တာခ်ီလိတ္ၿမိဳ႕ ေဆခမ္းရပ္ကြက္ အနီးဆံုးျဖစ္သည့္ ျမန္မာ - ထိုင္း နယ္စပ္ ေခ်ာင္းအနီးတြင္ တစ္ဖက္ ထိုင္းႏိုင္ငံမွ ေျပာက္က်ားယူနီေဖာင္း၀တ္ လူတစ္ဦးမွ ျမန္မာႏိုင္ငံသား အမ်ဳိးသားတစ္ဦးအား ေသနတ္ျဖင့္ ပစ္ခတ္သျဖင့္ ပြဲခ်င္းၿပီး ေသဆံုးသြားသည့္ ျဖစ္စဥ္တစ္ခု ႏို၀င္ဘာလ (၂)ရက္ေန႔ ညေန(၄)နာရီ ၀န္းက်င္က ျဖစ္ပြားခဲ့ေၾကာင္း သိရသည္။
ျဖစ္စဥ္မွာ တာခ်ီလိတ္ၿမိဳ႕ ေဆခမ္းရပ္ကြက္တြင္ ေနထိုင္သူ အားဆာသည္ အားတူ(ခ)ေပတလုအား ထိုင္းႏိုင္ငံအတြင္းသို႔ ဆိုင္ကယ္၀ယ္ယူရန္အတြက္ ထိုင္းဘတ္ေငြ (၂၆,၅၀၀)ဘတ္ေပးၿပီး ေစလႊတ္ခဲ့ၿပီးေနာက္ ညေန(၄)နာရီ အခ်ိန္တြင္ အားဆာ ႏွင့္ သားလာတို႔သည္ ေဆခမ္းရပ္ကြက္၊ မယ္ဆိုင္ေရေခ်ာင္းေဘး ေတာင္ယာထဲတြင္ အားတူ(ခ)ေပတလုအား ေစာင့္ေနစဥ္မွာ အားတူ(ခ)ေပတလုသည္ ထိုင္းႏိုင္ငံဘက္မွ မယ္ဆိုင္ေခ်ာင္းအား ျဖတ္ၿပီး အျဖဴေရာင္ ဟြန္ဒါေ၀့ဖ္အိုင္ ၁၁၀ အမ်ဳိးအစား ေမာ္ေတာ္ဆိုင္ကယ္အား ကားကြ်တ္ေပၚတြင္ တင္ကာ ေခ်ာင္းအား ျဖတ္ကူးစဥ္ ျမန္မာဘက္ကမ္းသို႔ ေရာက္ေသာအခါမွာ ထိုင္းႏိုင္ငံဘက္မွ အစိမ္းေရာင္ေျပာက္က်ားယူနီေဖာင္း ၀တ္ဆင္ထားသူ (၄)ဦးမွ ေသနတ္ျဖင့္ မိုးေပၚသို႔ (၁၀)ခ်က္ခန္႔ ေထာင္ေဖာက္သျဖင့္ အားတူ(ခ) ေပတလုသည္ ထိတ္လန္႔သြားကာ အဆိုပါ ဆိုင္ကယ္အား ျမန္မာဘက္ကမ္းတြင္ ထားရွိၿပီး ကမ္းေပၚသို႔ ေျပးတက္လာခဲ့ၿပီးေနာက္ (၅)မိနစ္ခန္႔အၾကာတြင္ ဆိုင္ကယ္ေသာ့မွာ ဆိုင္ကယ္တြင္ တန္းလန္႔ျဖစ္ေန၍ ေရေခ်ာင္းသို႔ ဆင္းၿပီး ျပန္ယူစဥ္မွာ ယူနီေဖာင္း၀တ္ (၄)ဦးအနက္ (၁)ဦးမွ ေသနတ္အရွည္ျဖင့္ (၁)ခ်က္လွမ္းပစ္ရာ အားတူ(ခ)ေပတလုမွာ "အား"ဟု ေအာ္ကာ ေသနတ္မွန္ၿပီး လဲက်သြားခဲ့ေၾကာင္း လာေရာက္တိုင္တန္းသူ၏ ေျပာျပခ်က္ကို တာခ်ီလိတ္ၿမိဳ႕မရဲစခန္းမွ တဆင့္ သိရသည္။
ေသနတ္ဒဏ္ရာျဖင့္ လဲက်သြားေသာ အားတူ(ခ)ေပတလူအား အားဆာ ႏွင့္ သားလာတို႔မွ သြားေရာက္တြဲေခၚလာၿပီး ဒဏ္ရာအား ၾကည့္ရာ ၀ဲနံေဘးမွ ေဖာက္၀င္ၿပီး ယာနံေဘးမွ ေဖာက္ထြက္သြားသည့္ ဒဏ္ရာ(၁)ခ်က္ရရွိေၾကာင္း သိရွိရသည့္အတြက္ ေတာင္ယာထဲတြင္ ထားရွိၿပီး ေသဆံုးသူ၏ ဖခင္ထံသို႔ အေၾကာင္းၾကားခဲ့ရေၾကာင္း သိရသည္။
