင် နေထိုင်ခဲ့ကြခြင်းဖြစ်သဖြင့် ဗီဇာစည်းကမ်းချိုးဖောက်မှုဖြင့် တရုတ်နိုင်ငံသား (၂)ဦးနှင့် အိမ်ရှင်မခင်လှတို့ကို အရေးယူလိုက်ခြင်းဖြစ်ကြောင်း သိရသည်။

မခင်လှနှင့်၎င်း၏ ခင်ပွန်းတရုတ်နိုင်ငံသားတို့က ဟွေအယ်(၂)ကျေးရွာတွင် တရုတ်အမျိုးသားတစ်ဦးနှင့် လက်ထပ်ရန် အမျိုးသမီးတစ်ဦးအား ဘတ်ငွေ(၅၀၀၀)ပေးပြီး တရုတ်နိုင်ငံသို့ လက်ထပ်ခေါ်ဆောင်ရန် စီစဉ်နေချိန်တွင် လူကုန်တားရဲတပ်ဖွဲ့က ဖမ်းဆီးထိန်းသိမ်းလိုက်ခြင်းဖြစ်သည်။

တရုတ်နိုင်ငံသား (၂)ဦးဖြစ်သူ Li Jinke နှင့် Luo Laosan တို့အား တာချီလိတ်မြို့မ ရဲစခန်းတွင် (ပ) ၁၆၁/၂၀၁၉၊ လဝက ၂၄ ဖြင့် အမှုဖွင့်ထားရာမှ (ပ)၁၆၄/၂၀၁၉၊ လဝကအက်ဥပဒေ ၁၃(၁)ဖြင့် လည်းကောင်း မခင်လှအား လဝကအက်ဥပဒေ ၁၃(၅)အရ လည်းကောင်း အသီးသီးထပ်မံအမှုဖွင့်လိုက်ခြင်းဖြစ်ကြောင်း သိရသည်။

မိသားစုတစ်စု ကလေးတစ်ဦးစီမံချက်အကောင်အထည်ဖော်ခဲ့သည့် တရုတ်နိုင်ငံတွင် သတို့သမီးလိုအပ်ချက်မြင့်နေသည့် အိမ်နီးချင်းနိုင်ငံများမှ အမျိုးသမီးများကို တရုတ်အမျိုးသားများနှင့် လက်ထပ်ရန် လူကုန်ကူးမှုများ၊ တရုတ်အမျိုးသားများက အိမ်နီးချင်းနိုင်ငံများသို့ သွားရောက်၍ သတို့သမီးရှာဖွေလက်ထပ် ခေါ်ဆောင်သွားကာ ပြန်လည်ရောင်းချမှုများ ဖြစ်ပွားနပြေီး မြန်မာအမျိုးသမီးများ တရုတ်နိုင်ငံသို့ လူကုန်ကူးခံရမှုမှာလည်း မြင့်မားနေဆဲဖြစ်ကြောင်း သိရသည်။

Tachileik News Agencyv