အားတူ(ခ)ေပတလု သယ္ေဆာင္လာေသာ ေမာ္ေတာ္ဆိုင္ကယ္သည္ ထိုင္းႏိုင္ငံ မယ္ဆိုင္ဘက္ကမ္း၏ လယ္ကန္သင္းေပၚတြင္ ေရာက္ရွိေနၿပီး ေမာ္ေတာ္ဆိုင္ကယ္၏ အနီးတြင္ ေျပာက္က်ားယူနီေဖာင္း၀တ္ (၄)ဦးကို ေတြ႕ျမင္ရေၾကာင္း မ်က္ျမင္ေတြ႕ရွိရသူမ်ား၏ ထုတ္ေဖာ္ေျပာျပခ်က္အရ သိရသည္။
"ေသနတ္ဒဏ္ရာနဲ႔ ေသဆံုးသြားတာ မွန္ပါတယ္၊ ဒါေပမယ့္ ျဖစ္စဥ္အမွန္ကို စံုစမ္းဆဲပါ၊ သက္ေသ ထြက္ခ်က္ေတြကေတာ့ ေျပာက္က်ား၀တ္ လူတစ္ဦးက တစ္ဖက္ႏိုင္ငံကေန လွမ္းပစ္တာလို႔ေျပာပါတယ္.."ဟု တာခ်ီလိတ္ခရိုင္ ရဲတပ္ဖြဲ႕မွဴး ဒုတိယရဲမွဴးႀကီး လွမင္းက တာခ်ီလိတ္သတင္းေအဂ်င္စီသို႔ ေျပာသည္။
သက္ေသမ်ား၏ ေျပာျပခ်က္အရ ထုိင္းႏိုင္ငံ အတြင္းမွ လွမ္းပစ္သည္ဟု ေျပာဆိုေသာ္လည္း က်ည္ဆံခြံ သြားေရာက္ရွာယူရန္ တစ္ဖက္ႏိုင္ငံျဖစ္သည့္ အတြက္ စစ္ေဆးဆဲျဖစ္ေၾကာင္း၊ က်ည္ဖူးအား ရွာေဖြေသာ္လည္း မေတြ႕ရွိေသးေၾကာင္း လက္ရွိတြင္ လူသတ္မႈျဖင့္ အမႈဖြင့္ေဆာင္ရြက္ထားေၾကာင္း တာခ်ီလိတ္ခရိုင္ရဲတပ္ဖြဲ႔ရံုးမွ သိရသည္။
"ပါသြားတဲ့ ေကာင္ေလးေတြ ေျပာတာေတာ့ စစ္သားလို႔ေျပာတယ္၊ ေကာင္ေလးေတြကို ဟိုဘက္ကမ္းက လိုက္ဖမ္းလို႔ ေျပးလာတဲ့အခ်ိန္ ျမန္မာႏိုင္ငံထဲ ေရာက္မွ ေနာက္ကလွမ္းပစ္တာ အခုေတာ့ အေလာင္းကို သူတို႔ အိမ္ပို႔ထားၿပီးပါၿပီ တဘက္ခါ သၿဂႋဳဟ္မွာပါ.."ဟု တာခ်ီလိတ္နာေရးကူညီမႈအသင္း ဥကၠဌ ဦးလွမိုးက ေျပာသည္။
ေသဆံုးသြားသူ၏ ေသနတ္ဒဏ္ရာမွာ ေနာက္ေက်ာမွ၀င္၍ ေရွ႕မွ က်ည္ဆံထြက္သြားျခင္းျဖစ္ေၾကာင္း၊ ေက်ာေနာက္ရွိ ၀ဲဘက္နံရိုးၾကား ေသနတ္ဒဏ္ရာမွာ ေသးငယ္ၿပီး အေရွ႕ရင္ဘတ္တြင္ က်ည္ထြက္ေပါက္ က်ယ္ေနေၾကာင္း ၎မွ ေျပာၾကားသည္။
ယင္းျဖစ္စဥ္ႏွင့္ ပတ္သက္၍ ေသနတ္ျဖင့္ ပစ္ခတ္သူအား စံုစမ္းေဖာ္ထုတ္ အေရးယူေပးႏိုင္ရန္အတြက္ တာခ်ီလိတ္ၿမိဳ႕မရဲစခန္းတြင္ (ပ)၂၄၅/၂၀၁၅၊ ျပစ္မႈပုဒ္မ ၃၀၂ ျဖင့္ အမႈဖြင့္လွစ္ ေဆာင္ရြက္ထားေၾကာင္း သိရွိရသည္။
ဓါတ္ပံု။ ။ တာခ်ီလိတ္နာေရးကူညီမႈအသင္း
( Zawgyi Font ျဖင့္ ဖတ္မရသူမ်ားအတြက္ unicode ျဖင့္ ေအာက္တြင္ ေဖာ္ျပထားပါသည္။ )
( Zawgyi Font ဖြင့် ဖတ်မရသူများအတွက် unicode ဖြင့် အောက်တွင် ဖော်ပြထားပါသည်။ )
တာချီလိတ်မြို့ ဆေခမ်းရပ်ကွက် အနီးဆုံးဖြစ်သည့် မြန်မာ - ထိုင်း နယ်စပ် ချောင်းအနီးတွင် တစ်ဖက် ထိုင်းနိုင်ငံမှ ပြောက်ကျားယူနီဖောင်းဝတ် လူတစ်ဦးမှ မြန်မာနိုင်ငံသား အမျိုးသားတစ်ဦးအား သေနတ်ဖြင့် ပစ်ခတ်သဖြင့် ပွဲခြင်းပြီး သေဆုံးသွားသည့် ဖြစ်စဉ်တစ်ခု နိုဝင်ဘာလ (၂)ရက်နေ့ ညနေ(၄)နာရီ ဝန်းကျင်က ဖြစ်ပွားခဲ့ကြောင်း သိရသည်။
ဖြစ်စဉ်မှာ တာချီလိတ်မြို့ ဆေခမ်းရပ်ကွက်တွင် နေထိုင်သူ အားဆာသည် အားတူ(ခ)ပေတလုအား ထိုင်းနိုင်ငံအတွင်းသို့ ဆိုင်ကယ်ဝယ်ယူရန်အတွက် ထိုင်းဘတ်ငွေ (၂၆,၅၀၀)ဘတ်ပေးပြီး စေလွှတ်ခဲ့ပြီးနောက် ညနေ(၄)နာရီ အချိန်တွင် အားဆာ နှင့် သားလာတို့သည် ဆေခမ်းရပ်ကွက်၊ မယ်ဆိုင်ရေချောင်းဘေး တောင်ယာထဲတွင် အားတူ(ခ)ပေတလုအား စောင့်နေစဉ်မှာ အားတူ(ခ)ပေတလုသည် ထိုင်းနိုင်ငံဘက်မှ မယ်ဆိုင်ချောင်းအား ဖြတ်ပြီး အဖြူရောင် ဟွန်ဒေါဝ့ဖ်အိုင် ၁၁၀ အမျိုးအစား မော်တော်ဆိုင်ကယ်အား ကားကျွတ်ပေါ်တွင် တင်ကာ ချောင်းအား ဖြတ်ကူးစဉ် မြန်မာဘက်ကမ်းသို့ ရောက်သောအခါမှာ ထိုင်းနိုင်ငံဘက်မှ အစိမ်းရောင်ပြောက်ကျားယူနီဖောင်း ဝတ်ဆင်ထားသူ (၄)ဦးမှ သေနတ်ဖြင့် မိုးပေါ်သို့ (၁၀)ချက်ခန့် ထောင်ဖောက်သဖြင့် အားတူ(ခ) ပေတလုသည် ထိတ်လန့်သွားကာ အဆိုပါ ဆိုင်ကယ်အား မြန်မာဘက်ကမ်းတွင် ထားရှိပြီး ကမ်းပေါ်သို့ ပြေးတက်လာခဲ့ပြီးနောက် (၅)မိနစ်ခန့်အကြာတွင် ဆိုင်ကယ်သော့မှာ ဆိုင်ကယ်တွင် တန်းလန့်ဖြစ်နေ၍ ရေချောင်းသို့ ဆင်းပြီး ပြန်ယူစဉ်မှာ ယူနီဖောင်းဝတ် (၄)ဦးအနက် (၁)ဦးမှ သေနတ်အရှည်ဖြင့် (၁)ချက်လှမ်းပစ်ရာ အားတူ(ခ)ပေတလုမှာ "အား"ဟု အော်ကာ သေနတ်မှန်ပြီး လဲကျသွားခဲ့ကြောင်း လာရောက်တိုင်တန်းသူ၏ ပြောပြချက်ကို တာချီလိတ်မြို့မရဲစခန်းမှ တဆင့် သိရသည်။
သေနတ်ဒဏ်ရာဖြင့် လဲကျသွားသော အားတူ(ခ)ပေတလူအား အားဆာ နှင့် သားလာတို့မှ သွားရောက်တွဲခေါ်လာပြီး ဒဏ်ရာအား ကြည့်ရာ ဝဲနံဘေးမှ ဖောက်ဝင်ပြီး ယာနံဘေးမှ ဖောက်ထွက်သွားသည့် ဒဏ်ရာ(၁)ချက်ရရှိကြောင်း သိရှိရသည့်အတွက် တောင်ယာထဲတွင် ထားရှိပြီး သေဆုံးသူ၏ ဖခင်ထံသို့ အကြောင်းကြားခဲ့ရကြောင်း သိရသည်။
အားတူ(ခ)ပေတလု သယ်ဆောင်လာသော မော်တော်ဆိုင်ကယ်သည် ထိုင်းနိုင်ငံ မယ်ဆိုင်ဘက်ကမ်း၏ လယ်ကန်သင်းပေါ်တွင် ရောက်ရှိနပြေီး မော်တော်ဆိုင်ကယ်၏ အနီးတွင် ပြောက်ကျားယူနီဖောင်းဝတ် (၄)ဦးကို တွေ့မြင်ရကြောင်း မျက်မြင်တွေ့ရှိရသူများ၏ ထုတ်ဖော်ပြောပြချက်အရ သိရသည်။
"သေနတ်ဒဏ်ရာနဲ့ သေဆုံးသွားတာ မှန်ပါတယ်၊ ဒါပေမယ့် ဖြစ်စဉ်အမှန်ကို စုံစမ်းဆဲပါ၊ သက်သေ ထွက်ချက်တွေကတော့ ပြောက်ကျားဝတ် လူတစ်ဦးက တစ်ဖက်နိုင်ငံက လှမ်းပစ်တာလို့ပြောပါတယ်.."ဟု တာချီလိတ်ခရိုင် ရဲတပ်ဖွဲ့မှူး ဒုတိယရဲမှူးကြီး လှမင်းက တာချီလိတ်သတင်းအေဂျင်စီသို့ ပြောသည်။
သက်သေများ၏ ပြောပြချက်အရ ထိုင်းနိုင်ငံ အတွင်းမှ လှမ်းပစ်သည်ဟု ပြောဆိုသော်လည်း ကျည်ဆံခွံ သွားရောက်ရှာယူရန် တစ်ဖက်နိုင်ငံဖြစ်သည့် အတွက် စစ်ဆေးဆဲဖြစ်ကြောင်း၊ ကျည်ဖူးအား ရှာဖွေသော်လည်း မတွေ့ရှိသေးကြောင်း လက်ရှိတွင် လူသတ်မှုဖြင့် အမှုဖွင့်ဆောင်ရွက်ထားကြောင်း တာချီလိတ်ခရိုင်ရဲတပ်ဖွဲ့ရုံးမှ သိရသည်။
"ပါသွားတဲ့ ကောင်လေးတွေ ပြောတာတော့ စစ်သားလို့ပြောတယ်၊ ကောင်လေးတွေကို ဟိုဘက်ကမ်းက လိုက်ဖမ်းလို့ ပြေးလာတဲ့အချိန် မြန်မာနိုင်ငံထဲ ရောက်မှ နောက်ကလှမ်းပစ်တာ အခုတော့ အလောင်းကို သူတို့ အိမ်ပို့ထားပြီးပါပြီ တဘက်ခါ သင်္ဂြိုဟ်မှာပါ.."ဟု တာချီလိတ်နာရေးကူညီမှုအသင်း ဥက္ကဌ ဦးလှမိုးက ပြောသည်။
သေဆုံးသွားသူ၏ သေနတ်ဒဏ်ရာမှာ နောက်ကျောမှဝင်၍ ရှေ့မှ ကျည်ဆံထွက်သွားခြင်းဖြစ်ကြောင်း၊ ကျောနောက်ရှိ ဝဲဘက်နံရိုးကြား သေနတ်ဒဏ်ရာမှာ သေးငယ်ပြီး အရှေ့ရင်ဘတ်တွင် ကျည်ထွက်ပေါက် ကျယ်နေကြောင်း၎င်းမှ ပြောကြားသည်။
ယင်းဖြစ်စဉ်နှင့် ပတ်သက်၍ သေနတ်ဖြင့် ပစ်ခတ်သူအား စုံစမ်းဖော်ထုတ် အရေးယူပေးနိုင်ရန်အတွက် တာချီလိတ်မြို့မရဲစခန်းတွင် (ပ)၂၄၅/၂၀၁၅၊ ပြစ်မှုပုဒ်မ ၃၀၂ ဖြင့် အမှုဖွင့်လှစ် ဆောင်ရွက်ထားကြောင်း သိရှိရသည်။
ဓာတ်ပုံ။ တာချီလိတ်နာရေးကူညီမှုအသင်း
